Efisesa 1:5 - KNTP

⁵ Mambo witutongwejile jimo amba aketwalule ke baana banji aye mwine mwi Yesu Kilishitu, monka mo kyamutokela ku muchima wanji,

Efisesa 1:5 Iomraidhean Croise

Mateo 1:25

Bino kechi wasambakene nanji ne poso byo asemene mwana. Kabiji Yosefwa wamutumbile jizhina amba Yesu.

Mateo 11:26

Mo monka Taata, mo kimuwamina anweba bene.”

Luka 10:21

Pa kyonkakya kimye Yesu wasekejile mu Mupashi Wazhila ne kwamba amba, “Nemutota anweba Taata, Nkambo wa mwiulu ne pano panshi, mambo mwibifiile bino bintu ku bamaana ne ku bamilangwe ne kwibisolola ku baana ba bacheche; mo monka, Taata, mo kimuwamina anweba bene.

Luka 11:32

Banabalume bena Ninevwa bakemana mukije na kino kisemi, ne kwikizhachisha, mambo abo balapijile pa kusapwila kwa Yona; kabiji talai, wamukila Yona uji ponka pano!”

Luka 12:32

Kechi mube moyo ne, anweba kajitanga kacheche, mambo kyo kyamuwamina ku muchima Shenu kya kwimupa bufumu.

Yoano 1:12

Pakuba bonse mobavujila bamutambwile, ne kwitabila mu jizhina janji, ibo bo apeele luusa lwa kwikala ke baana ba Lesa.

Yoano 11:52

kabiji kechi kyonkakyatu kisaka ne, poso akapwizhe pamo baana ba Lesa bapalang'ena monse, monse.

Yoano 20:17

Kumvwa Yesu wamwambijile amba, “Kechi munkwate ne, mambo nkyangye kukanjila kwi Bataata. Pakuba yainga ku balongo bami, mukebabule amba, mbena kukanjila kwi bataata ne Shenu, kwi Lesa wami ne Lesa wenu.”

Byubilo 13:48

Ne Bangentila byo ba umvwine bino basekejile bingi ne kwiatumbijika mambo a Nkambo, kabiji mo bavujile batongwejilwe bumi bwa myaka baitabijile.

Loma 8:23

Kabiji kechi abyo byonka ne, nanchi ne atwebatu pamo, nangwa twatambula Mupashi nobe nsomo, ne atweba tubena kubinza mukachi, kasa tupembelela kumweka kwa bu bwana bwetu, kokuuba amba, bukuuzhi bwa mibiji yetu.

1 Kolinda 1:1

Paulo, waichilwe monka mu kyaswa muchima wa Lesa amba ekale mutumwa wa Kilishitu Yesu, pamo ne mulongo wetu Sositenesa.

1 Kolinda 1:21

Mambo monka mwayila maana anji aye Lesa kechi kyakonshekele amba, ba pano pantanda ba muyuke Lesa mu kujimuka kwabo abo bene ne. Bino kyamuwamijile Lesa kwi bapulusha baitabila na bumbulwa maana bo tusapwila.

2 kolinda 6:18

Kabiji nkekala ke Shenu, ne anweba mukekala ke baana bami ba balume ne ba bakazhi, byo byamba Nkambo wa bulume bonse.”

Ngalatiya 3:26

Mambo anweba bonse pano mwi baana ba Lesa monka mu lwitabilo lwa mwi Kilishitu Yesu.

Efisesa 1:11

Kabiji mwi Kilishitu mo etwalulwile ke buswanyi bwanji, byo twatongwejilwe jimo monka mwayila kufuukula kwanji, aye wingila byonse monka musakila muchima wanji,

Efisesa 1:9

Byo etusolwejile akya kyafyamika kya ku muchima wanji, monka mwayila akya kyamutokela ku muchima kyo afukwijile jimo mwi Kilishitu.

Filipai 2:13

mambo ye Lesa wingila mwi anweba mu kwimusakisha kuuba, ne kwingila bintu byamutokela ku muchima wanji.

Kolose 1:19

Mambo kyamutokejile Shanji ku muchima amba kuyula konse kwa Lesa kwaikala monka mwi Kilishitu.

2 Tesalonika 1:11

Onkao mambo kyo kyo twimulombelela moba onse. Amba Lesa wetu akemulanguluke amba mwilufwainwa lwito lwenu. Ne kufikizha kusaka kwenu konse kwa buwame ne mingilo yonse ya lwitabilo na bulume.

Bahebelu 2:4

Lesa naye kasa ashimuna naabo na biyukilo ne bya kukumya ne bya bulume bya misango ne misango ne kupana bya bupe bya Mupashi wa Wazhila monka mwayila kyaswa muchima wanji mwine.

1 Yoano 3:1

Talai yewa musango wa butemwe bo etutemwa naabo Taata, byo twateelwa amba baana ba Lesa, kabiji kine byobyo tuji. Naonka ano mambo ba pano pantanda kechi betuyuka ne mambo ne Aye kechi bamuyukile ne.

Lumwekesho 21:7

Aye ushinda ukaswana bino bintu ne amiwa. Kabiji nkekala ke Lesa wanji, ne aye naye ukekala ke mwanami.