Efisesa 3:17 - KNTP

¹⁷ namba Kilishitu ekale monka mu michima yenu na lwitabilo. Pa kutabilamo ne kushimikwa ponka pa butemwe bwa Lesa,

Efisesa 3:17 Iomraidhean Croise

Mateo 13:6

Bino pa kusaama juba yasokelwe, na mambo a kubula kwikizha mizhazhi yaumine.

Luka 6:48

Wapashang'ana na muntu ushimika nzubo, wapoyile mwazhika ne kwala kitendekesho pa jibwe. Ne muyulo byo aishile, ne mikwe yapomokele ku yoya nzubo ne kukonsha kwiisunkenya ne, mambo yashimikilwe bulongo.

Yoano 14:17

Ye Mupashi wa bukine, ye babula kukonsha kutambula ba pano pantanda, mambo kechi bamumona ne, nangwa kumuyuka ne. Anweba mwamuyuka, mambo aye wikala nenu, kabiji ukekalanga mwi anweba.”

Yoano 14:23

Yesu wamukumbwile amba, “Inge muntu wantemwa, ukalama byambo byami ne bataata bakamutemwa, ne atweba tukeya ko aji, ne kwikala monka mwi aye.

Yoano 17:23

Amiwa monka mwi abo, ne anweba mwi amiwa, namba balumbuluke ke umo, namba ba pano pantanda bayuke amba, yenu mwantumine, ne kwibatemwa abo byonka byo mwantemwa amiwa.

Yoano 6:56

Awa uja ku mubiji wami ne kutoma mashi ami ye uji mwi amiwa, ne amiwa nji mwi aye.

Loma 5:5

Ne luketekelo kechi luleeta bumvu ne, mambo butemwe bwa Lesa bebwitulwila mu michima yetu na Mupashi Wazhila, ye twapewa.

1 Kolinda 3:6

Amiwa nabyajile, Apolosa watekezhepo, pakuba Lesa ye wiikomesha.

1 Kolinda 8:1

Mwayila kajo ko batapisha ku bankishi. Twayuka namba atweba bonse tuji na maana, bino maana alengela kwilundumika, pakuba butemwe bukomesha bantu.

2 kolinda 13:5

Ipimai anweba bene, mumone kana muji mu bwikalo bwa mu lwitabilo, mwipime anweba bene. Nanchi anweba bene kechi mwiyuka amba Yesu Kilishitu uji mwi anweba nenyi? Kana apo kampe mwakankalwa kulumbuluka.

2 kolinda 6:16

Kabiji nzubo yazhila ya Lesa iswang'ane byepi na bankishi? Mambo atweba twi nzubo yazhila ya Lesa mumi! Monka mwa ambijile Lesa amba, “Amiwa nkekala mwi abo, ne kwenda mwi abo. Kabiji nkekala ke Lesa wabo, ne abo nabo bakekala ke bantu bami.”

Ngalatiya 2:20

kabiji amiwa kechi nakiikala na bumi ne, kana Kilishitu ye waikala na bumi mwi amiwa. Kabiji ne abwa bumi bonaikala naabo pano mu mubiji, naikala naabo monka mu lwitabilo lwa mu Mwana Lesa, yenkaye wantemenwe ne kwipana mwine na mambo a amiwa.

Ngalatiya 5:6

Mambo mwi Kilishitu Yesu mukanda yewatu, ne kubulwa mukanda nako ko kwatu, kana lwitabilo lwingila mu butemwe.

Kolose 1:23

Umvwe kine mukelwe mu lwitabilo, ne kwikajikwa pa kosa ne kushikamatu ponka, ne kubula kufumapo pa luketekelo lwa Mambo Awama o mwaumvwine. O asapwijilwe mu bantu bonse ba pano panshi. O naikajile ke wa kwiengijila amiwa Paulo.

Kolose 1:27

Abo, boaswile Lesa kwibayukisha byo buji bukata bwa lukumo lwa mu Bangentila lwa ano mambo afyamikile. Kokuuba amba, Kilishitu uji mwi anweba lo luketekelo lwa lukumo.

Kolose 2:7

Kasa mwatabilamo ne kushimikwa monka mwi Aye, ne kukoselamo mu lwitabilo lwenu, monka mo bemufunjishishe. Kasa muvuzha kusanta.

1 Yoano 4:16

Kabiji atweba twayuka ne kwitaba butemwe bo etutemwa Lesa. Lesa ye butemwe, ne aye waikala mu butemwe ye waikala mwi Lesa, ne Lesa waikala mwi aye.

1 Yoano 4:4

Anweba twana, mwi bakwa Lesa kabiji mwibashinda, mambo awa uji mwi anweba wamukila awa uji mu ba pano pantanda.

Lumwekesho 3:20

Umvwa! Naimana pa kibelo kasa nkonkonsha, umvwe muntu waumvwa jiwi jami ne kunshinkwilako, amiwa nkatwela mo aji ne kuja nanji, ne aye ne amiwa.