Byubilo 7:52 - KNTP

⁵² Ng'anyi ngauzhi ye babujile kupata bashakulu benu? Kabiji bebepayile ba ambilejilenga jimo na mambo a kwiya kwa aye Mololoke. Kabiji anweba pano yenu mwamusolola ne kumwipaya.

Byubilo 7:52 Iomraidhean Croise

Mateo 5:12

Sekelai ne kusangalala, mambo mfweto yenu yo ikatampe mwiulu, mambo byo byo bebapachilenga ne bangauzhi ba batangijilepo kala.”

Luka 6:23

Mukasekele mu joja juba, ne kukilauka na lusekelo, mambo talai mfweto yenu yo ikatampe mwiulu; mambo ne bashakulu babo nabo baubanga byonkabyo ku bangauzhi.

Yoano 16:10

na mambo a bololoke, mambo amiwa mbena kuya kwi bataata, ne anweba kechi mukammone jibiji ne,

Byubilo 2:23

aye uno Yesu, byo asolwelwe na mambo a kutongwela jimo ne kuyukila jimo kwanji aye Lesa, anweba yenu mwamupopele pa musalabu ne kumwipaya konka ku maboko a bampupabizhila.

Byubilo 22:14

Ne aye amba, Lesa wa bashakulu betu, ye wakutongola amba uyuke kyaswa muchima wanji, kabiji umumone ne aye Mololoke, ne kwijumvwa jiwi ja mu kanwa kanji.

Byubilo 3:18

Pakuba abya bintu byo a ambijile jimo Lesa mu kanwa ka bangauzhi banji, amba, Kilishitu wami ukamanama, aye wibifikizha.

Byubilo 3:24

Kine ne bangauzhi bonse kufuma kwi Samwela, ne bamulondejile bonse mobavujila, ba ambilenga mambo a ano moba,

Byubilo 4:10

yukai anweba bonse, ne ku bonse bena Isalela amba, uno muntu waimana ku meso enu ke mutuntulu mu jizhina ja Yesu Kilishitu mwina Nazala, ye mwaipayile pa musalabu anweba, ye asangwile Lesa mu bafu.”

Tesalonika 2:15

ibo bamwipayile Nkambo Yesu ne bangauzhi, ne kwitumanyika ne atweba. Bobabula kutokesha Lesa pa muchima, kabiji beabanya na bantu bonse.

2 Timoti 3:4

bakamfutumfutu, ba lupata lwakuuba bibi, belundumika, batemwa bya lusangajiko, ne kutemwa Lesa ne;

1 Petelo 1:11

Kasa bapalanguzha amba, ng'anyi kimye, nangwa kyo kimye kya byepi, kyoatongwele Mupashi wa Kilishitu wajinga mwi abo, byo ashimwijile jimo mambo a bya kumanama bya Kilishitu ne bya lukumo bikalondela panyuma.

1 Yoano 2:1

Anweba twana twami, nemunembela bino namba kechi mulenge mambo ne. Bino umvwe muntu walenga mambo, tuji na Nkwasho uji ne Taata, Yesu Kilishitu, waoloka.

Lumwekesho 19:10

Ponkapo naponene panshi ku maulu anji, namba namupopwele, bino aye wang'ambijile amba, “Kileke! Amiwa ne mukwenu wa mu mwingilo umo pamo na bakwenu balama bukamonyi bwa Yesu. Popwela Lesa!” Mambo bungauzhi bwa Lesa bwaimena pa kusolola bukamonyi bwa Yesu.

Lumwekesho 3:7

“Kabiji kwi aye malaika wa mu kipwilo kya Filadelifya unembe amba: “Aye wazhila wa kine, ye uji na kii wa Davida, aye umvwe washinkula kafwako wakonsha kushinka ne, kabiji umvwe washinka kafwako wakonsha kushinkula ne, wa amba bino amba.