Efisesa 1:17 - KNTP

¹⁷ namba Lesa wa Nkambo yetu Yesu Kilishitu, Shanja lukumo, emupe Mupashi wa maana ne wa lumwekesho lwa kumuyukisha aye mwine.

Efisesa 1:17 Iomraidhean Croise

Mateo 11:25

Pa kyonkakya kimye Yesu wa ambile amba, “Nemutota anweba Taata, Nkambo wa mwiulu ne wa pano panshi, mambo mwibifiile bino bintu ku bamaana ne ku bamilangwe, ne kwibisolola ku baana ba bacheche.

Mateo 11:27

“Bataata bampele amiwa bintu byonse. Kabiji kafwako nangwa umo wamuyuka Mwana byo aji ne, kanatu bonka Bataata, nangwa wayuka Bataata byo baji ne, kana yenka Mwana, ne boba bantu bo aswa Mwana kwibasolwelaye.”

Mateo 16:17

Ne Yesu wamwambijile amba, “Mwatokwa anweba ba Shimona mwana Yona! Pakuba kechi buntunshi bwa nyama ne mashi bo bwi musolwelakyo ne, poso Taata uji mwiulu.

Mateo 20:33

Kumvwa abo amba, “Nkambo, twasaka meso etu alabe.”

Mateo 6:13

Kabiji kechi mwitutwale mu lweseko ne, mwitupokolole kwi yewa mubi.”

Luka 12:12

Mambo Mupashi Wazhila ukemufunjisha mu kyonkakya kimye byo mwafwainwa kwamba.”

Luka 2:14

“Lukumo lwikale kwi Lesa mwiulu mwine, ne pano pa ntanda mutende ekale na bantu bamutokesha pa muchima.”

Luka 21:15

mambo amiwa nkemupa byambo ne maana, ne bonse bemushikwa kechi bakayuka mwa kwibyalulwila nangwa kwibilengulula ne.

Yoano 14:17

Ye Mupashi wa bukine, ye babula kukonsha kutambula ba pano pantanda, mambo kechi bamumona ne, nangwa kumuyuka ne. Anweba mwamuyuka, mambo aye wikala nenu, kabiji ukekalanga mwi anweba.”

Yoano 14:26

Pakuba Nkwasho, aye Mupashi Wazhila, ye bakatuma Bataata mu jizhina jami, ye ukemufunjisha bintu byonsetu, ne kwimuvulula byonse byo na ambile nenu.”

Yoano 16:3

Ne bino bintu bakebyuba, mambo kechi bebayuka bataata nangwa amiwa ne.

Yoano 17:3

Kabiji buno bo bumi bwa myaka, amba bemuyuke anweba, Lesa yenka wa kine, ne Yesu Kilishitu ye mwatumine.

Yoano 20:17

Kumvwa Yesu wamwambijile amba, “Kechi munkwate ne, mambo nkyangye kukanjila kwi Bataata. Pakuba yainga ku balongo bami, mukebabule amba, mbena kukanjila kwi bataata ne Shenu, kwi Lesa wami ne Lesa wenu.”

Byubilo 6:10

Bino abo kechi bakonsheshe kushinda aa maana ne aye Mupashi ye a ambijilengamo ne.

Byubilo 7:2

Kumvwa aye amba, “Anweba bakwetu ne bashetu, ng'umvwai! Lesa wa lukumo wamwekele ku mushakulu wetu Abulahama, byo akijinga mu Mesopotamya, kasa akyangye kwikala mu Halani,

Loma 1:28

Kabiji byonka byo bakaine kwikala na maana a kuyuka Lesa, Lesa naye wibapaine ku muchima wa bubi, bobenga byo babula kufwainwa kuuba.

Loma 15:6

amba pamo na muchima umo ne na jiwi jimo mukatumbijike Lesa Shanja Nkambo yetu Yesu Kilishitu.

1 Kolinda 12:8

Mambo umo bamupa byambo bya milangwe kwi aye Mupashi, kabiji yenka Mupashi umo wapana maana ku muntu mukwabo.

1 Kolinda 14:6

Anweba bakwetu, umvwe naiya ko muji kasa ng'amba mu njimi ingi, kika kyo mukamwenamo mwi amiwa? Poso nemwambila mu lumwekesho, nangwa mu maana, nangwa mu bungauzhi nangwa mu lufunjisho.

1 Kolinda 2:10

Pakuba kwi atweba Lesa wibimwesha na Mupashi. Mambo aye Mupashi ukebakeba byonse, ne bine byazhika bya Lesa.

1 Kolinda 2:8

Ao maana, kafwako nangwa umo ndamakyalo wa pano pantanda wiayukile ne, mambo umvwe beayukile, inge kechi bamupopele pa musalabu Nkambo wa lukumo ne.

2 kolinda 12:1

Kyamfwainwa amiwa kwitota nangwa kechi kyayilamo ne, kabiji nsakwamba ne pa bimwesho ne lumwekesho lwa Nkambo.

Efisesa 1:3

Atotwe Lesa, Shanja Nkambo yetu Yesu Kilishitu, ye witubijiile bibusa byonse bya mwiulu, bya bumupashi mwi Kilishitu.

Efisesa 3:5

Kyabujilwe kusololwa ku bantu bakwabo bamu myaka ya kala pamo ne byo kyasololwa pa kino kimye ku batumwa banji bazhila ne bangauzhi kwi aye Mupashi.

Efisesa 4:13

Poso bonse byo tukalumbuluka mu bu umo bwa mu lwitabilo ne mu maana a kumuyukisha Mwana Lesa, ke bantu bakoma, bafika ku kipimo kya kimino kya kufikila kwa Kilishitu.

Filipai 3:15

Onkao mambo atweba bonse bakoma ku mupashi twikale na muchima wa byonkabyo. Kabiji umvwe mu kintu nangwa kimo muji na muchima ungi, Lesa ukekisolola kwi anweba.

2 Timoti 2:25

mu bukimote kasa ebolola aba bamulengulula, amba apo kampe Lesa ukebapa lulapilo luleeta maana a kuyukisha bya bukine.

Titusa 1:1

Paulo, kalume wa Lesa, kabiji mutumwa wa Yesu Kilishitu. Nasalulwilwe monka mwayila lwitabilo lwa basalululwa ba Lesa, mu kwibayukisha bukine, mwayila munema wa kunemeka Lesa,

Yakoba 2:1

Balongo bami, byo mwaikala na lwitabilo lwa mwi Nkambo yetu Yesu Kilishitu Nkambo wa lukumo, kechi mutale ku bilungi bya bantu ne.

2 Petelo 1:3

Bulume bwanji bwa bu Lesa bwitupa byonse bya kwitukwasha mu bumi ne mu kunemeka Lesa kwetu, monka mu maana a kumuyuka aye witwichile mu lukumo lwanji mwine ne mu kulumbuluka kwanji.

2 Petelo 3:18

Bino kasa mukoma mu bupe ne mu maana a kumuyuka Nkambo ne Mupulushi wetu Yesu Kilishitu. Kwi aye kwikale lukumo ne pano ne myaka yonse. Amena.

Lumwekesho 7:12

amba, “Amena! Lutakaiko, ne lukumo, ne maana, ne sante, ne buneme, ne bulume, ne bulobo, bikale kwi Lesa wetu myaka ne myaka! Amena!”