Byubilo 3:25 - KNTP

²⁵ Anweba mwi baana ba bangauzhi, kabiji mwi baana bamu lulayang'ano loalayang'ene naabo Lesa bashakulu benu, byo a mwambijile Abulahama amba, mu lukunwa wobe mikoka yonse ya pano pantanda ikamwenamo bibusa.

Byubilo 3:25 Iomraidhean Croise

Luka 1:72

Kumwesha lusa ku bashakulu betu ne kuvuluka mulaye wanji wazhila.

Byubilo 13:26

“Anweba bakwetu, baana ba ku kikota kya Abulahama, ne bo muji naabo bamwakamwa Lesa, kwi atweba bonse koatumwa ano mambo aluno lupulukilo!

Byubilo 2:39

Mambo awa mulaye walaijilwe anweba, ne baana benu, ne bonse baji kwalepa, ne bonse mobavujila bobaketa kwi Nkambo Lesa wetu.”

Loma 15:8

Mambo amiwa nemubuula namba Kilishitu waikele ke wamwingilo wa ba mu mukanda mambo a kumwesha bukine bwa Lesa, amba afikizhe milaye yoapaine ku bashakulu,

Loma 4:13

Mambo awa mulaye, ye balayile Abulahama ne ba munkunwa yanji amba ukekala nswanyi wa pano pantanda, kechi walaijilwe mu Mizhilo ne, walaijilwe mu bololoke bwa mu lwitabilo.

Ngalatiya 3:16

Bino kwi Abulahama ne ku lukunwa wanji ko kwalayilwe milaye. Kechi wa amba amba “Ku nkunwa”, nobe yavula ne poso umo amba, “Kabiji ku lukunwa wobe”, awa ye Kilishitu.

Ngalatiya 3:29

Kabiji umvwe mwi bakwa Kilishitu, mwi ba nkunwa ya Abulahama, mwi banswanyi ba monka mwayila mulaye.

Ngalatiya 3:8

Kabiji ne kinembelo kyamwenejile jimo amba, Lesa ukebabingisha Bangentila mu lwitabilo, kya sapwijile jimo Mambo Awama kwi Abulahama amba, “Mwi obewa mikoka yonse ya bantu ikamwenamo bibusa.”

Lumwekesho 14:6

Kabiji namwene malaika mukwabo kasa apita pakachi ka jiulu, kasa aji na Mambo Awama a myaka ne myaka a kusapwila ku bekala pantanda, ne ku mikoka yonse ne ku bisaka byonse ne ku njimi yonse ne ku mitundu yonse ya bantu.

Lumwekesho 5:9

Kabiji baimbile lwimbo mupya amba. “Anweba yenu mwafwainwa kutambula buku ne kushinkula tuteetesho tujipo. Mambo anweba mwaipayilwe, kabiji mwamupotejile Lesa na mashi enu bantu ba mu bisaka byonse, ne ba mu njimi yonse, ne ba mu mitundu yonse, ne ba mu mikoka yonse.

Lumwekesho 7:9

Pakupita bibye, ponkapo namwene jibumba jikatampe, jo babula kukonsha kubala nangwa ku muntu umo ne! Bafuma mu mikoka yonse ne mu bisaka byonse ne mu mitundu yonse ne njimi yonse ya bantu, kasa baimana ku meso a jitanda ne ku meso a Mwana Mukooko, kasa bavwala bivwalo bitoka, ne mapambo a bisonga mu maboko abo.