Byubilo 3:6 - KNTP

⁶ Pakuba Petelo wa ambile amba, “Siliva ne a ngolode kechi nji nabyo ne, pakuba kyonji naakyo, nsakwimupa. Mu jizhina ja Yesu Kilishitu mwina Nazala, imanai mwende.”

Byubilo 3:6 Iomraidhean Croise

Mateo 10:9

Kechi mwikebele mali nangwa a ngolode, nangwa a siliva, nangwa a mukuba a mu bikwama byenu ne;

Mateo 7:22

Mu joja juba bavula bakang'ambila amba, Nkambo! Nkambo! Kechi twa awilenga na mupashi mu jizhina jenu nenyi? Ne mu jizhina jenu kechi twapangijilengamo bademona nenyi? Kabiji kechi twaubijilengamo mingilo ya bulume yavula mu jizhina jenu nenyi?

Mako 14:8

Aye wauba kyo akonsha kuuba, wanshingila jimo manyi mubiji wami mambo a kunengezhezha jimo kwa kuzhiikwa kwami.

Mako 16:17

Ne bino biyukilo bikebalondelanga baitabila. Mu jizhina jami bakapangilangamo bademona, bakambanga na njimi ingi,

Yoano 19:19

Pilato wanembele kiyukilo ne kwikibika pa musalabu. Kyanembelwe amba, “YESU MWINA NAZALA, MFUMU WA BAYUDEA.”

Byubilo 10:38

a Yesu mwina Nazala, byo bamushingile manyi kwi Lesa na Mupashi Wazhila ne na bulume. Ye wapitang'enenga na kwingila byawama, ne kubuka bonse bo bamanyikilenga kwi Diabola, mambo Lesa wajinga nanji.

Byubilo 16:18

Kabiji kino wikyubile moba avula. Pakuba Paulo byo kyamukokeeshe ne kumufichisha ku muchima, waalulukile ne kumwambila mupashi amba, “Na kukambizha mu jizhina ja Yesu Kilishitu fumamo mwi aye!” Ponkapotu wafuminemo.

Byubilo 2:22

“Anweba bena Isalela, umvwai bino byambo! Yesu mwina Nazala, muntu waitabilwe kwi Lesa ku meso enu mu mingilo ya bulume ne mu bya kukumya ne mu biyukilo, byo aubile Lesa mwi aye mukachi kenu, monka mo mwayukila ne anweba bene;

Byubilo 2:36

“Onkao mambo bonse ba munzubo ya Isalela bayukishetu amba, Lesa wamupa bu Nkambo ne bu Kilishitu, yenka uno Yesu ye mwaipayile pa musalabu.”

Byubilo 3:16

Kabiji mu lwitabilo lwa mu jizhina janji, uno muntu yemwamona, ne alwa lwitabilo luji mwi aye, lo lwamupa buno butuntulu ku meso enu anweba bonse.”

Byubilo 3:5

Ne aye wateeleko muchima kwi abo, na luketekelo lwa kutambula kintu kufuma kwi abo.

Byubilo 3:7

Ne aye wamukwachile pa kuboko kwa kilujo, ne kumwimanya; ponkapo maulu anji ne tupokoso twanji byakosele.

Byubilo 4:10

yukai anweba bonse, ne ku bonse bena Isalela amba, uno muntu waimana ku meso enu ke mutuntulu mu jizhina ja Yesu Kilishitu mwina Nazala, ye mwaipayile pa musalabu anweba, ye asangwile Lesa mu bafu.”

Byubilo 4:7

Kabiji byo bebabikile mukachi, be bepwizhe amba, “Nanchi mu ng'anyi bulume nangwa mu ng'anyi jizhina mo mwaubila kino?”

Byubilo 9:34

Kepo Petelo a mwambijile amba, “Eneasa, Yesu Kilishitu wimubuka, imanai mwanshike mwanya wenu.” Kabiji ponkapotu waimene.

1 Kolinda 4:11

Kufika ne ku kyonka kino kimye twikala na nzala ne kilaka, kabiji tuvwala misakila, kabiji tupumwa, kechi tuji na pa kwikala ne;

2 kolinda 6:10

nobe ba bulanda, nanchi tusekela moba onse, nobe bayanji, nanchi tunonkesha bavula nobe twabula byonse, nanchi twanonka byonse.

2 kolinda 8:12

Mambo umvwe kuswa ko kuji, kya bupe kitabilwa monka mwayila byo aji nabyo muntu, kechi mwayila byo abula ne.

2 kolinda 8:9

Mambo mwayuka bupe bwa Nkambo yetu Yesu Kilishitu, amba, nangwa wajinga munonshi, byonkabyo na mambo a anweba waalukile ke muyanji amba, anweba monka mu buyanji bwanji mwaluke ke banonshi.

Yakoba 2:5

Umvwai balongo bami batemwe! Aye Lesa kechi wasalulwile abo bayanji ba pano pantanda ba lwitabilo amba bekale banswanyi ba bufumu boalayile kwi abo bamutemwa nenyi?

1 Petelo 4:10

Monka mo mwatambwila kya bupe pa muntu pa muntu, mo monka mo mwiingijilanga anweba bene na bene, nobe bakalama bawama ba bupe bwa Lesa bwa misango ne misango.