Efisesa 2:12 - KNTP

¹² Kabiji mu kyokya kimye mwabujile Kilishitu, mwajinga bangi mu kikota kya bena Isalela, mwajinga benyi ku malayang'ano a milaye, kechi mwajinga na luketekelo nangwa pacheche ne, kabiji mwabujilwe Lesa pano pantanda.

Efisesa 2:12 Iomraidhean Croise

Luka 1:72

Kumwesha lusa ku bashakulu betu ne kuvuluka mulaye wanji wazhila.

Yoano 10:16

Kabiji mikooko ikwabo nji nayo, kechi ya ku kyo kino kipaka ne. Nayo amiwa nafwainwa kwiileta, ne ayo ikomvwa jiwi jami, kabiji ikekala ke kisaka kimo, ne kafunga umo.

Yoano 15:5

Amiwa ne mung'anzang'anza, anweba mwi misampi. Awa waikala mwi amiwa, ne amiwa mwi aye, ye upanga byavula, mambo kwakubula amiwa kechi mwakonsha kuuba kintu ne.

Yoano 4:22

Anweba mupopwela kyo mwabula kuyuka, atweba tupopwela kyo twayuka, mambo lupulukilo lufuma ku Bayudea.

Byubilo 2:39

Mambo awa mulaye walaijilwe anweba, ne baana benu, ne bonse baji kwalepa, ne bonse mobavujila bobaketa kwi Nkambo Lesa wetu.”

Byubilo 28:20

Onka ano mambo o nemusashijila namba nemumone ne kwisamba nenu, kena mambo a luketekelo lwa bena Isalela oo nakashilwa na uno munyololo.”

Byubilo 3:25

Anweba mwi baana ba bangauzhi, kabiji mwi baana bamu lulayang'ano loalayang'ene naabo Lesa bashakulu benu, byo a mwambijile Abulahama amba, mu lukunwa wobe mikoka yonse ya pano pantanda ikamwenamo bibusa.

Loma 9:8

Ko kuuba amba, kechi baana bamu buntunshi bo baana ba Lesa ne; kana baana bamu mulaye bo batelwa ke nkunwa.

Ngalatiya 4:8

Byonkabyo mu kyokya kimye kyo mwabujile kuyuka Lesa, mwajinga mu buzha bwa babula ba lesa bakine.

Efisesa 2:19

Byonkabyo kabiji pano kechi mukiji bangi nangwa benyi ne, mwi bena muzhi pamo na bakwenu bazhijikwa, mwi ba munzubo ya Lesa.

Efisesa 4:18

mambo maana abo a aluka ke a mfishi, kabiji bebabanya ku bumi bwa Lesa na bulubi bo baji naabo na mambo a kukosa kwa michima yabo.

Kolose 1:21

Ne anweba, kala mwajingatu bangi kabiji mwajinga balwanyi mu michima yenu ne mu mingilo yenu yabiipa.

Kolose 1:27

Abo, boaswile Lesa kwibayukisha byo buji bukata bwa lukumo lwa mu Bangentila lwa ano mambo afyamikile. Kokuuba amba, Kilishitu uji mwi anweba lo luketekelo lwa lukumo.

Kolose 1:5

Na mambo a kya luketekelo kimutujilwa mwiulu, kyo mwaumvwine kala mu byambo bya bukine kiji mu Mambo Awama.

Tesalonika 4:13

Kabiji bakwetu, kechi twasaka namba mulube na mambo a boba baafwa ne, mwakekala na bulanda pamo na bakwabo babula luketekelo.

Tesalonika 4:5

kechi mu kusakasaka kwa lwiso ne kwa lunkumbwa pamo na Bangentila babula kuyuka Lesa ne.

2 Tesalonika 2:16

Pano aye mwine Nkambo yetu Yesu Kilishitu ne Lesa Taata wetu, aye witutemenwe ne kwitupa kya kwitukosesha kya myaka ne luketekelo lwawama monka mu bupe bwanji,

1 Timoti 1:1

Paulo, mutumwa wa kwa Kilishitu Yesu monka mwayila mukambizho wa Lesa Mupulushi wetu, ne Yesu Kilishitu luketekelo lwetu.

Bahebelu 11:34

ne kuzhima bulume bwa mujilo, ne kupuluka ku bui bwa mpoko, ne kutambula bulume mu kunekena kwabo, ne kwaluka ke bilobo mu nkondo, ne kwiapanga mazhita a balwanyi.

Bahebelu 6:18

Nanchi kuji bintu bibiji bibula kwaluka, mo abujila kuyuka Lesa kubepa. Atweba twanyemena mwa kupulukila twafwainwa kwikala na lutundaiko lwakosa ne kukwachisha ku luketekelo lwitutujilwa kumeso etu.

Bahebelu 8:6

Pakuba pano Kilishitu watambula mwingilo wa wamisha wakila wa kala byonka biji lolwa lulayang'ano loaleeta lwakila lolwa lwakala, mambo lwalayilwe na milaye yawamisha.

1 Petelo 1:21

Mwaitabila Lesa kupichila mwi aye, ye basangwile mu bafu ne kumupa lukumo, amba lwitabilo lwenu ne luketekelo lwenu lwikale mwi Lesa.

1 Petelo 1:3

Atotwe Lesa Shanja Nkambo yetu Yesu Kilishitu, ye witusemene jibiji monka mu lusa lwanji lukatampe, mambo a kusanguka kwa Yesu Kilishitu mu bafu, pano twaikala na luketekelo lumi,

1 Petelo 3:15

Bino zhijikai Kilishitu mu michima yenu bu Nkambo. Moba onse ikajilai jimo na mwa kwibakumbwila bonse bemwipuzha mambo a luketekelo lomuji naalo,

1 Yoano 3:3

Kabiji bonse baji na luno luketekelo mwi Aye, betokesha bene byonka byoatoka Aye mwine.