Efisesa 1:23 - KNTP

²³ Ne kipwilo ye mubiji wa Kilishitu, ye kukumbana kwanji, aye wa kumbana byonse, monse monse.

Efisesa 1:23 Iomraidhean Croise

Yoano 1:16

Pakuba mo mu kuyula kwanji mo twatambwijile atweba bonse, bupe pa bupe bukwabo.

Loma 13:5

Onkao mambo anweba mwafwainwa kwibakookela, kechi na mambo onka a bukaji bwa Lesa ne, poso na mambo a jiwi ja mu muchima.

1 Kolinda 12:6

Kabiji kuji misango yavula ya mingilo, bino ye Lesa umo yenka ye wingila byonse mu bonse.

1 Kolinda 15:28

Kabiji Kilishitu byo aji na luusa lwa pa bintu byonse, ne aye Mwana naye ukebiika munshi ya Shanji, amba Lesa ekale byonse mu byonse.

Efisesa 2:16

Kabiji amba ebapwanye na Lesa bonse babiji mu mubiji umo konka ku musalabu, byo azhimang'enye mfika konka.

Efisesa 3:10

amba pano na mambo a kipwilo maana a Lesa a misango ne misango asoloke ku bakatampe bene ne ba luusa ba mwiulu.

Efisesa 3:19

Ne kwibuyuka butemwe bwa Kilishitu bukankalwa maana kuyuka, namba muyule paa! Kufika ne ku kuyula konse kwa Lesa.

Efisesa 4:10

Aye waikijile ye yenka wakanjijile kupitaila meulu onse, amba ayuzhe bintu byonse.

Efisesa 4:12

Na mambo a kwibanengezha bazhijikwa amba bekale ba kwingila mwingilo, wa kukomesha mubiji wa Kilishitu.

Efisesa 4:13

Poso bonse byo tukalumbuluka mu bu umo bwa mu lwitabilo ne mu maana a kumuyukisha Mwana Lesa, ke bantu bakoma, bafika ku kipimo kya kimino kya kufikila kwa Kilishitu.

Efisesa 4:4

Kuji mubiji umo ne Mupashi umo, byonka byo mwaichilwe mu luketekelo lumo lwa lwito lwenu.

Kolose 1:24

Pano nasekela mu bya kumanama byami na mambo a anweba, kabiji mbena kuyuzha kwashajile ku bya kumanama bya Kilishitu mu mubiji wami na mambo a mubiji wanji, kyo kipwilo.

Kolose 2:19

ne kukakachila ku mwine Kilishitu ne, mwi aye Kilishitu, moayila na kukoma mubiji yense na bukomo bufuma kwi Lesa, kasa bamukosesha ne kumunungakanya na manungi ne mishipe yonse.

Kolose 3:11

Amo kechi muji mugiliki, nangwa muyudea, nangwa wa mukanda, nangwa wabulwa mukanda, nangwa mwenyi, nangwa mwina Sikitya nangwa muzha, nangwa mwana bene, pakuba Kilishitu ye byonse, kabiji uji mu byonse.

Kolose 3:15

Kabiji lekai mutende wa Kilishitu ekale wa kwimulama mu michima yenu; ye ye mwaichilwa mu mubiji umo. Kabiji ikalai na michima ya kusanta.