Byubilo 3:26 - KNTP

²⁶ Lesa byo amusangwile wamwingilo wanji, wamutumine kwi anweba patanshi, na kwimupesha, amba anweba bonse muvundamine ku bubi bwenu.”

Byubilo 3:26 Iomraidhean Croise

Mateo 1:21

Kabiji aye ukasema mwana wamulume, ne obewa ukamutumba jizhina janji amba Yesu, mambo aye yenka ukebapulusha bantu banji ku mambo abo.”

Mateo 15:24

Kepo Yesu a mwambijile amba, “Kechi bantuma ku bonse ne, poso ku mikooko yaeleka ya bena Isalela.”

Luka 24:47

kabiji amba lulapilo ne lulekelo lwa mambo byafwainwa kusapwilwa mu jizhina janji ku mikoka yonse ya bantu, kutatwila mu Yelusalema.

Yoano 4:22

Anweba mupopwela kyo mwabula kuyuka, atweba tupopwela kyo twayuka, mambo lupulukilo lufuma ku Bayudea.

Byubilo 1:8

Pakuba anweba mukatambula bulume, byo ake mwikijila Mupashi Wazhila, kepo mukekala batumonyi bami ba kunshimuna mu Yelusalema, ne monse mu Yudea, ne mu Samaliya, ne monse mwapela ntanda.”

Byubilo 13:26

“Anweba bakwetu, baana ba ku kikota kya Abulahama, ne bo muji naabo bamwakamwa Lesa, kwi atweba bonse koatumwa ano mambo aluno lupulukilo!

Byubilo 2:24

Pakuba aye Lesa wamusangwile mu bafu byo apwishishe kumukasulula ku misongo ya lufu, mambo kechi kyakonshekele amba lufu lumulame ne.”

Byubilo 2:32

Uno Yesu bamusangwile kwi Lesa, ne atweba bonse twi batumonyi banji.

Byubilo 26:20

Bino patanshi natatwile kwibabula bena Damasakasa ne ba ku Yelusalema ne bamonse mu Yudea, ne Bangentila pamo, amba balapile ne kwalulukila kwi Lesa, bobe mingilo yafwainwa lulapilo.

Byubilo 3:13

Bino aye Lesa wakwa Abulahama ne Izaka, ne Yakoba, Lesa wa bashakulu betu, ye watumbijika wamwingilo wanji Yesu. Yemwazhachiishe anweba, ne kumukana ku meso a Pilato, byoafukwiile kumukasulula.

Byubilo 3:15

ne kwipaya mwaipayile Upana bumi, ye asangwile Lesa mu bafu, ne atweba twi batumonyi banji.

Byubilo 3:20

amba kukeye myaka ya kubwezha michima ifuma ku meso a Nkambo, kabiji ukatuma ne Kilishitu, ye bemutongwela, yenkaye Yesu.

Byubilo 3:22

Ne Mosesa kine wa ambile amba, Nkambo Lesa ukemwimenya ngauzhi wanji mu balongo benu, byonka biji amiwa, ne aye mukamumvwe mu byonse byo ake mwambila.

Byubilo 3:25

Anweba mwi baana ba bangauzhi, kabiji mwi baana bamu lulayang'ano loalayang'ene naabo Lesa bashakulu benu, byo a mwambijile Abulahama amba, mu lukunwa wobe mikoka yonse ya pano pantanda ikamwenamo bibusa.

Loma 1:16

Mambo amiwa kechi neobila bumvu Mambo Awama ne; mambo bo bulume bwa Lesa buleta lupulukilo ku bonse baitabila, kutatwila ku Bayudea kabiji ne ku Bagiliki nabo pamo.

Loma 15:29

Kabiji nayuka namba byo nkemwendela kwenu, nkeya kasa nayula na mapesho a Kilishitu.

Loma 15:8

Mambo amiwa nemubuula namba Kilishitu waikele ke wamwingilo wa ba mu mukanda mambo a kumwesha bukine bwa Lesa, amba afikizhe milaye yoapaine ku bashakulu,

Efisesa 1:3

Atotwe Lesa, Shanja Nkambo yetu Yesu Kilishitu, ye witubijiile bibusa byonse bya mwiulu, bya bumupashi mwi Kilishitu.

1 Petelo 1:3

Atotwe Lesa Shanja Nkambo yetu Yesu Kilishitu, ye witusemene jibiji monka mu lusa lwanji lukatampe, mambo a kusanguka kwa Yesu Kilishitu mu bafu, pano twaikala na luketekelo lumi,

1 Petelo 3:9

Kubwezha kibi na kibi kikwabo ne, nangwa mwenga na mwenga mukwabo ne, kana bibusa byonka, mambo kino kyo kyo mwaichilwa amba mukaswane bibusa.

Yuda 1:24

Pano kwi aye wakonsha kwimulama ne kwimukanya kwituntula, ne kwimwikazha monka mu kyenyi kya lukumo lwanji, kwa kubula bulema, monka mu lusekelo lukatampe.