Efisesa 2:14 - KNTP

¹⁴ Mambo aye Kilishitu ye mutende wetu, ye walenga bonse babiji ke umo, ne kukundula kibamba kya pakachi kya lwabano.

Efisesa 2:14 Iomraidhean Croise

Luka 1:79

mu kwibasaamina abo baikala mu mfishi ne mu kimvule kya lufu, ne kutangijila maulu etu mu jishinda ja mutende.”

Luka 2:14

“Lukumo lwikale kwi Lesa mwiulu mwine, ne pano pa ntanda mutende ekale na bantu bamutokesha pa muchima.”

Yoano 10:16

Kabiji mikooko ikwabo nji nayo, kechi ya ku kyo kino kipaka ne. Nayo amiwa nafwainwa kwiileta, ne ayo ikomvwa jiwi jami, kabiji ikekala ke kisaka kimo, ne kafunga umo.

Yoano 11:52

kabiji kechi kyonkakyatu kisaka ne, poso akapwizhe pamo baana ba Lesa bapalang'ena monse, monse.

Yoano 16:33

“Bino bintu nemwambila namba mumwene mutende mwi amiwa. Pano pantanda kumanama ko kwenu. Byonkabyo koseshai michima yenu, amiwa nepashinda pano pantanda.”

Byubilo 10:28

Ne aye wibambijile amba, “Anweba mwayuka amba, kizhila mu Yudea kwilamika ku wa mu mukoka ungi, nangwa kumupempulatu ne; bino aye Lesa wambuula amiwa amba, kechi utele muntu amba watu ne, nangwa amba, wazhila ne.

Byubilo 10:36

O mambo o atumine kubena Isalela, a kusapwila Mambo Awama a mutende mwi Yesu Kilishitu, aye ye Nkambo wa bonsetu.

Loma 5:1

Onkao mambo byo twabingishiwa ku lwitabilo, tuji na mutende na mwine Lesa monka mwi Nkambo yetu Yesu Kilishitu.

Ngalatiya 3:28

Pano kechi kuji mu Yudea nangwa mugiliki ne. Kechi kuji muzha nangwa mwana bene ne, kechi kuji mwanamulume nangwa mwanamukazhi ne. Mambo bonse mwiumo mwi Kilishitu Yesu.

Efisesa 2:15

Byo azhimang'enye na mubiji wanji mizhilo ya mikambizho ya mu byatongolwa amba, alengelemo mwi aye mwine aba babiji ke muntu umo mupya, aleete mutende.

Efisesa 2:17

Kabiji waishile na kwimusapwila Mambo Awama a mutende anweba mwajinga kwalepa ne abo bajinga kwipi.

Efisesa 3:15

ko kyatambula jizhina kisaka kyonse kya mwiulu ne kya pano pantanda.

Efisesa 4:16

Mwi aye mubiji yense, wanungankana pamo ne kusambakana ke umo konka ku abya bipaana manungi onse. Pa kwingila bulongo byonse pa kintu pa kintu, mubiji wikomesha mwine monka mu butemwe.

Kolose 1:20

Kabiji apwayinyemo bintu byonse ne Aye mwine, biji pano pantanda, nangwa biji mwiulu, pakulenga mutende na mashi a mwananji ponka pa musalabu.

Kolose 2:20

Byo mwafwile pamo ne Kilishitu ku bya bwanyike bya pano pantanda, mambo ka o mwakookela tumizhilo nobe mwi ba pano pantanda?

Kolose 3:11

Amo kechi muji mugiliki, nangwa muyudea, nangwa wa mukanda, nangwa wabulwa mukanda, nangwa mwenyi, nangwa mwina Sikitya nangwa muzha, nangwa mwana bene, pakuba Kilishitu ye byonse, kabiji uji mu byonse.

Kolose 3:15

Kabiji lekai mutende wa Kilishitu ekale wa kwimulama mu michima yenu; ye ye mwaichilwa mu mubiji umo. Kabiji ikalai na michima ya kusanta.

Bahebelu 13:20

Pano aye Lesa wa mutende, yenka wamusangwile mu bafu Nkambo yetu Yesu, yenkawa waubile ke kafunga mukatampe wa mikooko na mambo a mashi anji, a lulayang'ano lwa myaka,

Bahebelu 7:2

kabiji aye Abulahama wapaine byonse bifikizha bya bujikumi kwi aye. (Pa kulumbulula jizhina janji, patanshi ye “Mfumu wa bololoke,” kabiji wajinga mfumu wa Salema ko kuuba amba ye “Mfumu wa mutende.”)