Byubilo 6:3 - KNTP

³ Onkao mambo anweba bakwetu, monaimo mwi anweba banabalume batanu ne babiji, batelwa bulongo ku bonse, bayula na Mupashi ne maana, twibatongwele uno mwingilo.

Byubilo 6:3 Iomraidhean Croise

Mateo 23:8

Kabiji anweba kechi mutelwe amba ‘Laabi’ ne, mambo mufunjishi wenu umotu, ne anweba bonse mwi balongo na balongo.

Yoano 21:23

Ponkapo ano mambo akumbene mu balongo babo amba, awa mwana wabwanga kechi ukafwa ne, bino Yesu kechi wamwambijile amba, kechi akafwe ne, wa ambile amba, “Inge nasaka namba, ekale poso nkeye, nanchi o mambo enu nyi?”

Byubilo 1:15

Mu oa moba Petelo waimene mukachi ka balongo banji, kwajinga jibumba ja bantu bapwijile pamo, bafikile kampe kitoota kimo ne makumi abiji, ne kwamba amba.

Byubilo 1:21

“Onkao mambo mu bano banabalume botwaendelenga naabo moba onse o twakijinga ne Nkambo Yesu,

Byubilo 10:22

Kumvwa abo ba mwambijile amba, Koneleusa, mukulumpe wa bashilikale, muntu waoloka, wa akamwa Lesa, watelwa bulongo ku mukoka yense wa Bayudea, ba mwambijile kwi malaika wazhila wa Lesa, kwimulonda anweba ne kwimutwala ku nzubo yanji, amba omvwe byambo kwi anweba.

Byubilo 15:23

ne kwibatuma nayo ino nkalata amba; “Kufuma ku Batumwa ne bakulumpe balongo benu, ku balongo bamu Bangentila bamu Antioka wa mu Silya ne bamu Kilikya, mutende bonse.

Byubilo 16:2

Uno watelelwe bulongo ku balongo bajinga mu Lisitila ne ku Ikonyuma.

Byubilo 2:4

Ne abo bonse bayujile na Mupashi Wazhila kabiji batatwile kwamba mu njimi ingi, monka mo ebapelejile byambo Mupashi.

Byubilo 22:12

“Kabiji muntu umo wa jizhina ja Ananyasa, watekanya mwayila Mizhilo, watelelwe bulongo ku Bayudea bonse baikajile momwa.

Byubilo 28:14

Koko twataine balongo, betusashijile amba, twikale naabo moba atanu na abiji. Kabiji byonkabyo twafikile ne ku Loma.

Byubilo 6:2

Ponkapo abo ba jikumi na babiji baichile pamo jibumba ja baana babwanga kobaji, ne kwibambila amba, “Kechi kyafwainwa atweba kuleka kusapwila mambo a Lesa ne kwingila mwingilo wa ku matebulu ne.

Byubilo 6:5

Ne akya kyo ba ambile kibatokeshe ku michima bonse bamu jibumba, kabiji basajile Setepena, muntu wayujile lwitabilo ne Mupashi Wazhila, ne Filipa, ne Polokolusa, ne Nikanola, ne Timona, ne Palamenasa, ne Nikolasa, ye wialwile ke mu Yudea, mwina Antioka.

Byubilo 6:6

Bano bebaleetele ku meso a batumwa, kabiji abo bebalombejile, ne kwibatenteka maboko abo.

Byubilo 9:30

Kabiji balongo pa kwikiyuka, bamutwajile ku Kesalea, ne kumwimanya amba, ayenga ku Talasusa.

1 Kolinda 12:8

Mambo umo bamupa byambo bya milangwe kwi aye Mupashi, kabiji yenka Mupashi umo wapana maana ku muntu mukwabo.

1 Kolinda 16:3

Kabiji byo nkafika, bonka bo mukatongola bo bo nkatuma na makalata a kwibalumbulula kutwala bya bupe byenu ku Yelusalema.

Efisesa 5:18

Kabiji kechi mupendwe binyu ne, mo muji bono, kana muyulwe na Mupashi.

1 Timoti 5:10

watumbalala na mingilo yawama, umvwe walelelenga baana banji bulongo, kabiji watambwilanga benyi, waovwelenga maulu a bazhijikwa, wakwashanga bamwenenga bya malwa, wipaine mu kwingila mingilo yonse yawama.

Yakoba 1:17

Bya bupe byonse byawama ne bya bupe byonse byalumbuluka bifuma mwiulu; kasa biikila panshi kufuma kwi Taata wa byeya, ye ubula kwaluka nangwa kuuba kimvule pa kwaluluka.

3 Yoano 1:12

Bonse bantu bamushimuna bulongo Demeteliusa, bukine bwine bumushimuna nabo. Ne atweba tumushimuna pamo, ne anweba mwayuka amba kushimuna kwetu ko kwa kine.