Byubilo 5:3 - KNTP

³ Ponkapo Petelo wamwambijile amba, “Ananyasa, mambo ka Satana ayuzhizha muchima obe amba ubepe Mupashi Wazhila, ne kufyapo mali amo o wapotesha mushiji wobe?

Byubilo 5:3 Iomraidhean Croise

Mateo 13:19

Umvwe muntu waumvwa mambo a bufumu, ne kwiakwatakanya ne, ponkapo awa mubi waiya, ne kumusompolao akushiwa mu muchima wanji, uno ye yewa wakushiwa nkunwa ya mu jishinda.

Luka 22:3

Ponkapo Satana watwelele mwi Yudasa yebatela amba Isakaliota umo wabajilwe mu ba jikumi na babiji.

Yoano 13:2

Byo bajilenga kijiilo kya mulajilo, Diabola kasa ekibika kala mu muchima wa kwa Yudasa Isakaliota, mwana Shimona, kya kumusolola.

Yoano 13:27

Panyuma ya kutambula kitolo ponkapo ne Satana wamutwelele. Ne Yesu wamwambijile amba, “Akya kyo musaka kuba, kyubai bukiji!”

Byubilo 5:2

Wafumishepo mali amo ne kwiafya byo apoteshe, ne mukazhanji naye kasa ayuka, bino mali amo wialetele ne kwiatula ku maulu a batumwa.

Byubilo 5:4

Kasa ukyangye kumupotesha, kechi wajinga wobe nenyi? Ne byo wapoteshe, kechi wajinga na luusa lwakuuba na mali obe monka mo usakila nenyi? Mambo ka owabikila kino kintu mu muchima wobe? Kechi wabepa bantu ne, wabepa Lesa.”

Byubilo 5:9

Byonkabyo Petelo wamwambijile amba, “Mwaumvwang'ena ka pamo ku mweseka Mupashi wa Nkambo? Tala, maulu a baji kuya nakazhiika mwata obe aji pa kibelo, bo basakukutwala ne obewa.”

Yakoba 4:7

Byonkabyo nekenenai Lesa. Pakuba Diabola, mukanyai ne aye ukemunyema.

1 Petelo 5:8

Tekanyai, mulabenga ne kukenkenta, mulwanyi wenu Diabola nobe bokwe ubuluma, upitang'ana na kusaka wa kuja.