Byubilo 4:13 - KNTP

¹³ Bino byo bamwene Petelo ne Yoano kasa bachinchika, ne kuyuka amba bajinga bantutu babula kufunda, bakuminye bingi. Kaiji bayukile amba, bajinga ne Yesu.

Byubilo 4:13 Iomraidhean Croise

Mateo 11:25

Pa kyonkakya kimye Yesu wa ambile amba, “Nemutota anweba Taata, Nkambo wa mwiulu ne wa pano panshi, mambo mwibifiile bino bintu ku bamaana ne ku bamilangwe, ne kwibisolola ku baana ba bacheche.

Mateo 26:71

Kabiji byo alupukile pa kibelo, kamwale mukwabo wamumwene, wibambijile bajinga ponka amba, “Uno naye wajinga na Yesu mwina Nazala.”

Mateo 26:73

Pakupitapo kimye kicheche aba baimene ponka baishile ne kumwambila Petelo amba, “Kine anweba mwi wa kwaabo, mambo mulaka wenu wimusolwesha.”

Luka 22:8

Onkao mambo Yesu watumine Petelo ne Yoano amba, “Yainga muketunengezhezhe kijiilo kya Lupitailo tukaje.”

Yoano 19:26

Yesu pa kumona inanji, ne yewa mwana wabwanga ye atemenwe, kasa baimana konka, wa ambijile inanji amba, “Mama, talai mwanenu!”

Yoano 7:15

Kepo Bayudea bakuminye amba, “Nanchi uno wayuka byepi mabuku, kasa abujile kwiafunda?”

Yoano 7:49

Jino jibumba jabula kuyuka mizhilo jafingwa!”

Byubilo 4:14

Ne byo bamwene muntu ye babukile kasa aimana naabo, kechi bajinga na mwakwikyambila ne.

Byubilo 4:19

Bino ba Petelo ne Yoano bebakumbwile amba, “Pwishai kana kyawama ku meso a Lesa kwi mukookela anweba kukila kumukookela Lesa nyi?

Byubilo 4:29

Ne pano Nkambo, talai abo byo bapinga bipingo, kabiji mwibape bakalume benu kwamba mambo enu na kuchinchika.

Byubilo 4:31

Ponkapo byo balombele, ne momwa mobapwijile mwasunkene, ne bonse bayujile na Mupashi Wazhila, ke bambetu mambo a Lesa na kuchinchika.

Byubilo 9:27

Pakuba Banabasa wamushikwile ne kumuleeta ku batumwa ne kwibabula moamumwekejile Nkambo mu jishinda, ne Nkambo byoesambile nanji, ne byoasapwijilenga mu jizhina ja Yesu na kuchinchika mu Damasakasa.

Byubilo 9:28

Byonkabyo aye waikajilenga naabo kasa atwela ne kulupuka mu Yelusalema, kasa asapwilatu mu jizhina ja Nkambo na kuchinchika.

1 Kolinda 1:27

Pakuba Lesa wasalulwile abya byamwekana pano pantanda amba, byabulwa maana, amba ebalengeshe bumvu abo bamaana, kabiji Lesa wasalulwile byanekena bya pano pantanda amba, ebilengeshe bumvu byakosa.

1 Kolinda 14:25

ne byafyamika bya mu muchima wanji bikasololwa, ne aye ukafukama panshi na kumulambila ne kumupopwela Lesa, kabiji ukamba amba, “Kine Lesa uji mukachi kenu.”

2 kolinda 3:12

Onkao mambo, pa kwikala na luketekelo lwa byonkabyo, twachinchika bingi.