Byubilo 6:5 - KNTP

⁵ Ne akya kyo ba ambile kibatokeshe ku michima bonse bamu jibumba, kabiji basajile Setepena, muntu wayujile lwitabilo ne Mupashi Wazhila, ne Filipa, ne Polokolusa, ne Nikanola, ne Timona, ne Palamenasa, ne Nikolasa, ye wialwile ke mu Yudea, mwina Antioka.

Byubilo 6:5 Iomraidhean Croise

Mateo 23:15

“Malwa enu, anweba banembeshi ne Bafaliseo, ba kamfutumfutu! Mambo mupitang'ana ponse pa mema ne pa ntanda amba twalule umo, kabiji pa kumwalulula mwamulenga ke mwana wa Ngehena, wimukijisha ne anweba bene.”

Byubilo 11:19

Kabiji abo bapalang'ene na mambo a bya malwa byabuukile pe Setepena bayile bakafikile ne ku Finesha, ne ku Kipilusa, ne ku Antioka, ne kwamba mambo ku bangi nangwa umo ne, kana ku Bayudea bonka.

Byubilo 11:20

Kabiji kwajinga bamo ba mwi abo, bena Kipilusa ne bena Kilene, abo pakufika ku Antioka, kebambe ne ku Bagiliki, kasa basapwila Mambo Awama a Nkambo Yesu.

Byubilo 11:22

Kabiji nkuwa yabo yaumvwanyikile ne mu matwi a kipwilo kya mu Yelusalema, kabiji bamutumineko Banabasa amba akafike ku Antioka.

Byubilo 11:24

Mambo aye wajinga muntu wawama, wayujilwe na Mupashi Wazhila ne na lwitabilo, ne bantu bavula banungilweko kwi Nkambo.

Byubilo 11:26

Ne byo a mutaine wamuletele ku Antioka, byonkabyo mwaka umo mutuntulu bapwijilenga pamo na kipwilo ne kufunjisha bantu bavula. Kabiji baana babwanga mu Antioka momo batelelwe patanshi amba bena Kilishitu.

Byubilo 11:27

Kabiji mu onka a moba mu Antioka mwaishile bangauzhi bafumine ku Yelusalema.

Byubilo 13:1

Mu kipwilo kya ku Antioka mwajinga bangauzhi ne bafunjishi, ba Banabasa ne Shimeona (jikwabo amba Ufiita), ne Lukiusa mwina Kilene, ne Manena ye balelelenga pamo ne Heloda mfumu, ne Saulo.

Byubilo 15:22

Ponkapo kyamwekele kuwama ku batumwa ne bakulumpe, ne kipwilo kyonse, kya kusala banabalume bamo kufuma mukachi kabo, ne kwibatuma ku Antioka kuya pamo ne ba Paulo ne Banabasa. Batumine Yudasa, jikwabo Basabasa ne Silasa, bakulumpe ba mu balongo,

Byubilo 2:4

Ne abo bonse bayujile na Mupashi Wazhila kabiji batatwile kwamba mu njimi ingi, monka mo ebapelejile byambo Mupashi.

Byubilo 21:8

Byo bwakiile lukeelo twafumineko ne kufika ku Kesalea. Kabiji twatwelele mu nzubo ya kwa Filipa musapwishi wa Mambo Awama, ye umo wa boba batanu na babiji, ne kwikala twaikele nanji.

Byubilo 22:20

Kabiji byo baichijile mashi a kwa Setepena, kamonyi wenu, amiwa najinga ponka ne kwitabizha, nalamine ne bivwalo bya bamwipayile.

Byubilo 6:10

Bino abo kechi bakonsheshe kushinda aa maana ne aye Mupashi ye a ambijilengamo ne.

Byubilo 6:3

Onkao mambo anweba bakwetu, monaimo mwi anweba banabalume batanu ne babiji, batelwa bulongo ku bonse, bayula na Mupashi ne maana, twibatongwele uno mwingilo.

Byubilo 6:8

Ne aye Setepena, wayujile bupe ne bulume, waubilenga bya kukumya ne biyukilo bikatampe mu bantu.

Byubilo 7:1

Ponkapo aye ng'anga mukatampe wa ambile amba, “Bino byoibyo nyi?”

Lumwekesho 2:15

Kabiji uji na bamo nabo baalama lufunjisho lwa ba Nikolaita.

Lumwekesho 2:6

Pakuba kino uji naakyo, kyo washikwa mingilo ya ba Nikolaita, yo nashikwa ne amiwa;