Byubilo 5:11 - KNTP

¹¹ Ne moyo mukatampe wakwachile kipwilo kyonse ne bonse bebyumvwine bino bintu.

Byubilo 5:11 Iomraidhean Croise

Byubilo 19:17

Ne bino byayukanyikilwe ku bonse, ne ku Bayudea ne ku Bagiliki baikajilenga mu Efisesa. Kabiji moyo wibakwachile bonse, ne jizhina ja Nkambo Yesu jatumbalele.

Byubilo 2:43

Ponkapo ne moyo wibakwachile bantu bonse, ne byavula bya kukumya ne biyukilo byaubilwe kupichila mu batumwa.

Byubilo 5:5

Ponkapo Ananyasa pakumvwa byobyo byambo waponene panshi ne kufwa, ne moyo mukatampe wibakwachile bonsetu bekyumvwine.

Byubilo 9:31

Kabiji byonkabyo kipwilo kya monse mu Yudea ne mu Ngalilea ne mu Samaliya kyamwene mutende, ne kukoma kyakomene, ne kwenda na kwakamwa Nkambo, ne mu bukwasho bwa Mupashi Wazhila, kasa kiya na kubaya.

Filipai 2:12

Byonkabyo, anweba batemwe bami, byonka byo mwankookejilenga moba onse, ne pano munkookele byonji kungi, twajijilai kwingila na moyo ne kuzakama mulumbulule lupulukilo lwenu,

Bahebelu 11:7

Ko ku lwitabilo Nowa, byo bamujimwine kwi Lesa na mambo a bintu kasa bikyangye kumweka, pa kwakamwa Lesa, walengejile jimo bwato bwa kupulukilamo ba mukisemi kyanji ne aye mwine. Mo mo bazhachishiwe ba pano pantanda, ne Nowa waikele ke nswanyi wa bololoke bwa mu lwitabilo.

Bahebelu 12:15

Jimukai kuchiina amba, nangwa umo wakabwela mu nyuma ne kufuma ku bupe bwa Lesa. Amba muzhazhi wa bululu wakeya kusapuka ne kwimukatazha ne bavula bakatamishiwa.

Bahebelu 12:28

Onkao mambo twikale ba kusanta byo twatambula bufumu bubula kutenkena, namba tumwingijile Lesa mingilo ya bupopweshi bwaitabilwa, na kumunemeka ne na kumwakamwa;

Bahebelu 4:1

Onkao mambo, byo tukiji na mulaye wakutwela mwanji mwakukokolokela, nanchi tube moyo kuchiina amba nangwa umo wakakankalwa kufikamo.

1 Petelo 1:17

Kabiji umvwe mumwita aye amba Taata, yenkaye ukebachibila mambo bonse monka mwayila mingilo yabo kwakubula kutala ku kilungi kya muntu ne, ikalai na kwakamwa mu bimye byo mwa kikala bwenyi pano pantanda.

Lumwekesho 15:4

Nkambo, ng'anyi ukabula kwakamwa ne kutumbijika jizhina jenu? Mambo anweba yenu yenka Wazhila! Mambo mikoka yonse ya bantu ikeya na kupopwela ku meso enu, mambo byubilo byenu byaoloka byamweka.”