Efisesa 1:13 - KNTP

¹³ Kabiji ne anweba mwaumvwine Mambo a Bukine, o Mambo Awama a lupulukilo lwenu. Kabiji byo mwaitabijile Kilishitu mwabikilwe kayukilo, ye Mupashi Wazhila wa mulaye.

Efisesa 1:13 Iomraidhean Croise

Luka 11:13

Byonkabyo umvwe anweba babi, mwayuka kupana byawama ku baana benu, nanchi aye Shenu wa mwiulu kechi akemukile mu kupana Mupashi Wazhila ku bamulomba nenyi?”

Luka 24:49

Kabiji talai amiwa mwine nkemutumina akya kyalayile Bataata pe anweba. Pakuba anweba mwafwainwa kupembelela mu muzhi poso mukavwikwe na bulume kufuma mwiulu.”

Yoano 1:17

Mambo Mizhilo yapainwe mwi Mosesa, bino bupe ne bukine bwaishile mwi Yesu Kilishitu.

Yoano 14:26

Pakuba Nkwasho, aye Mupashi Wazhila, ye bakatuma Bataata mu jizhina jami, ye ukemufunjisha bintu byonsetu, ne kwimuvulula byonse byo na ambile nenu.”

Yoano 15:26

Mambo aye Nkwasho byo akeya, ye nkemutumina ukafuma kwi bataata, ye Mupashi wa bukine, ufuma kwi bataata, ye ukanshimuna.

Yoano 3:33

Awa waitabila kushimuna kwanji ye waitaba amba, Lesa ye wa kine.

Yoano 6:27

Kechi mwingijile kajo konaika ne, pakuba ingijilai kajo kakelwa ne ku bumi bwa myaka ko akemupa Mwana Muntu. Mambo aye bamubikile kayukilo kwi Shanji, yenka Lesa.”

Byubilo 1:4

Kabiji byo apwijilenga naabo pamo, wibakambizhe amba, “Kechi mufume mu Yelusalema ne, mupembele akya kyalayile Bataata, kyo mwaumvwine kwi amiwa.

Byubilo 13:26

“Anweba bakwetu, baana ba ku kikota kya Abulahama, ne bo muji naabo bamwakamwa Lesa, kwi atweba bonse koatumwa ano mambo aluno lupulukilo!

Byubilo 2:33

Byonkabyo byo atumbijikilwe ku kilujo kya Lesa, ne kutambula kwi Shanji kyo alayile kya Mupashi Wazhila, aye waitulula uno. Byonka byo mwamona ne kumvwa.

Loma 1:16

Mambo amiwa kechi neobila bumvu Mambo Awama ne; mambo bo bulume bwa Lesa buleta lupulukilo ku bonse baitabila, kutatwila ku Bayudea kabiji ne ku Bagiliki nabo pamo.

Loma 4:11

Aye watambwile mukanda ke kayukilo, nobe kateetesho ka bololoke bwa mu lwitabilo bo ajinga naabo, kasa akyangye kutwela mu mukanda. Amba ekale ke shanja bonse baitabila kwakubula mukanda, amba ebaswe ne abo pamo amba baoloka.

Loma 6:17

Bino sante ekale kwi Lesa! Mambo anweba nangwa mwajinga bazha ba bundengamambo pano mwakookela na muchima yense awa musango wa lufunjisho lo mwatambwile.

2 kolinda 1:22

kabiji ye yenka witubika kayukilo, ne kwitupa Mupashi Wazhila mu michima yetu ke bukikizhi.

2 kolinda 6:7

ne mu mambo a bukine ne mu bulume bwa Lesa, ne na byela bya nkondo bya bololoke mu kuboko kwa kilujo ne kwa kipiko.

Ngalatiya 3:14

Amba kibusa kya Abulahama kibafikile Bangentila mwi Kilishitu Yesu. Amba tutambule mulaye, ye Mupashi monka mu lwitabilo.

Efisesa 4:21

Inge kine iye ye mwaumvwine, ne kufunjishiwa mwi aye, monka mwayila bukine buji mwi Yesu.

Efisesa 4:30

Kabiji kechi mu mufichishe ku muchima aye Mupashi Wazhila wa Lesa ne, mwi aye mo mwabikilwe kayukilo ka kufika ne ku juba ja bukuuzhi.

Tesalonika 2:13

Kabiji na mambo a ano mambo o nsanchila kwi Lesa kwakubula kuzhikilwa. Mambo byo mwatambwile kwi amiwa mambo a Lesa, kechi mwiatambwile nobe mambo a bantu ne, poso byonka byo aji kine mambo a Lesa. Kabiji oengila mwi anweba baitabila.

2 Timoti 2:15

Kasa uteshakotu muchima ukefikizhe obewa mwine kwi Lesa, kasa walumbuluka, muntu wa mwingilo wabula ne kya kubilaako bumvu, kasa utwalatu bulongo mambo a bukine.

2 Timoti 2:19

Nangwa byonkabyo kitendekesho kyakosa kya kwa Lesa kyaikajikwa, kiji na kano kayukilo amba, “Aye Nkambo wayuka banji” kabiji amba, “Bonse bateela jizhina ja Nkambo bafumeko ku bubi.”

2 Timoti 3:15

ne byo wayukile kufuma ne ku bwanyike bobe binembelo byazhila byakonsha kukupa maana a kumona lupulukilo lwa mu lwitabilo luji mwi Kilishitu Yesu.

Titusa 2:11

Mambo bupe bwa Lesa bwamweka, bwaleeta lupulukilo ku bantu bonse.

Bahebelu 2:3

Atweba tukapuluka byepi, umvwe twabula kutaako muchima ku luno lupulukilo lukatampe luji byonka bino? Lwa ambilwe patanshi kwi Nkambo, kabiji betulumbulwijile atweba kwi boba bamumvwine.

Yakoba 1:18

Aye witusemene kupichila mu mambo a bukine, monka mu kyaswa muchima wanji mwine amba, twikale ke bipangwa bintanshi pa bilengwa byanji.

Yakoba 1:21

Onkao mambo fumyai byonse byatama ne kuvula kwa nshiji. Ne kutambula na michima yanekena ao mambo abyalwamo, akonsha kupulusha myeo yenu.

1 Petelo 2:10

Kala anweba kechi mwajinga bantu bakwa Lesa ne, pakuba pano mwi bantu ba kwa Lesa, kala mwabujile kumona lusa, pakuba pano mwilumona.

Lumwekesho 7:2

Kabiji namwene ne malaika mukwabo kasa akanjila kufuma ko jiseelela juba, kasa aji na kayukilo ka Lesa mumi. Ponkapo aye wabijikile na jiwi jikatampe kwi aba bamalaika bana bo bapeele kwiyuba bibi ntanda ne kalunga