Efisesa 2:1 - KNTP

¹ Anweba mwajinga bafu na mambo a mizhilulwila yenu ne mambo enu.

Efisesa 2:1 Iomraidhean Croise

Mateo 8:22

Pakuba Yesu wamwambijile amba, “Ndondelaingatu, mwibaleke bafu bazhiike bafu babo bene.”

Luka 15:24

Mambo uno mwanami waji wafwa, bino leelo ke mumi, kabiji wajinga waluba, pano wamweka.’ Ponkapo batatwile kusangalala.”

Luka 15:32

Kyaji kufwainwa atweba kusangalala ne kusekela, mambo uno nkasobe waji wafwa, pano ke mumi, kabiji waji waluba, pano wamweka.’”

Yoano 10:10

Ngivi kechi wiyatu ne, poso kwiba, ne kwipaya, ne konauna. Amiwa naishile namba bamone bumi, kabiji namba bekale naabo bwavula.

Yoano 14:6

Yesu wamukumbwile amba, “Amiwa ne jishinda, ne bukine, ne bumi, kafwako wakonsha kwiya kwi Bataata ne, poso pe amiwa.

Yoano 5:21

Mambo byonka byo asangula Shanji bafu, ne kwibapa bumi, byonkabyo ne Mwana naye upana bumi ku bo aswa.

Yoano 5:25

Kabiji kine, nemwambila namba, juba jibena kwiya, ne pano jafika kala, po bakomvwa bafu jiwi ja Mwana Lesa, ne abo bakomvwa bakekala na bumi.

Loma 8:2

Mambo muzhilo wa aye Mupashi wa bumi wankasulula mwi Kilishitu Yesu kuyewa muzhilo wa bundengamambo ne wa lufu.

1 Kolinda 15:45

Mambo kinembelo kyaamba amba, “Muntu mutanshi, Adama, waalukile ke muntu mumi.” Bino Adama wapelaako waalukile ke mupashi upana bumi.

2 kolinda 5:14

Mambo butemwe bwa Kilishitu bo bwitwingijisha, mambo twayuka namba, umo byo afwijile bonse, nanchi bonse bafwile.

Efisesa 4:18

mambo maana abo a aluka ke a mfishi, kabiji bebabanya ku bumi bwa Lesa na bulubi bo baji naabo na mambo a kukosa kwa michima yabo.

Efisesa 5:14

mambo byonse bisololwa patoka bya aluka ke kyeya. Onkao mambo kyaambiwa amba: “Buuka, obewa walaala, ne kusanguka mu bafu, Kabiji Kilishitu ukakusamina.”

Kolose 2:13

Kabiji anweba mwajinga bafu mu mizhilulwila yenu ne mu bumbulwa mukanda bwa mibiji yenu. Naamba namba, aye Lesa wimusangwile anweba ke bomi pamo ne aye, byo etulekejile mizhilulwila yetu yonse.

1 Timoti 5:6

Bino aye wipana mu bya kwilemena ye mufu nangwa ukipema.

1 Yoano 3:14

Twayuka namba twafuma mu lufu twapitaila mu bumi, mambo twibatemwa balongo betu. Awa wabula kutemwa mulongo wanji waikala mu lufu.

Lumwekesho 3:1

“Kabiji kwi aye malaika wa mu kipwilo kya mu Saladisa unembe amba; “Aye uji na mipashi itanu na ibiji ya Lesa, ne atwa tubangabanga tutanu na tubiji, wa amba bino amba, nayuka mingilo yobe, ne byo uji na jizhina nobe wi mumi, bino wi mufu!