Byubilo 4:34 - KNTP

³⁴ Mwi abo kechi mwajinga nangwa umo wakajilwe ne. Mambo bonse bajinga na mishiji nangwa na mazubo bebipoteshenga, kabiji baletelenga mali o bamwenejilemo,

Byubilo 4:34 Iomraidhean Croise

Mateo 19:21

Yesu wamwambijile amba, “Umvwe musaka kulumbuluka, kapoteshai byonse byo muji naabyo, ne kupana ku balanda, kabiji mukekala na nsabo mwiulu, kabiji bino mwiye mundondele.”

Mako 10:21

Ne Yesu pa kumutala wamutemenwe, ne ku mwambila amba, “Kuji kintu kimo kyo mwabulwa. Yainga mukapoteshe byonse byo muji naabyo, ne kupana ku balanda, kabiji mukekala na nsabo mwiulu, bino mwiye mundondele.”

Luka 12:33

Kapoteshai byo muji naabyo, ne kupana ku balanda. Imwenai bafukuta babula kufwa, ne nsabo ya mwiulu ibula kupwa, mo mu bula kufika ngivi, nangwa kilongolo kechi kyonauna ne.

Luka 16:9

“Kabiji nemwambila namba, lengai balunda na nsabo yabula koloka, namba byo ikapwa bakemutambwile mwa kwikala myaka.

Luka 22:35

Kabiji aye wibambijile amba, “Byo nemutumine ne kikwama ne, nangwa fukuta ne, nangwa makwabilo ne, mwakajilwe kintu nyi?” Kumvwa abo amba, “Ine.”

Byubilo 2:45

Kabiji bapoteshenga ne mishiji yabo ne bikwabo byo bajinga naabyo, ke baabile ne ku bonse bakajilwe,

Byubilo 4:37

wajinga na bujimi bwanji bo apoteshe, ne mali wialetele ne kwiatula ku maulu a batumwa.

2 kolinda 8:14

poso mwesakane namba, byenu byavula bya mu ano moba bikale ke byabo mu kukajilwa kwabo amba, byabo byavula nabyo bikekale ke byenu mu kukajilwa kwenu, namba mwesakane.

Tesalonika 4:12

Namba mwikale na bwikalo bwa kubula kukajilwa kintu ne, kabiji babula kwitabila bakemupa mushingi.

1 Timoti 6:19

Ne kwitujila jimo kitendekesho kyawama kya bunonshi kya mu myaka ikeya, namba bakwachishe ku, bonkabwa bumi bwa kine.

Yakoba 1:27

Bwina Lesa bwa kine ne bwabula bubi ku meso a Lesa Taata wetu bo bo buno, bwa kupempula baana bakishale ne banabakazhi bafwilwa mu malwa abo, ne kwilama obewa mwine ku biko bya pano pantanda.