Byubilo 3:18 - KNTP

¹⁸ Pakuba abya bintu byo a ambijile jimo Lesa mu kanwa ka bangauzhi banji, amba, Kilishitu wami ukamanama, aye wibifikizha.

Byubilo 3:18 Iomraidhean Croise

Luka 24:44

Ponkapo wibambijile amba, “Bino byo byambo byami byo nemwambijile byo nakijinga nenu namba, kyafwainwa byonse bifike byanembelwa amiwa mu buku wa mizhilo wa Mosesa ne mu wa bangauzhi ne mu Masalamo.”

Byubilo 10:43

I ye yebashimuna ku bangauzhi bonsetu amba, mu jizhina janji bonse bamwitabila, bakatambula lulekelo lwa mambo.”

Byubilo 2:23

aye uno Yesu, byo asolwelwe na mambo a kutongwela jimo ne kuyukila jimo kwanji aye Lesa, anweba yenu mwamupopele pa musalabu ne kumwipaya konka ku maboko a bampupabizhila.

Byubilo 28:23

Byo bamutongwejile jimo juba, baishile bavula koafikijile. Kufuma lukeelo kufika ne mabanga wibalumbulwijile, kasa ebabujisha mambo a bufumu bwa Lesa, ne kweseka kwibetabizha mambo a aye Yesu, kufuma mu buku wa mizhilo wakwa Mosesa ne kufuma mu bangauzhi.

2 Petelo 1:21

Mambo bya bungauzhi kechi byaishile na kyaswa muchima wa muntu nangwa jimotu ne, bino bantu ba ambile byafumine kwi Lesa, monka mo bebatangijile ku Mupashi Wazhila.

Lumwekesho 19:10

Ponkapo naponene panshi ku maulu anji, namba namupopwele, bino aye wang'ambijile amba, “Kileke! Amiwa ne mukwenu wa mu mwingilo umo pamo na bakwenu balama bukamonyi bwa Yesu. Popwela Lesa!” Mambo bungauzhi bwa Lesa bwaimena pa kusolola bukamonyi bwa Yesu.