Byubilo 8:7 - KNTP

⁷ Mambo bavula bajinga na bapashi babipa bafuminengamo mwi abo, kasa batama na jiwi jikatampe, ne bavula babelelenga kalepu, nangwa balemana babukilwe.

Byubilo 8:7 Iomraidhean Croise

Mateo 10:1

Kabiji wibechile baana banji babwanga jikumi na babiji ko aji, ne kwibapa luusa lwa kupangamo bapashi babipa, ne lwa kubuka bikola bya misango yonse ne bulema bwa misango yonse.

Mateo 11:5

bampofu babena kumona, ne balemana ke bende; bambumba babukwa, ne bakishinka matwi ke bomvwe; bafu basangulwa, ne balanda basapwilwa Mambo Awama.

Mateo 4:24

Kabiji ne nkuwa yanji yakumbene monse mu Silya, kabiji bamuletejile bonse bakolwa, bajinga na bikola ne misongo ya misango ne misango, ne banonkelwe ku bademona, ne ba kishimu ne ba kalepu, ne abo nabo wibabukile.

Mako 9:26

Ne aye mupashi pakutama ne kumusunkankanya kyabaya, wafuminemo. Kabiji mwana wamwekele nobe wafwa, ne bavula ba ambile amba, “Wafwa!”

Luka 10:17

Kabiji aba makumi atanu na abiji babwelele na lusekelo amba, “Nkambo, ne bademona betukookela atweba mu jizhina jenu!”

Yoano 14:12

Kine, kine nemwambila namba, awa wangitabila amiwa, mingilo yo nguba amiwa naye ukeyuba, ne yakila ino ukeyuba, mambo mbena kuya kwi Bataata.

Byubilo 5:16

Kabiji mabumba a bantu apwijile bafumine mu mizhi ya kubwipi na Yelusalema, baleetelenga bakolwa, ne bo bamanyikile ku bapashi babipa, ne bonsetu babukilwe.

Byubilo 8:6

Ne mabumba ateeleko muchima ku byambo bya ambilenga Filipa na muchima umotu, byo ba umvwine ne kumona biyukilo byo aubilenga.

Bahebelu 2:4

Lesa naye kasa ashimuna naabo na biyukilo ne bya kukumya ne bya bulume bya misango ne misango ne kupana bya bupe bya Mupashi wa Wazhila monka mwayila kyaswa muchima wanji mwine.