Byubilo 7:25 - KNTP

²⁵ Ne aye walangulukile amba, balongo bami bayuka amba, Lesa ubena kwibapokolola na kuboko kwanji, bino abo kechi bayukile ne.

Byubilo 7:25 Iomraidhean Croise

Mako 9:32

Baana banji babwanga kechi bekyumvwine akya kyambo mo kyayijile ne, bino bachiine kumwipuzha.

Luka 18:34

Bino baana banji babwanga kechi bebikwatakenye nangwa kimo ne. Mambo kino kyambo kyafyamikile kwi abo, ne kwikiyuka akya kyaambilwe ne.

Luka 9:45

Pakuba kino kyambo kechi bekyumvwishishe ne. Kyafyamikile kwi abo, pakuba amba babule kwi kyumvwisha. Ne abo bajinga na moyo ku mwipuzha mo kyayila.

Byubilo 14:27

Kabiji byo bafikile, bakonkenye pamo kipwilo, bebabujile byonsetu byaubile Lesa, ne byo a shinkwijile Bangentila kibelo kya lwitabilo.

Byubilo 15:4

Byo bafikile ku Yelusalema, bebatambwijile ku kipwilo, ne ku batumwa, ne ku bakulumpe, ne kwibabula byonsetu byo ebobijile Lesa.

Byubilo 15:7

Kabiji byo beipwizhe javula, Petelo waimene ne kwibambila amba. “Anweba bakwetu, mwayuka amba mu moba atanshi aye Lesa wantongwele amiwa mwi anweba amba, Bangentila bomvwe na kanwa kami Mambo Awama, ne kwitabila.

Byubilo 21:19

Kabiji pa kupwisha kwibemuna, aye Paulo wibabujile bintu byonse byo aubile Lesa mu Bangentila na mingilo yanji.

Byubilo 7:24

Kabiji byo amwene umo mwina Ijipita kasa amumanyika mwina Isalela, wamupokolweleko, ne kumulwila awa ye bamanyikilenga ne kushinkanya nanji mwina Ijipita, ne kumwipaya.

Byubilo 7:26

Kabiji juba ja londejilepo aye wibataine babiji kasa batoboka, wasakile kwibapwanya bulongo amba, anweba bantu mwi balongo na balongo. Mambo ka kyo mubena kwiubila byatama anweba bene na bene?

Loma 15:18

Mambo amiwa kechi nkonshe kwamba bintu bikwabo ne, kana byonka byaingijilenga Kilishitu mwi amiwa mukuleeta lukookelo mu Bangentila, mu byambo ne mu byubilo,

1 Kolinda 15:10

Pakuba na bupe bwa Lesa, amiwa naikala byonji lelo, ne bupe bwanji bo ampele kechi bwaji bwatu ne, bino naingijilenga kwibakila bonse, byonkabyo kechi na bulume bwami ne, poso bupe bwa Lesa buji ne amiwa.

1 Kolinda 3:9

Mambo atweba twi ba mu mwingilo umo wa Lesa, anweba mwi bujimi bwa Lesa. Anweba mwi kishimikwa kya kwa Lesa.

2 kolinda 6:1

Kabiji byo twingila pamo ne Lesa, twimusashijila namba, kechi mutambule bupe bwa Lesa ke bwatu ne.

Kolose 1:29

Kyo kyo ng'ingijila kyakosa kasa na kolomokatu, monka mwayila kwingila kwa Kilishitu koengila mwi amiwa na bulume.