Byubilo 6:9 - KNTP

⁹ Kabiji kwaimene bamo bamu aya shinagoga yobatela amba, ya Baana ba bene (byobyo yatongwelwe), ne bamu ya bena Kilene, ne bamu ya bena Alekesandiliya, ne bamu ya bena Kilikya ne Asha, baimene ne kupachika na Setepena.

Byubilo 6:9 Iomraidhean Croise

Mateo 10:17

Kabiji jimukai na bantu, mambo bakemufikizha ku bije, ne kwimututaula mu mashinagoga.

Mateo 23:34

Byonkabyo talai, nemutumina bangauzhi bami ne bamaana, ne banembeshi, kabiji bamo mukebepaya ne kwibapopa pa misalabu, kabiji bakwabo mukebatutaula mu mashinagoga enu, ne kwibapanga mu mizhi yenu.

Mateo 27:32

Kabiji byo balupukile, bamwene muntu mwina Kilene, jizhina janji Shimona, ye bakanjikizhe amba, “Tuye ne obewa usende musalabu wanji,”

Mako 13:9

“Bino anweba ikalai bajimuka. Mambo bakemufikizha ku bije, ne mu mashinagoga, kabiji mukemana ku meso a bene bandamakyalo ne ku meso a bamfumu na mambo a amiwa, kikekala ke mwa kwibasapwila.

Luka 21:12

Kabiji bino byonse kasa bikyangye kufika bakemukwata, ne kwimupata, ne kwimufikizha mu mashinagoga ne mu tuleya, ne kwimuleeta ku meso a bamfumu ne bandamakyalo na mambo a jizhina jami.

Byubilo 11:20

Kabiji kwajinga bamo ba mwi abo, bena Kipilusa ne bena Kilene, abo pakufika ku Antioka, kebambe ne ku Bagiliki, kasa basapwila Mambo Awama a Nkambo Yesu.

Byubilo 13:1

Mu kipwilo kya ku Antioka mwajinga bangauzhi ne bafunjishi, ba Banabasa ne Shimeona (jikwabo amba Ufiita), ne Lukiusa mwina Kilene, ne Manena ye balelelenga pamo ne Heloda mfumu, ne Saulo.

Byubilo 13:45

Pakuba Bayudea pa kumona aa mabumba, baubile kichima, kabiji batatwile kwibilengulula bya ambilenga Paulo ne kumuba mwenga.

Byubilo 15:23

ne kwibatuma nayo ino nkalata amba; “Kufuma ku Batumwa ne bakulumpe balongo benu, ku balongo bamu Bangentila bamu Antioka wa mu Silya ne bamu Kilikya, mutende bonse.

Byubilo 15:41

Ne aye wapichile monse mu Silya ne mu Kilikya na kukosesha bipwilo.

Byubilo 16:6

Kabiji bapichile mu kyalo kya Filigya ne Ngalatiya, byo bebakainye ku Mupashi Wazhila kusapwila mambo mu kyalo kya Asha.

Byubilo 18:24

Pano umo mu Yudea jizhina janji Apolosa, wa ku Alekesandiliya, waishile ku Efisesa wajinga wafunda bingi, kabiji wajinga wa bulume mu binembelo, wayukile binembelo kya kine kine.

Byubilo 19:10

Kino kyaubilwenga byonkabyo myaka ibiji, onkao mambo bonse bajinga mu Asha ba umvwine mambo a Nkambo, ne Bayudea ne Bagiliki pamo.

Byubilo 19:26

Kabiji mwamona ne kumvwa amba, kechi muno mu Efisesa monkatu ne, nanchi ne pepi monse mu Asha, uno Paulo wibakanjikizha bantu bavula, ne kwibalulula amba ba lesa bo balenga ku maboko kechi ba lesa ne.

Byubilo 21:27

Kabiji aa moba atanu na abiji byo ajinga pepi na kupwa, Bayudea ba ku Asha, byo bamumwene mu nzubo ya Lesa, bavulumwine jibumba jonse, ne kumukwata.

Byubilo 21:39

Kumvwa aye Paulo wamwambijile amba, “Amiwa ne mu Yudea, mwina Talasusa wa mu Kilikya, kechi muzhi wabula kunema ne. Nemusashijila namba bandeke, ng'ambe ku bantu.”

Byubilo 22:19

Ne amiwa namba, Nkambo, abo bene bayuka byo nebatayanga mu kaleya, ne kwibapuma mu mashinagoga bonse bemwitabijilenga anweba.

Byubilo 22:3

“Amiwa ne mu Yudea, nasemenwe mu Talasusa mu Kilikya, kabiji nakomejile mu ye uno muzhi, ku maulu a Ngamaliela. Nafunjishiwe monka mwayilatu musango wa Mizhilo ya bashakulu betu, kasa naikala na muchima wauba lupata mu bya Lesa, pamo byonka byo muji anweba leelo.

Byubilo 23:34

Byo apwishishe kutanga nkalata, waipwizhe ku kyalo koafumine. Kabiji byo a umvwine amba, ye mwina Kilikya,

Byubilo 24:18

Byo naubilenga bino pobantaine mu nzubo ya Lesa kasa nezhijika. Kechi kwajinga jibumba ne, nangwa kiwowo ne.

Byubilo 26:11

Ne ba kabishishenga javula mu mashinagoga onse kasa ngeseka kwibakanjikizha ku kana lwitabilo lwabo. Ne bazhingijilenga bingi, mambo a kwibapata ne balondaizhenga ne ku mizhi ya mu byalo bingi.”

Byubilo 6:10

Bino abo kechi bakonsheshe kushinda aa maana ne aye Mupashi ye a ambijilengamo ne.

1 Kolinda 1:20

Nanchi wa maana uji pi? Munembeshi naye uji pi? Wayukisha kwamba pa bya pano pantanda naye uji pi? Aye Lesa kechi wialula maana a pano pantanda ke bumbulwa maana nenyi?

Ngalatiya 1:21

Kabiji naishile mu byalo bya Silya ne Kilikya,