Efisesa 2:10 - KNTP

¹⁰ Mambo atweba twi ba mubusendwe bwanji, twalengwa mwi Kilishitu Yesu amba tukengilenga mingilo yawama, yo atongwejile jimo Lesa amba tukendenga monka.

Efisesa 2:10 Iomraidhean Croise

Mateo 5:16

Byonkabyo kyeya kyenu kimweke ku meso a bantu; bamone mingilo yenu yawama, ne kumutumbijika Shenu uji mwiulu.”

Yoano 3:21

Pakuba awa uba bya kine ye wiya ku kyeya, amba byubilo byanji bisoloke, mo byaubilwa mwi Lesa.

Byubilo 9:31

Kabiji byonkabyo kipwilo kya monse mu Yudea ne mu Ngalilea ne mu Samaliya kyamwene mutende, ne kukoma kyakomene, ne kwenda na kwakamwa Nkambo, ne mu bukwasho bwa Mupashi Wazhila, kasa kiya na kubaya.

Byubilo 9:36

Kabiji mu Yopa mwajinga mwana wabwanga umo wamukazhi, jizhina janji Tabita, (pa kulumbulula ko kuuba amba Dokasi.) Aye wavujile mingilo yawama ne kupana bya bupe byavula ku balanda.

Loma 8:1

Onkao mambo pano kechi kuji luzhachisho nangwa pacheche kwi boba baji mwi Kilishitu Yesu ne.

Loma 8:29

Mambo abo boayukijile jimo, ibo bo atongwejile jimo amba bakapashang'ane pamo na Mwananji, aye aluuke ke mubeji mu balongo banji bavula.

1 Kolinda 3:9

Mambo atweba twi ba mu mwingilo umo wa Lesa, anweba mwi bujimi bwa Lesa. Anweba mwi kishimikwa kya kwa Lesa.

2 kolinda 5:17

Onkao mambo umvwe muntu uji mwi Kilishitu, aye ke mulengwa mupya, bintu bya kala byapichijila, bya aluka ke bipya.

2 kolinda 5:5

Bino aye witunengezhezhe jimo kino, ye Lesa yenka witupele Mupashi wa Lesa wanji, ke bukikizhi.

2 kolinda 9:8

Kabiji Lesa wakonsha kwimumwena byawama byonse byavujisha, amba anweba mwikale babula kukajilwa kwa bintu byonse moba onse, mumone mwa kwingijila mingilo yonse yawama.

Ngalatiya 6:15

Mambo mukanda yewatu. Nangwa kubulwa mukanda nako ko kwatu. Kana kulengwa kupya kyo kine kintu.

Efisesa 1:1

Paulo, mutumwa wa Kilishitu Yesu monka mwayila muchima wa Lesa. Ku bazhijikwa baji mu Efisesa, bakishinka ba mwi Kilishitu Yesu.

Efisesa 1:4

Monka mo etusalulwijile mwi aye pano pantanda kasa pakyangye kulengwa, amba twikale bazhila, babula bulema ku meso anji, mu butemwe bwanji.

Efisesa 2:13

Pakuba pano mwi Kilishitu Yesu anweba mwajinga kwalepa kala, bemufwenya kubwipi na mashi a Kilishitu.

Efisesa 2:15

Byo azhimang'enye na mubiji wanji mizhilo ya mikambizho ya mu byatongolwa amba, alengelemo mwi aye mwine aba babiji ke muntu umo mupya, aleete mutende.

Efisesa 2:2

Mo mwaendelenga kala monka mwayila musango wa pano pantanda, monka mo asakila mfumu wa baluusa lwa mu mwela, ye mupashi wingila ne pano mu baana bamilengulwila.

Efisesa 2:6

Ne kwitusangula pamo ne aye, ne kwitwikazha pamo ne aye mwiulu mwi Kilishitu Yesu.

Efisesa 4:1

Byonkabyo amiwa kaili wa Nkambo, ne musashijila namba mwendenga mwafwainwa lwito lo mwaichilwe.

Efisesa 4:24

ne kuvwala bumuntu bupya bwalengwa mu bololoke ne buzhile bwa bukine monka mwaikajila Lesa.

Filipai 1:6

Kabiji nayukishatu kino namba, aye watatwile mwingilo wawama mwi anweba, ukamulumbulula kufika ne kumpelo mu juba ja Kilishitu Yesu.

Filipai 2:13

mambo ye Lesa wingila mwi anweba mu kwimusakisha kuuba, ne kwingila bintu byamutokela ku muchima wanji.

Kolose 1:10

Mwendenga mwafwainwa Nkambo na kumutokesha pa muchima. Kasa mupanga bipangwa mu mingilo yonse yawama ne kuya na kukoma mu maana a kumuyuka Lesa.

Kolose 3:10

kabiji mwavwala bu muntu bupya, bo bubena kusangulwa ke bupya mu kumona maana monka mwayila kipasha kya yewa wibulengele.

2 Tesalonika 2:17

akoseshe michima yenu ne kwiikajika mu mingilo yonse yawama ne mu byambo byonse byawama.

1 Timoti 2:10

poso na mingilo yawama, byafwainwa banabakazhi beteela amba, boba kunemeka Lesa.

1 Timoti 5:10

watumbalala na mingilo yawama, umvwe walelelenga baana banji bulongo, kabiji watambwilanga benyi, waovwelenga maulu a bazhijikwa, wakwashanga bamwenenga bya malwa, wipaine mu kwingila mingilo yonse yawama.

1 Timoti 5:25

Pamo byonkabyo, ne mingilo yawama nayo imweka ayo ine, kabiji nangwa imo ibula kumweka kechi ikakonsha kufyamika kikupu ne.

1 Timoti 6:18

Bafwainwa kuuba byawama, ne kwikala banonshi bamu mingilo yawama, bekale bampanyi bepana mu kukwashang'ana.

2 Timoti 2:21

Byonkabyo umvwe muntu witokesha mwine ne kwifumya ku byatama, ukekala ke kijiilo kya mwingilo wa mushingi, kyazhijikwa, kyafwainwa kwingilako Nkambo kyanengezhiwa jimo mingilo yonse yawama.

2 Timoti 3:17

amba muntu wa Lesa ekale walumbuluka, wafikilamo mu byonse bya kwingilako mingilo yonse yawama.

Titusa 2:14

Ye wipaine mwine pe atweba mu kwitukuula ku bubi bonse, ne kwitokeshesha aye mwine bantu banji mwine, bamukoyo mu kwingila mingilo yawama.

Titusa 2:7

Mu bintu byonse wimweshe obewa mwine ke wa kumwenako mu mingilo yawama. Wikale wakishinka ne wasumininwa mu lufunjisho lobe.

Titusa 3:1

Kasa wibavulula kwibanekenena bamfumu ne ba luusa, bekale ba lukookelo, ne kwinengezha kwingila mingilo yonse yawama.

Titusa 3:14

Kabiji bantu betu nabo bafunde kwingila mingilo yawama, bamwenemo byawama, kuchiina kwikala ke baatu.

Titusa 3:8

Kino kyambo kyokya kishinka. Kabiji na mambo a bino bintu nasaka namba ukoselepotu na kwamba namba, aba bamwitabila Lesa batesheko muchima na kuuba mingilo yawama, bino bintu byawamisha, mambo bantu bamwenamo byawama.

Bahebelu 10:24

Kabiji twilanguluke atweba bene na bene ne kwitundaika na butemwe ne na mingilo yawama.

Bahebelu 13:21

emupe bintu byonse byawama, mube kyaswa muchima wanji, kasa engila mwi atweba kyonka kyawama ku meso anji, monka mwi Yesu Kilishitu. Kwi aye kwikale lukumo myaka ne myaka! Amena.

1 Petelo 2:12

Bwikalo bwenu bwikale bwafwainwa mu Bangentila, amba nangwa be muneena bibi nobe mwi babi, bakamone mingilo yenu yawama ne kumutumbijika Lesa mu juba jo akebapempula.

1 Yoano 1:7

Pakuba umvwe twenda mu kyeya byonka byo aji Aye mu kyeya, tuji mu lumvwang'ano atweba bene na bene, ne mashi a Yesu Mwananji etutokesha ku bundengamambo bonse.

1 Yoano 2:6

awa wamba amba waikala mwi Kilishitu wafwainwa kwenda byonka byo a endelenga Aye.