Efisesa 2:5 - KNTP

⁵ nangwa byotwajinga bafu na mambo a mizhilulwila yetu, aye witusangwile ke bomi pamo ne Kilishitu. Ko ku bupe bwa Lesa ko mwapulukila.

Efisesa 2:5 Iomraidhean Croise

Luka 15:24

Mambo uno mwanami waji wafwa, bino leelo ke mumi, kabiji wajinga waluba, pano wamweka.’ Ponkapo batatwile kusangalala.”

Yoano 5:21

Mambo byonka byo asangula Shanji bafu, ne kwibapa bumi, byonkabyo ne Mwana naye upana bumi ku bo aswa.

Yoano 6:63

Ye Mupashi upana bumi, buntunshi bo bwatu. Byambo byo nemwambila byo bya mupashi, kabiji byo bya bumi.

Byubilo 15:11

Bino atweba twaitaba namba ko konka ku bupe bwa Nkambo Yesu kotukapulukila pamotu ne abo.”

Loma 16:20

Ne aye Lesa wa mutende ukamuchakakanya Satana munshi ya maulu enu palutwe kacheche. Bupe bwa Nkambo yetu Yesu Kilishitu bwikale ne anweba.

Loma 3:24

Pakubinga bebabingishatu ku bupe bwanji monka mu bukuuzhi bwa mwi Kilishitu Yesu.

Loma 4:16

Onka ano mambo oaikela mulaye pa lwitabilo, amba mulaye ekale pa bupe, mulaye akekale pa bonse ba mukisemi, kechi boba bonka bamu Mizhilo ne, nanchi ne kuboba bamulwitabilo lwa Abulahama shetu atweba bonse;

Loma 5:10

Mambo umvwe byo twakijinga balwanyi, twapwainwe ne Lesa mu lufu lwa Mwananji. Pano byo twapwana, kine kabiji tukapulukila mu bumi bwanji!

Loma 5:6

Mambo byo twakijinga banekena, mu kimye kyafwainwa Kilishitu wibafwijile babula kwakamwa Lesa.

Loma 5:8

Bino aye Lesa witumwesha butemwe bwanji mwine bo etutemwa, mambo byo twakijinga bandengamambo, Kilishitu witufwijile.

Loma 8:2

Mambo muzhilo wa aye Mupashi wa bumi wankasulula mwi Kilishitu Yesu kuyewa muzhilo wa bundengamambo ne wa lufu.

2 kolinda 13:14

Bupe bwa Nkambo Yesu Kilishitu, ne butemwe bwa Lesa, ne lumvwang'ano lwa Mupashi wa Lesa Wazhila, bikale ne anweba bonse.

Efisesa 2:1

Anweba mwajinga bafu na mambo a mizhilulwila yenu ne mambo enu.

Efisesa 2:8

Mambo ko ku bupe ko mwapulukila monka mu lwitabilo. Kabiji kechi kyo kintu kyafuma kwi anweba bene ne, kyokya kupanatu aye Lesa.

Efisesa 5:14

mambo byonse bisololwa patoka bya aluka ke kyeya. Onkao mambo kyaambiwa amba: “Buuka, obewa walaala, ne kusanguka mu bafu, Kabiji Kilishitu ukakusamina.”

Kolose 2:13

Kabiji anweba mwajinga bafu mu mizhilulwila yenu ne mu bumbulwa mukanda bwa mibiji yenu. Naamba namba, aye Lesa wimusangwile anweba ke bomi pamo ne aye, byo etulekejile mizhilulwila yetu yonse.

Titusa 2:11

Mambo bupe bwa Lesa bwamweka, bwaleeta lupulukilo ku bantu bonse.

Titusa 3:5

aye witupulwishe. Kechi na mambo a mingilo ya bololoke yotwaubile atweba bene ne, poso monka mwayila lusa lwanji, monka mu kovwa kwa kusemwa jibiji, ne kusangulwa kupya kwa Mupashi Wazhila.

Lumwekesho 22:21

Bupe bwa Nkambo Yesu bwikale na bantu bonse.