Efisesa 2:2 - KNTP

² Mo mwaendelenga kala monka mwayila musango wa pano pantanda, monka mo asakila mfumu wa baluusa lwa mu mwela, ye mupashi wingila ne pano mu baana bamilengulwila.

Efisesa 2:2 Iomraidhean Croise

Mateo 11:19

Mwana Muntu aye waiya kasa aja ne kutoma, kabiji bamuneena amba, ‘Talai ye kiji ne kitomi, mulunda wa basonkeshi ne bandengamambo!’ Bino maana beabingisha ku mingilo yao.”

Mateo 13:22

Ne awa wakushiwa nkunwa ya mu miba, ye yewa umvwa mambo, kabiji bya kutabataba bya pano pantanda, ne bujimbijimbi bwa bunonshi, bipaya aa mambo, ne kupanga bipangwa ne.

Mateo 13:38

kabiji abwa bujimi po pano pantanda, kabiji aya nkunwa yawama, bo baana bamu bufumu, kabiji abya bincha bo baana bakwa aye mubi,

Mako 4:19

bino bya kusakasaka bya pano pantanda ne bya bujimbijimbi bwa bunonshi, ne kusakasaka kwa bintu bikwabo, pa kutwela bipaya aa mambo ne kupanga bipangwa ne.

Luka 16:8

“Kabiji nkambo yanji wamutotele awa kalama wabula koloka mambo waubile kya bujimuku. Mambo baana ba pano pantanda mukisemi kyabo bebakila kujimuka baana ba kyeya.”

Luka 22:31

“Shimona, Shimona, talai, Satana wimusakile bonse amba emululule nobe kajo.

Yoano 12:31

Pano kino kyo kimye kya kuzhatwa kwa pano pantanda, pano mfumu wa pano pantanda ukapangwa.

Yoano 13:2

Byo bajilenga kijiilo kya mulajilo, Diabola kasa ekibika kala mu muchima wa kwa Yudasa Isakaliota, mwana Shimona, kya kumusolola.

Yoano 13:27

Panyuma ya kutambula kitolo ponkapo ne Satana wamutwelele. Ne Yesu wamwambijile amba, “Akya kyo musaka kuba, kyubai bukiji!”

Yoano 14:30

Pano kechi ng'ambe nenu byavula ne, mambo mfumu wa pano pantanda kaiye. Aye kechi uji na luusa pe amiwa ne,

Yoano 15:19

Inge mwajinga ba pano pantanda inge ba pano pantanda bemutemwa, mambo batemwa babo bene. Pakuba anweba byo mwabula ba pano pantanda, ne amiwa nemusalulula mu ba pano pantanda, ba pano pantanda bemushikwa,

Yoano 16:11

na mambo a bunchiba mambo, mambo mfumu wa pano pantanda wachibilwao ne kuzhatwa.

Yoano 7:7

Ba pano pantanda kechi bakonsha kwimushikwa anweba ne, pakuba amiwa banshikwa, mambo mbena kwibashiina namba, mingilo yabo yatama.

Yoano 8:23

Kumvwa aye wibambijile amba, “Anweba mwi bapanshi, amiwa nafumine kwiulu anweba mwi ba pano pantanda, amiwa kechi ne wa pano pantanda ne.

Yoano 8:44

Anweba mwi ba kwa shenu Diabola, kabiji musaka kulondela byo asaka aye shenu. Aye wajinga mbanzhi kufuma ku ntendekelo, ne kwikala mu bukine ne, mambo bukine kechi buji mwi aye ne. Byo a amba bubela, wamba bya kwanji mwine. Mambo ye wa bubela, ye shanja bubela.

Byubilo 19:35

Aye munembeshi wa muzhi byo azhindamikilepo jibumba, wa ambile amba, “Anweba bena Efisesa, bantu bonse bayuka amba, muzhi wa bena Efisesa ye ulama nzubo ya kwa Atemisa mukatampe, ne nkishi waponene mwiulu.

Byubilo 5:3

Ponkapo Petelo wamwambijile amba, “Ananyasa, mambo ka Satana ayuzhizha muchima obe amba ubepe Mupashi Wazhila, ne kufyapo mali amo o wapotesha mushiji wobe?

Loma 12:2

Kabiji kechi mwipashang'anyenga na ba pano pantanda ne, poso mwalulukenga ke bangi na kusangulwa kwa michima yenu, namba mukayukenga kyaswa muchima wa Lesa, akya kyawama ne kyaitabilwa ne kyalumbuluka.

1 Kolinda 5:10

Kechi naamba namba na ba bulalelale ba panopatanda ne, nangwa ba lunkumbwa, nangwa baja bya lunkanankana, nangwa bapopwela bankishi ne, mambo inge byonkabyo, nanchi kyafwainwa ne kufumapo pano pantanda.

1 Kolinda 6:11

Ne anweba bamo byobyo mwajinga, bino pano bemovwa, bemuzhijika ne kwimubingisha monka mu jizhina ja Nkambo Yesu Kilishitu, ne na Mupashi wa Lesa wetu.

2 kolinda 4:4

Mwi abo lesa wa pano pantanda wiipofula michima ya babula kwitabila kuchiina amba, bakamona kyeya kya Mambo Awama a lukumo lwa Kilishitu, aye kipasha kya Lesa.

Ngalatiya 1:4

Ye wipaine mwine na mambo a bubi bwetu, mu kwitupokolola ku bya pano pantanda pa katataka pabiipa, monka mwayila muchima wa Lesa Taata wetu.

Efisesa 1:21

Kupitaila kwine kwapela bufumu bonse, ne luusa lonse, ne bulume bonse, ne bunkambo bonse, ne mazhina onse atelwa, kechi onka apa ino ntanda ne, ne apa ikeya kulutwe.

Efisesa 2:11

Onkao mambo vulukai, amba anweba kala mwajinga Bangentila ku mubiji batelwa amba, “Bambulwa mukanda” kuboba batelwa amba, “Bamukanda” wa ku mubiji, waubiwa na maboko.

Efisesa 2:13

Pakuba pano mwi Kilishitu Yesu anweba mwajinga kwalepa kala, bemufwenya kubwipi na mashi a Kilishitu.

Efisesa 2:3

Motwaikajile kala ne atweba bonse, monka mu bya lwiso lwa buntunshi bwetu. Kasa tuuba bisakasaka mubiji ne muchima, kabiji mu kusemwa kwetu twajinga bafwainwa bukaji pamo ne bonse bakwetu.

Efisesa 4:17

Byonkabyo naamba kino ne kwimubuujisha mwi Nkambo, namba kechi mukyendenga monka mobendela Bangentila, mwayila milanguluko yabo yatu ne,

Efisesa 4:22

Amba, muvuule mwayila awa musango wa bwikalo bwenu butanshi, abwa bumuntu bwa kala bubena kuya na konaika monka mwayila lwiso lwa bujimbijimbi bwabo.

Efisesa 5:6

Kechi muleke muntu emujimbaike na byambo byatu ne, mambo na mambo a byonka bino bintu bukaji bwa Lesa bukebafikila bantu bamilengulwila.

Efisesa 5:8

Mambo kala mwajinga mfishi, pakuba pano mwi kyeya mwi Nkambo. Endainga mwafwainwa baana ba kyeya,

Efisesa 6:12

Mambo kulwa kwetu kechi kwa kulwa na ba mibiji ya mashi ne, poso na bakatampe bene, ne ba luusa, ne bamfumu ba ino mfishi ya pano panshi, ne bapashi babiipa ba mwiulu.

Kolose 1:21

Ne anweba, kala mwajingatu bangi kabiji mwajinga balwanyi mu michima yenu ne mu mingilo yenu yabiipa.

2 Timoti 4:10

Mambo Demasa wandeka kala, pa kutemwa bya pano pantanda, waya ku Tesalonika. Kelesense waya ku Ngalatiya, ne Titusa naye ku Dalamatiya.

Yakoba 1:27

Bwina Lesa bwa kine ne bwabula bubi ku meso a Lesa Taata wetu bo bo buno, bwa kupempula baana bakishale ne banabakazhi bafwilwa mu malwa abo, ne kwilama obewa mwine ku biko bya pano pantanda.

Yakoba 1:7

Mambo ao muntu kechi alanguluke amba ukatambula kintu nangwa kimo kwi Nkambo ne.

Yakoba 4:4

Anweba bankende! Kechi mwayuka amba bulunda na bya pano pantanda bo bulwanyi ne Lesa nenyi? Byonkabyo awa usaka kwikala ke mulunda na bya pano pantanda wialula mwine ke mulwanyi ne Lesa.

1 Petelo 1:14

Byo muji baana ba lukookelo kechi mwipashang'anyenga na mwayila bya lwiso lwenu lwakala, lwa mu myaka yo mwabujile kuyuka ne.

1 Petelo 4:3

Bimye byo mwapaine kala na kuuba byo batemwa Bangentila byapwa, byo mwalondelenga bya bunya, ne bya lwiso, ne bya kutomatoma binyu, ne bya kusangalala kubi, ne bya kupendwapendwa, ne byabipisha bya kupopwela bankishi.

2 Petelo 2:14

Baji na meso ayuula bukende, abula kutondwa kulenga mambo. Bakokola ba michima yanekena, baji na michima yaubisha lunkumbwa, bo baana bafingwa.

1 Yoano 3:10

Mukino mo mwayukanyikilwa baana ba Lesa, ne baana ba Diabola, bonse babula kuuba bololoke kechi bo bakwa Lesa ne, nangwa aye wabula kutemwa mulongo wanji ne.

1 Yoano 3:8

Awa utwajijila na kulenga mambo ye wa kwa Diabola, aye Diabola ye ndengamambo kufumatu ne ku ntendekelo. Onkao mambo Mwana Lesa kyokyo amwekejile amba onaune mingilo ya kwa Diabola.

1 Yoano 4:4

Anweba twana, mwi bakwa Lesa kabiji mwibashinda, mambo awa uji mwi anweba wamukila awa uji mu ba pano pantanda.

1 Yoano 5:19

Twayuka namba twibakwa Lesa, nangwa ntanda yonse iji mu bulume bwa kwa aye mubi.

1 Yoano 5:4

mambo bonse basemwa kwi Lesa bashiinda panopantanda. Kabiji lushinjilo lwashiinda panopantanda, lo lwitabilo lwetu.

Lumwekesho 12:9

Ne aye nsung'unyi mukatampe waelelwe panshi, yenkaye mulolo wa kala, yebateela amba Diabola ne Satana, mujimbijimbi wa pantanda ponse waelelwe pantanda, ne bamalaika banji nabo baelelwe nanji panshi.

Lumwekesho 13:14

Ne aye wibajimbaikile bekala pantanda na biyukilo byo bamupele amba obe ku meso a yewa lukinyama mutanshi. Ne kwibambila bekala pano pantanda amba, mulengelai kinkishi kyapashang'ana nanji awa lukinyama wajinga na mutotole wa mpoko, kabiji waikala na bumi.

Lumwekesho 13:8

Ne bonse bekala pano pantanda bakamupopwela, bonse babulwa kunembwa mazhina abo, kufuma ku ntendekelo ya pano pantanda, mu buku wa bumi wa aye Mwana Mukooko, yenkaye waipayilwe.

Lumwekesho 16:17

Kabiji aye malaika wa butanu na bubiji waitulwijile muchiba wanji pa mwela. Ponkapo mu nzubo yazhila mwalupukile jiwi jikatampe, jafumine ku jitanda, amba “Kyaubiwa!”

Lumwekesho 20:2

Ponkapo wakwachile nsung'unyi, awa mulolo wa kala, ye Diabola ne Satana, ne kumukasa wamukashile myaka 1,000.