Byubilo 6:1 - KNTP

¹ Mu oa moba, baana babwanga byo bayilenga na kuvula, Bahelena banyinyichilenga Bayudea mambo banabakazhi babo bafwilwa bebalubilengako kwibapa bukwasho bwa pa juba pa juba.

Byubilo 6:1 Iomraidhean Croise

Mateo 23:13

“Pano malwa enu, anweba banembeshi ne Bafaliseo, ba kamfutumfutu! Mambo mwibashinkila bantu ku bufumu bwa mwiulu, mambo kechi mutwela anweba bene ne, nangwa kwibaleka basaka kutwela amba batwele ne.”

Byubilo 11:20

Kabiji kwajinga bamo ba mwi abo, bena Kipilusa ne bena Kilene, abo pakufika ku Antioka, kebambe ne ku Bagiliki, kasa basapwila Mambo Awama a Nkambo Yesu.

Byubilo 11:26

Ne byo a mutaine wamuletele ku Antioka, byonkabyo mwaka umo mutuntulu bapwijilenga pamo na kipwilo ne kufunjisha bantu bavula. Kabiji baana babwanga mu Antioka momo batelelwe patanshi amba bena Kilishitu.

Byubilo 11:29

Byonkabyo baana babwanga bapwishishe mu michima yabo amba bonse pa muntu pa muntu, monka mo akonshesha kuuba muntu, tutume bya bupe bya kwibakwasha bakwetu bekala mu Yudea.

Byubilo 2:41

Byonkabyo abo batambwile mambo anji ba batizhilwe, kabiji mu jonkaja juba bantu babikilweko kwi abo kampe biumbi bisatu.

Byubilo 2:45

Kabiji bapoteshenga ne mishiji yabo ne bikwabo byo bajinga naabyo, ke baabile ne ku bonse bakajilwe,

Byubilo 2:47

kasa batota Lesa, ne kutalwa bulongo ku bonse. Kabiji ne aye Nkambo wabikilengapo kwi abo pa juba pa juba aba bapulukilenga.

Byubilo 4:35

ne kwiatula ku maulu a batumwa, ne kwiabanya ku bonse monka mwayijile kukajilwa kwabo.

Byubilo 4:4

Pakuba bavula ba umvwine lusapwilo baitabijile; ne pa kwibabala banabalume bafikile kampe ke biumbi bitanu.

Byubilo 5:14

Ne mabumba a baitabijile banabalume ne banabakazhi a nungilwengako kwi Nkambo.

Byubilo 5:28

“Atweba twimukambiizhe bingi, namba kechi mufunjishenga mu jino jizhina ne. Ke ibyo nyi? Kabiji anweba mwakumbanya Yelusalema na mafunjisho enu, ne kusaka mwasaka kwitushinkamika mashi a ye uno muntu.”

Byubilo 6:2

Ponkapo abo ba jikumi na babiji baichile pamo jibumba ja baana babwanga kobaji, ne kwibambila amba, “Kechi kyafwainwa atweba kuleka kusapwila mambo a Lesa ne kwingila mwingilo wa ku matebulu ne.

Byubilo 6:7

Kabiji mambo a Lesa ananukilenga, ne baana babwanga bayilenga na kuvujilako bingi mu Yelusalema, kabiji ne jibumba jikatampe ja bang'anga jakookejile lwitabilo.

Byubilo 9:29

Kabiji aye wa ambilenga ne kupachika naabo Bahelena. Pakuba abo basakilenga kumwipaya.

Byubilo 9:39

Ponkapo Petelo waimene, kaye ne naabo. Pakufikako bamutwajile mu nzubo ya peulu. Ne bonse banabakazhi bafwilwa baimene ko ajinga kasa bajila, ne kumumwesha mikangyo ne bivwalo bikwabo byo asonene Dokasi, byo akijinga naabo.

Byubilo 9:41

Ponkapo Petelo wamutambikile kuboko, wamwimenye; ne kwita waichile bazhijikwa ne banabakazhi bafwilwa, wibapeleye ke mumi.

Loma 12:7

nangwa mwingilo wa bukwasho, tuteshe muchima monka mu mwingilo wetu; aye ufunjisha naye ateshe muchima monka mu kufunjisha kwanji;

1 Kolinda 10:10

Nangwa kumunyinyita byo bamunyinyichile abo bamo ne, abo baonaikile kwi aye monaushi.

2 kolinda 11:22

Umvwe bo ba Hebelu, ne amiwa pamo. Umvwe bo bena Isalela, ne amiwa pamo. Umvwe bo ba nkunwa ya Abulahama, ne amiwa pamo.

Filipai 3:5

Natwezhiwe mu mukanda mu juba jabutanu na busatu, kabiji ne wa mu kikota kya Isalela, ne wa mu mukoka wa Benjamina, ne mu Hebelu wa ba Hebelu. Mwayila Mizhilo, amiwa ne Mufaliseo,

1 Timoti 5:3

Nemeka banabakazhi bafwilwa, abo kine baabula wa kwibakwasha.

1 Timoti 5:9

Kechi uleke mwanamukazhi wafwilwa anembwe jizhina kasa akyangye kufikizha myaka yanji ya kusemwa makumi atanu na jimo ne, kabiji wafwainwa kwikala mwanamukazhi wasongwelwetu ku mwanamulume umo,

Bahebelu 13:1

Butemwe bwa kutemwa balongo bwikale kikupu.

Yakoba 1:27

Bwina Lesa bwa kine ne bwabula bubi ku meso a Lesa Taata wetu bo bo buno, bwa kupempula baana bakishale ne banabakazhi bafwilwa mu malwa abo, ne kwilama obewa mwine ku biko bya pano pantanda.

Yakoba 4:5

Nanchi mwalanguluka amba, binembelo byaamba kyatu nyi? Byo byaamba amba, “Aye witusakisha atweba na butemwe kaube ne kichima na mambo a Mupashi yeaikazha mwi atweba.”

Yakoba 5:9

Anweba bakwetu, kwinyinyita anweba bene na bene ne, kuchiina amba mwakazhatwa; talai, nchiba mambo waimana kala pa kibelo.