Efisesa 2:4 - KNTP

⁴ Kabiji Lesa byo aji na lusa lukatampe, na mambo a butemwe bwanji bukatampe bo etutemenwe,

Efisesa 2:4 Iomraidhean Croise

Luka 1:78

Mambo Lesa wetu wa lusa, usa kwitupempula, byonka byo jiseela juba mwiulu,

Loma 10:12

Mambo Bayudea ne Bagiliki kechi bapusana ne; mambo Nkambo umo ye Nkambo wa bonse, kabiji Aye wibapesha bonse bamwita.

Loma 2:4

Inyi wasulatu kuvula kwa lusa lwanji ne kutekanya kwanji ne kukooka muchima kwanji, ne kuyuka amba, lusa lwa Lesa lwayila mukuuba amba, ulapile nyi?

Loma 5:8

Bino aye Lesa witumwesha butemwe bwanji mwine bo etutemwa, mambo byo twakijinga bandengamambo, Kilishitu witufwijile.

Loma 9:23

pakuba amba asolole bunonshi bwa lukumo lwanji pa bijiilo bya lusa, byo a nengezhezhe jimo amba bya lukumo,

Efisesa 1:7

Mwi Kilishitu mo muji bukuuzhi bwetu bwa mu mashi anji, lo lulekelo lwa mizhilulwila yetu, monka mwayila bunonshi bwa bupe bwanji,

Efisesa 2:7

Amba mu myaka ikeya akamweshe bunonshi bwine bwa bupe bwanji mu kwituubila lusa mwi Kilishitu Yesu.

Efisesa 3:8

Kwi amiwa yenka mucheeche mwine wa mu bazhijikwa bonse, ko bwapewa buno bupe bwa kusapwila ku Bangentila mambo a bya bunonshi bwa Kilishitu bwabulwa kukonsheka kwibuyuka,

2 Tesalonika 2:13

Kabiji pano kitufwainwa kusanta kwi Lesa moba onse na mambo a anweba, batemwe ba Lesa. Mambo Lesa wimusalulwile anweba patanshi kwimupulusha, ne kwimuzhijika na Mupashi ne mu kwitabila bukine.

1 Timoti 1:14

Kabiji aye Nkambo wampele bupe bwavula ne lwitabilo ne butemwe bwa mwi Kilishitu Yesu.

2 Timoti 1:9

Yenkaye witupulusha, ne kwitwiita na lwito lwazhila, kechi mwayila mingilo yetu ne, poso mwayila kufuukula kwanji ne bupe bwanji, boetupele mwi Kilishitu Yesu, myaka ya kala keene kasa ikyangye kufika,

1 Petelo 1:3

Atotwe Lesa Shanja Nkambo yetu Yesu Kilishitu, ye witusemene jibiji monka mu lusa lwanji lukatampe, mambo a kusanguka kwa Yesu Kilishitu mu bafu, pano twaikala na luketekelo lumi,