Efisesa 1:4 - KNTP

⁴ Monka mo etusalulwijile mwi aye pano pantanda kasa pakyangye kulengwa, amba twikale bazhila, babula bulema ku meso anji, mu butemwe bwanji.

Efisesa 1:4 Iomraidhean Croise

Mateo 24:22

Kabiji aa moba inge ne kwiachibako ne, kafwako muntu nangwa umo ukapuluka ne. Pakuba na mambo a basalululwa bakeachibako aa moba.”

Mateo 24:24

Mambo kukamweka ba kilishitu ba bubela, ne bangauzhi ba bubela, kabiji bakamwesha biyukilo bikatampe ne bya kukumya, mu kwibatwala mungi basalululwa, umvwe kyakonsheka kuubiwa.

Mateo 24:31

Kabiji ukebatuma bamalaika banji na jiwi jikatampe ja ntolompita, ne abo bakebapwizha pamo basalululwa banji kwibafumya ku makonka ana a panopantanda, ne monse mwapela jiulu.

Mateo 25:34

Ponkapo Mfumu ukebambila ba ku kilujo kyanji amba iyai, anweba mwapeshiwa kwi Bataata! Swanai bufumu bo emutujila kufuma ku ntendekelo ya pano pantanda.

Yoano 10:16

Kabiji mikooko ikwabo nji nayo, kechi ya ku kyo kino kipaka ne. Nayo amiwa nafwainwa kwiileta, ne ayo ikomvwa jiwi jami, kabiji ikekala ke kisaka kimo, ne kafunga umo.

Yoano 15:16

Anweba kechi yenu mwansalulwile ne, pakuba amiwa yami nemusalulwile anweba, ne kwimutongola, namba muyenga na kupanga bipangwa, kabiji abya bipangwa byenu bikekajikwe. Namba umvwe mukalomba kintu kwi Bataata mu jizhina jami nangwa kya byepi, bakemupakyo.

Yoano 17:24

“Taata! Aba bomwampele, nasaka namba, konji amiwa, ne abo nabo bakekale ne amiwa, namba bakamone lukumo lwami, lo mwampele mambo anweba mwantemenwe amiwa ne ntanda kasa ikyangye kulengwa.

Byubilo 13:48

Ne Bangentila byo ba umvwine bino basekejile bingi ne kwiatumbijika mambo a Nkambo, kabiji mo bavujile batongwejilwe bumi bwa myaka baitabijile.

Byubilo 15:18

kufuma ne kukala.”

Byubilo 18:10

mambo amiwa nji ne obewa, kafwako muntu ukakuuba kyatama ne, mambo bavula baji mu yeuno muzhi bo bantu bami.”

Loma 8:33

Ng'anyi ukaleeta bya kwibashiina basalululwa ba Lesa? Ye Lesa ubingisha!

1 Kolinda 1:8

Ye ukemukosesha kufika ne kumpelo, amba mukekale ba kubula mambo mu juba ja Nkambo yetu Yesu Kilishitu.

Ngalatiya 5:13

Anweba bakwetu, mo mu bwana bwa bene mo mwaichilwa. Bino bwana bwa bene bwenu kechi bwikale ke bwa kubilamo bya buntunshi ne. Poso mu butemwe, mwikale ba kwiingijila anweba bene na bene.

Ngalatiya 5:22

Pakuba bipangwa bya Mupashi bo butemwe ne lusekelo ne mutende ne kukooka muchima ne lusa ne buwame ne bukishinka,

Ngalatiya 5:6

Mambo mwi Kilishitu Yesu mukanda yewatu, ne kubulwa mukanda nako ko kwatu, kana lwitabilo lwingila mu butemwe.

Efisesa 2:10

Mambo atweba twi ba mubusendwe bwanji, twalengwa mwi Kilishitu Yesu amba tukengilenga mingilo yawama, yo atongwejile jimo Lesa amba tukendenga monka.

Efisesa 3:17

namba Kilishitu ekale monka mu michima yenu na lwitabilo. Pa kutabilamo ne kushimikwa ponka pa butemwe bwa Lesa,

Efisesa 4:2

Na kwipelula konse ne bukimote, ne na kukooka muchima, kasa mwitekenya anweba bene na bene mu butemwe.

Efisesa 5:2

Ne kwenda monka mu butemwe, byonka byo etutemenwe Kilishitu, ne kwipana mwine na mambo a atweba, ke mulambo ne kitapisho kwi Lesa, bikale bwema bwawama.

Efisesa 5:27

amba epeekyo aye mwine ke kipwilo kya lukumo, kyabula jintomya nangwa jimfunye, nangwa kikwabotu kya byonkabyo ne, poso amba kikale kyazhila kyabula bulema.

Filipai 2:15

pakuba amba mwikale bakubula mambo, baana ba Lesa babula jintomya mukachi kakisemi kyatama ne kyaluwankana, mo mubena kusaama nobe byeya bya pano pantanda.

Kolose 1:22

Pakuba pano Aye Lesa wimupwanya na lufu lwa mu mubiji wa bumuntu bwa Mwananji, mu kukemumwesha ku meso anji kasa mwazhila, babula bulema ne babula mambo.

Kolose 2:2

Namba michima yabo itundaikwe bulongo bakwatankane ke umo mu butemwe, kabiji bekale na bunonshi bonse bwa maana a kukwatankanya ne kuyukisha kyafyamika kya Lesa, ye Kilishitu.

Kolose 3:12

Onkao mambo byo muji basalululwa bakwa Lesa, bazhila, batemwe, vwalai bu muchima wanekena, ne lusa ne kwipelula ne bukimote ne kukooka muchima.

Tesalonika 3:12

Kabiji Nkambo ebuvuzhe butemwe bwenu buvujishe, bwa kwitemwa anweba bene na bene, ne bwa kutemwa bantu bonse, monka mo twimutemenwa atweba.

Tesalonika 4:7

Mambo Lesa kechi witwichile ku bubipisho ne, kana mu kuzhijikwa.

2 Timoti 1:9

Yenkaye witupulusha, ne kwitwiita na lwito lwazhila, kechi mwayila mingilo yetu ne, poso mwayila kufuukula kwanji ne bupe bwanji, boetupele mwi Kilishitu Yesu, myaka ya kala keene kasa ikyangye kufika,

2 Timoti 2:10

Onkao mambo o nebikosela byonse pa mambo a basalululwa, namba ne abo nabo batambule lupulukilo luji mwi Kilishitu Yesu ne lukumo lwa myaka pamo.

2 Timoti 2:19

Nangwa byonkabyo kitendekesho kyakosa kya kwa Lesa kyaikajikwa, kiji na kano kayukilo amba, “Aye Nkambo wayuka banji” kabiji amba, “Bonse bateela jizhina ja Nkambo bafumeko ku bubi.”

Yakoba 2:5

Umvwai balongo bami batemwe! Aye Lesa kechi wasalulwile abo bayanji ba pano pantanda ba lwitabilo amba bekale banswanyi ba bufumu boalayile kwi abo bamutemwa nenyi?

1 Petelo 1:2

Basalululwa monka mwayila maana akuyukila jimo kwa Lesa Taata, na kuzhijikwa kwa Mupashi, ne kutokeshiwa na mashi anji amba mukookelenga Yesu Kilishitu. Bupe ne mutende bimuvujile.

1 Petelo 1:20

Ye basalulwijile jimo pano pantanda kasa pakyangye kulengwa, pakuba wasololwa kuno kumpelo ya myaka na mambo a anweba.

1 Petelo 2:9

Pakuba anweba mwi kisemi kyasalululwa, mwi ba bung'anga bwa bufumu, mwi mukoka wazhila, mwi bantu banonkwa kwi Lesa mwine amba, mulondolole byanji bya wamisha, yenka aye wimwichile kufuma mu mfishi kwiya mu kyeya kyanji kya ku kumya.

2 Petelo 3:14

Onkao mambo, anweba batemwe, byo mutengela bino bintu, teshaikotu michima yenu, namba, mukatanwe mu mutende, kasa mwabulwa jitomya ne kaneneno ku meso anji.

1 Yoano 4:16

Kabiji atweba twayuka ne kwitaba butemwe bo etutemwa Lesa. Lesa ye butemwe, ne aye waikala mu butemwe ye waikala mwi Lesa, ne Lesa waikala mwi aye.

Lumwekesho 13:8

Ne bonse bekala pano pantanda bakamupopwela, bonse babulwa kunembwa mazhina abo, kufuma ku ntendekelo ya pano pantanda, mu buku wa bumi wa aye Mwana Mukooko, yenkaye waipayilwe.

Lumwekesho 17:8

Awa lukinyama ye wajikumona, wajipo pakuba pano ufwapo, bino pano kasake kufuma mu kalengwa kabula kupela, ne kuya mulonaiko. Ne abo bekala pano pantanda bakakumya, bonse babulwa kunembwa mazhina mu buku wa bumi kufuma ne ku ntendekelo ya pano pantanda, byo bakatala awa lukinyama, byo ajingapo, kabiji pano ufwapo, kabiji ukamweka.”