Efisesa 3:16 - KNTP

¹⁶ Ndomba namba emukoseshe na bulume mu bumuntu bwenu bwa mukachi na Mupashi wanji, monka mwayila bunonshi bwa lukumo lwanji,

Efisesa 3:16 Iomraidhean Croise

Mateo 6:13

Kabiji kechi mwitutwale mu lweseko ne, mwitupokolole kwi yewa mubi.”

Loma 2:29

pakuba mwine mwina yudea ye yenkawa uji naabo ne mu muchima, ne mukanda wa kine ye wa muchima, wa ku Mupashi, kechi wa mu byambotu ne, ye batota kechi ku bantu ne, kana kwi Lesa.

Loma 7:22

Mambo nasekela mu Mizhilo ya Lesa mu muntu mwine wa mukachi.

Loma 9:23

pakuba amba asolole bunonshi bwa lukumo lwanji pa bijiilo bya lusa, byo a nengezhezhe jimo amba bya lukumo,

1 Kolinda 16:13

Labainga ne kukenkenta, koselai mu lwitabilo, mwikale bachinchika, kosai.

2 kolinda 12:9

Aye wang'ambijile amba, “Bupe bwami bwakuwaina, mambo mu kunekena mo bulumbulukila bulume bwami.” Onkao mambo nketotela mu kunekena kwami na lusekelo lukatampe, namba bulume bwa Kilishitu bwikale pe amiwa.

2 kolinda 4:16

Onkao mambo kechi tupungila ne. Pakuba nangwa bumuntu bwetu bwa mubiji bubena kuya na konaika, bumuntu bwetu bwa mukachi bubena kusangulwa pa juba pa juba.

Efisesa 1:18

Meso a michima yenu alabe, muyuke mwayila luketekelo lwa lwito lwanji, ne mwayila bunonshi bwa lukumo lwa buswanyi bwanji bwa mu bazhijikwa.

Efisesa 1:7

Mwi Kilishitu mo muji bukuuzhi bwetu bwa mu mashi anji, lo lulekelo lwa mizhilulwila yetu, monka mwayila bunonshi bwa bupe bwanji,

Efisesa 2:7

Amba mu myaka ikeya akamweshe bunonshi bwine bwa bupe bwanji mu kwituubila lusa mwi Kilishitu Yesu.

Efisesa 3:15

ko kyatambula jizhina kisaka kyonse kya mwiulu ne kya pano pantanda.

Efisesa 3:8

Kwi amiwa yenka mucheeche mwine wa mu bazhijikwa bonse, ko bwapewa buno bupe bwa kusapwila ku Bangentila mambo a bya bunonshi bwa Kilishitu bwabulwa kukonsheka kwibuyuka,

Efisesa 6:10

Kabiji pano kyapelaako, ikoseshainga mwi Nkambo, ne mu bulume bwa ngovu yanji.

Filipai 4:13

Nakonsha kuuba bintu byonse mwi aye unkosesha.

Filipai 4:19

Kabiji Lesa wami ukemumwena byonse byo mwakajilwa mwayila bunonshi bwanji bwa mu lukumo bwa mwi Kilishitu Yesu.

Kolose 1:11

Bemukoseshe na bulume bonse monka mwayila ngovu ya lukumo lwanji. Ne na butekanye bonse, ne kukooka muchima ne lusekelo pamo.

Kolose 1:27

Abo, boaswile Lesa kwibayukisha byo buji bukata bwa lukumo lwa mu Bangentila lwa ano mambo afyamikile. Kokuuba amba, Kilishitu uji mwi anweba lo luketekelo lwa lukumo.

Kolose 2:2

Namba michima yabo itundaikwe bulongo bakwatankane ke umo mu butemwe, kabiji bekale na bunonshi bonse bwa maana a kukwatankanya ne kuyukisha kyafyamika kya Lesa, ye Kilishitu.

2 Timoti 4:17

Pakuba aye Nkambo waimene pamo ne amiwa na kunkosesha, amba monka mwi amiwa mambo asapwilwe ne kukumbana konse, Bangentila bonse beomvwe kabiji napokolwelwe mu kanwa ka bokwe.

Bahebelu 11:34

ne kuzhima bulume bwa mujilo, ne kupuluka ku bui bwa mpoko, ne kutambula bulume mu kunekena kwabo, ne kwaluka ke bilobo mu nkondo, ne kwiapanga mazhita a balwanyi.

1 Petelo 3:4

Nanchi kwikale kwa muntu wafyamika wa mu muchima, kyo kivwalo kibula kubola, ye muchima wa bukimote ne wazhindama, ye wa buneme ku meso a Lesa.