Byubilo 5:12 - KNTP

¹² Pano biyukilo ne bya kukumya byavula byaubiwe ku maboko a batumwa mu bantu. Kabiji bonse baikele na muchima umo mu bukonde bwa Solomone.

Byubilo 5:12 Iomraidhean Croise

Mako 16:20

Baana babwanga bayile na kusapwila konse konse, ne Nkambo waingijilenga naabo mukufikizha ne kwikajika aa mambo na biyukilo bya londankene na byambo byabo.

Yoano 10:23

Ne aye Yesu wapitang'enenga mu nzubo ya Lesa mu bukonde bwa Solomone.

Yoano 4:48

Ne Yesu wamwambijile amba, “Anweba kechi mwitabila ne kanatu mwamona biyukilo ne bya kukumya.”

Byubilo 1:14

Abano bonse bakoseletu na muchima umo mu milombelo pamo na banabakazhi, ne Maliya inanja Yesu, ne balongo banji.

Byubilo 14:3

Onkao mambo batumwa baikajileko kimye kyabaya, kasa bambatu mambo a Nkambo na kuchinchika, ne aye Nkambo wamwesheshe bukamonyi ku byambo bya bupe bwanji amba bya kine pa kwibapa bulume bwa kwingila biyukilo ne bya kukumya.

Byubilo 16:18

Kabiji kino wikyubile moba avula. Pakuba Paulo byo kyamukokeeshe ne kumufichisha ku muchima, waalulukile ne kumwambila mupashi amba, “Na kukambizha mu jizhina ja Yesu Kilishitu fumamo mwi aye!” Ponkapotu wafuminemo.

Byubilo 19:11

Lesa naye waubilenga mingilo ya bulume ya kukumya kupichila mwi Paulo.

Byubilo 2:46

Kabiji pa juba pa juba, bakelelwenga na muchima umo mu nzubo ya Lesa, kasa batebula shinkwa ku mazubo kwabo, ne kuja kajo kabo na lusekelo ne na muchima umo,

Byubilo 28:9

Kabiji kino byo kyaubilwe, ne bonse bakwabo bajinga na bikola mu jikuji, baishilenga na kubukwa.

Byubilo 3:11

Ne aye byo ebakakachile ba Petelo ne Yoano, bantu bonse bebanyemejile mu bukonde bo batelele amba, bwa Solomone, kasa bakumya bingi.

Byubilo 4:30

Mutanyike kuboko kwenu ne kwibabuka bantu, kabiji ne biyukilo ne bya kukumya byubiwe mu jizhina ja wamwingilo wenu wazhila Yesu.”

Byubilo 9:33

Wataineko muntu, jizhina janji Eneasa, walajilenga pa mwanya wanji myaka itanu na isatu, wabelelenga kalepu.

Byubilo 9:40

Ne aye Petelo wibalupwilemo bonse, ne pa kufukama panshi walombele; kabiji waalukijile ku mufu, ne kumwambila amba, “Tabita, buka!” Ponkapo walabile; ne pa kumona Petelo, wabuukile ne kwikala.

Loma 15:19

monka mu bulume bwa biyukilo, ne bwa bya kukumya, ne mubulume bwa Mupashi wa Lesa amba, byonkabyo kufuma ku Yelusalema, ne mumande azhokolokako, kukafika kwine ne ku Ililikuma, nasapwilako Mambo Awama a Kilishitu.

2 kolinda 12:12

Kine biyukilo bya mutumwa byaubilwe mwenu mu butekanye bonse, na biyukilo ne na bya kukumya ne na mingilo ya bulume.

Bahebelu 2:4

Lesa naye kasa ashimuna naabo na biyukilo ne bya kukumya ne bya bulume bya misango ne misango ne kupana bya bupe bya Mupashi wa Wazhila monka mwayila kyaswa muchima wanji mwine.