Byubilo 4:7 - KNTP

⁷ Kabiji byo bebabikile mukachi, be bepwizhe amba, “Nanchi mu ng'anyi bulume nangwa mu ng'anyi jizhina mo mwaubila kino?”

Byubilo 4:7 Iomraidhean Croise

Mateo 21:23

Kabiji byo atwelele mu nzubo ya Lesa, bang'anga bakatampe ne bakulumpe ba bantu baishile ko aji ne kumwipuzha amba, “Ng'anyi luusa mo ubena kuubila bino bintu? Kabiji ng'anyi wakupa luno luusa?”

Mako 11:28

ne kumwipuzha amba, “Na ng'anyi luusa mo ubena kuubila bino bintu, kabiji ng'anyi wakupa luno luusa lwakuuba bino?”

Yoano 2:18

Kepo Bayudea ba mwambijile amba, “Lelo ng'anyi kiyukilo kyo mwitumwesha, byo mwibyuba bino?”

Yoano 8:3

Banembeshi ne bafaliseo baletele mwanamukazhi ye bakwachile na bukende, ne kumwimika mukachi ka jibumba.

Yoano 8:9

Ne abo, byo baumvwine byo byo, batatwijile ku mukulumpe, kasa balupuka umo umo kufikizha ne ku wapeleleko. Ne Yesu washajile bunke bwanji, ne mwanamukazhi kasa aimana mukachi.

Byubilo 4:10

yukai anweba bonse, ne ku bonse bena Isalela amba, uno muntu waimana ku meso enu ke mutuntulu mu jizhina ja Yesu Kilishitu mwina Nazala, ye mwaipayile pa musalabu anweba, ye asangwile Lesa mu bafu.”

Byubilo 4:6

Ne Anasa ng'anga mukatampe ne Kaifasa, ne Yoano, ne Alekesanda, ne bonse mobavujila balongo bang'anga mukatampe.

Byubilo 4:8

Ponkapo Petelo, wayujile na Mupashi Wazhila, ne kwibambila amba, “Anweba bandamakyalo mulama bantu, ne bakulumpe,

Byubilo 5:40

Kabiji ne abo bamumvwine. Kabiji byo bebechile batumwa, bebapumine ne kwibakambizha amba, Kechi mukambe mu jizhina ja Yesu ne, ne kwibaleka bebalekele ke baye.