Efisesa 2:18 - KNTP

¹⁸ Mambo monka mwi aye atweba bonse babiji tuji na mwa kwishila mu Mupashi umo kwi aye Taata.

Efisesa 2:18 Iomraidhean Croise

Mateo 28:19

Onkao mambo yainga na kulenga baana babwanga muba mikoka yonse ya bantu, muke babatizhenga mu jizhina ja Taata ne ja Mwana ne ja Mupashi Wazhila,

Yoano 10:7

Kepo Yesu ebambijile jibiji amba “Kine, kine nemwambila namba, amiwa yami kibelo kya mikooko.

Yoano 10:9

Amiwa yami kibelo. Inge muntu watwelela pe amiwa ukapuluka, kabiji ukatwelanga ne kulupuka, kasa amona bya kuja.

Yoano 14:6

Yesu wamukumbwile amba, “Amiwa ne jishinda, ne bukine, ne bumi, kafwako wakonsha kwiya kwi Bataata ne, poso pe amiwa.

Loma 5:2

Monka mwi aye mo motwatwelejile mu buno bupe bo twaimanamo konka ku lwitabilo, kabiji twasekela mu luketekelo lwa lukumo lwa Lesa!

Loma 8:15

Mambo kechi mwatambwile Mupashi wa buzha amba mube moyo ne; bino mwatambwile Mupashi wa bwana bwa bene, motutaachila amba, “Abba, Taata!”

1 Kolinda 12:13

Ne atweba bonse twabatizhilwe ku Mupashi umo mu mubiji umo, nangwa twi Bayudea, nangwa twi Bagiliki, nangwa twi bazha, nangwa twi baana ba bene, bonse twapewa kutoma ku yenka Mupashi umo.

1 Kolinda 8:6

pakuba kwi atweba kujitu Lesa umo yenka Taata, ko bifuma byonse kabiji motwaikela ne atweba, ne Nkambo umo yenka Yesu Kilishitu mo byamwekejile byonse, ne atweba mo twaikala.

Ngalatiya 4:6

Kabiji byo muji baana, Lesa watuma Mupashi wa Mwananji mu michima yenu, kasa eeta amba, Abba, Taata.

Efisesa 3:12

Mwi aye motuchinchikila kabiji motutwelela na luketekelo na mambo a lwitabilo lwetu lwa mwi aye.

Efisesa 3:14

Na onka ano mambo amiwa namufukamina na manungo ami aye Taata,

Efisesa 4:4

Kuji mubiji umo ne Mupashi umo, byonka byo mwaichilwe mu luketekelo lumo lwa lwito lwenu.

Efisesa 6:18

Kasa mulomba mu bimye byonse na lulombelo lonse ne misashijilo monka mwi aye Mupashi, ne kwilutong'amina na mukoyo mukatampe ne misashijilo ya kwibalombelela bazhijikwa bonse.

Kolose 1:12

Kasa musanta kwi aye Taata, ye witwalwile ke bantu bafwainwa kutambula bya mu buswanyi bwa bazhijikwa bwa mu kyeya.

Bahebelu 7:19

Mambo Mizhilo kechi ya lengejile kintu nangwa kimo kwikala ke kyalumbuluka ne. Bino pano kwasoloka luketekelo lwakila mu kuwama lo tufwenyenyamo kwipi na Lesa.

Yakoba 3:9

Iye yetutotako Nkambo ne Taata; kabiji iye yenka ye tufingako bantu balengwa mu kipasha kya Lesa.

1 Petelo 1:17

Kabiji umvwe mumwita aye amba Taata, yenkaye ukebachibila mambo bonse monka mwayila mingilo yabo kwakubula kutala ku kilungi kya muntu ne, ikalai na kwakamwa mu bimye byo mwa kikala bwenyi pano pantanda.

1 Petelo 1:21

Mwaitabila Lesa kupichila mwi aye, ye basangwile mu bafu ne kumupa lukumo, amba lwitabilo lwenu ne luketekelo lwenu lwikale mwi Lesa.

1 Petelo 3:18

Mambo Kilishitu naye wiamanamijile mambo jimo jonka, aye waoloka na mambo a babula koloka, amba etufikizhe kwi Lesa, waipayilwe mu mubiji, bino waubilwe bumi mu mupashi,

Yuda 1:20

Pakuba anweba batemwe, kasa mwikomesha anweba bene mu lwitabilo lwenu lwazhila. Ne kulomba na Mupashi Wazhila,