Efisesa 1:20 - KNTP

²⁰ bo aingijilenga mwi Kilishitu, byo amusangwile mu bafu, ne kumwikazha konka ku kilujo kyanji mwiulu.

Efisesa 1:20 Iomraidhean Croise

Mateo 26:64

Kumvwa Yesu amba, “Wafikilapotu. Nanchi nemwambila namba, palutwe mukamona Mwana Muntu kasa aikala ku kilujo kya Bulume, kasa eya mu makumbi a mwiulu.”

Mateo 28:18

Kabiji Yesu waishile ko baji ne kwibambila amba, “Luusa lonse napewalo, lwa mwiulu ne lwa pano panshi.

Mako 14:62

Kumvwa Yesu amba, “Ye amiwa bano, kabiji mukamona Mwana Muntu kasa aikala ku kuboko kwa kilujo kwa Bulume, kasa eya mu makumbi a mwiulu!”

Mako 16:19

Byo apwishishe Nkambo Yesu kwamba naabo, watwajilwe mwiulu ne kwikala waikajile ku kilujo kya Lesa.

Yoano 10:18

Kafwako ung'angataye ne, pakuba na mwela amiwa mwine. Nji na luusa lwa kumwela, kabiji nji na luusa lwa kumutambula jibiji. Uno ye mukambizho ye bankambizhizhe bataata.”

Yoano 10:30

Amiwa ne bataata twi umo.”

Byubilo 10:40

Pakuba Lesa wamusangwile mu juba ja busatu, ne kumusolola amba amweke ku bantu,

Byubilo 26:8

Mambo ka anweba bonse kyo mwalangulukila amba, kyo kintu kyabula kufwainwa kwitaba amba, Lesa usangula bafu?”

Byubilo 4:10

yukai anweba bonse, ne ku bonse bena Isalela amba, uno muntu waimana ku meso enu ke mutuntulu mu jizhina ja Yesu Kilishitu mwina Nazala, ye mwaipayile pa musalabu anweba, ye asangwile Lesa mu bafu.”

Byubilo 5:31

Aye uno yenka, Lesa wamutumbijikile ku kuboko kwanji kwa kilujo amba, ekale Ntangi ne Mupulushi, ebape bena Isalela lulapilo ne lulekelo lwa mambo.

Loma 1:4

kabiji watongwelwe na bulume monka mu lusanguko lwa mu bafu amba ye Mwana Lesa, mwayila Mupashi wa buzhile, aye Yesu Kilishitu Nkambo yetu.

Loma 8:34

Ing'anyi uzhachisha? Ye Kilishitu Yesu wafwile, kabiji ye wasangwilwe mu bafu, ye waikala ku kilujo kya Lesa, na kwitulombelela.

Efisesa 1:3

Atotwe Lesa, Shanja Nkambo yetu Yesu Kilishitu, ye witubijiile bibusa byonse bya mwiulu, bya bumupashi mwi Kilishitu.

Filipai 3:10

Namba namuyuke kabiji ngyuke ne bulume bwa lusanguko lwanji, ne lumvwang'ano lwa mu bya kumanama kwanji, namba ngikale na lufu lwapashang'ana na lufu lwanji,

Kolose 1:16

Mambo byonse byalengelwe kupichila mwi Aye, bya mwiulu ne bya pano pantanda, bimweka ne bibula kumweka, nangwa ba pa bipona bya bufumu, nangwa ba bunkambo, nangwa bene bapashi ba bulume, nangwa ba luusa. Byonse byalengelwe kwi Aye ne kulengwa byalengejilwe Aye yenka.

Kolose 3:1

Byo mwasangwilwe pamo ne Kilishitu, kebai biji mwiulu, monka muji Kilishitu kasa aikala ku kilujo kya Lesa.

Bahebelu 1:3

Mwanji ye kusaama kwa lukumo lwanji, ye kipasha kya musango wanji, kabiji ye ulama bintu byonse na jiwi ja bulume bwanji. Kabiji byo apwishishe kutokesha bubi bwa bantu, waikajile ku kuboko kwa kilujo kya Mwine Mfumu wa mwiulu.

Bahebelu 10:12

Bino Kilishitu byo alambwile kitapisho kimo kyonka kya bubi kya myaka, waikajile ku kilujo kya Lesa.

Bahebelu 13:20

Pano aye Lesa wa mutende, yenka wamusangwile mu bafu Nkambo yetu Yesu, yenkawa waubile ke kafunga mukatampe wa mikooko na mambo a mashi anji, a lulayang'ano lwa myaka,

Bahebelu 2:9

Bino twamumona aye Yesu, ye bapelwile ka kimye kacheche kukila bamalaika, kasa avwikwa na lukumo ne buneme na mambo a lufu lo amanamine, amba monka mu bupe bwa Lesa ebatompele lufu bantu bonse.

1 Petelo 1:3

Atotwe Lesa Shanja Nkambo yetu Yesu Kilishitu, ye witusemene jibiji monka mu lusa lwanji lukatampe, mambo a kusanguka kwa Yesu Kilishitu mu bafu, pano twaikala na luketekelo lumi,

Lumwekesho 1:17

Ponkapo byo na mumwene, naponene ku maulu anji nobe muntu wafwa. Ne aye wantentekele kuboko kwanji kwa kilujo, amba, “Kuuba moyo ne! Amiwa ne mutanshi ne wapelaako.