Efisesa 3:11 - KNTP

¹¹ Monka mwayila akwa kufuukula kwa myaka ne myaka koafukwile mwi Kilishitu Yesu Nkambo yetu.

Efisesa 3:11 Iomraidhean Croise

Loma 9:11

Mambo baana banji kasa bakyangye kusemwa, nangwa kuuba kyawama nangwa kyatama ne, na mambo a kuuba amba, kufuukula kwa Lesa kwa kusalulwila jimo kechi kwikale na mambo a mingilo ne, poso monka mwayila kufuukula kwa mwine Lesa.

Ngalatiya 5:24

Kabiji abo bakwa Kilishitu Yesu bapopa kala pa musalabu buntunshi bwabo ne bya kusakasaka kwabo ne bya lwiso lwabo byonse pamo.

Efisesa 1:11

Kabiji mwi Kilishitu mo etwalulwile ke buswanyi bwanji, byo twatongwejilwe jimo monka mwayila kufuukula kwanji, aye wingila byonse monka musakila muchima wanji,

Efisesa 1:4

Monka mo etusalulwijile mwi aye pano pantanda kasa pakyangye kulengwa, amba twikale bazhila, babula bulema ku meso anji, mu butemwe bwanji.

Efisesa 1:9

Byo etusolwejile akya kyafyamika kya ku muchima wanji, monka mwayila akya kyamutokela ku muchima kyo afukwijile jimo mwi Kilishitu.

Efisesa 3:1

Na onka ano mambo amiwa Paulo, kaili wa Kilishitu Yesu na mambo a anweba Bangentila,

2 Timoti 1:9

Yenkaye witupulusha, ne kwitwiita na lwito lwazhila, kechi mwayila mingilo yetu ne, poso mwayila kufuukula kwanji ne bupe bwanji, boetupele mwi Kilishitu Yesu, myaka ya kala keene kasa ikyangye kufika,