Efisesa 1:8 - KNTP

⁸ bo etuvuzhizhe atweba na maana onse, ne na kuyuka konse.

Efisesa 1:8 Iomraidhean Croise

Mateo 11:19

Mwana Muntu aye waiya kasa aja ne kutoma, kabiji bamuneena amba, ‘Talai ye kiji ne kitomi, mulunda wa basonkeshi ne bandengamambo!’ Bino maana beabingisha ku mingilo yao.”

Loma 11:33

Mama! Byo bwazhika bunonshi, ne maana, ne kuyukisha kwa Lesa! Ne bunchiba mambo bwanji byo bwabula kukonsheka kuyukanyikwa, ne mashinda anji nao byo abula kukonsheka kwialondalonda!

Loma 5:15

Bino kya bupe kechi kiji pamo na bubi ne. Mambo umvwe bavula bafwile na mambo a bubi bwa umo, kine kabiji bupe bwa Lesa, ne kyoapana mu bupe bwa mwi yewa muntu umo, Yesu Kilishitu, kyakijishatu kwi bakumbana bavula.

1 Kolinda 2:7

Bino twamba maana a Lesa a mu byafyamika, o afyamikile kala o atongwejile jimo Lesa mu kwituletela lukumo pano pantanda kasa pakyangye kulengwa.

Efisesa 1:11

Kabiji mwi Kilishitu mo etwalulwile ke buswanyi bwanji, byo twatongwejilwe jimo monka mwayila kufuukula kwanji, aye wingila byonse monka musakila muchima wanji,

Efisesa 1:7

Mwi Kilishitu mo muji bukuuzhi bwetu bwa mu mashi anji, lo lulekelo lwa mizhilulwila yetu, monka mwayila bunonshi bwa bupe bwanji,

Efisesa 1:9

Byo etusolwejile akya kyafyamika kya ku muchima wanji, monka mwayila akya kyamutokela ku muchima kyo afukwijile jimo mwi Kilishitu.

Efisesa 3:10

amba pano na mambo a kipwilo maana a Lesa a misango ne misango asoloke ku bakatampe bene ne ba luusa ba mwiulu.

Kolose 2:3

Monka mwi Aye mo byafyamikila bya buneme byonse ne bya milangwe ne bya maana.

Yuda 1:25

Kwi aye Lesa umotu yenka, Mupulushi wetu, monka mwi aye Yesu Kilishitu Nkambo yetu kwikale lukumo, ne buneme, ne ngovu, ne luusa, kunyuma ya myaka yonse ya kala, ne pano, ne ku myaka yonse ikeyako. Amena.

Lumwekesho 5:12

kasa bamba na jiwi jikatampe amba, “Aye Mwana Mukooko waipayilwe ye wafwainwa kutambula bulume, ne bunonshi, ne maana, ne ngovu, ne buneme, ne lukumo, ne lutakaiko!”