Byubilo 28:2 - KNTP

² Bangikazhi baikalanga kokwa betubijile lusa lukatampe kechi lucheche ne. Mambo ba banzhile mujilo, ne kwitutambwila bonse, na mambo a mvula wanokelenga, ne na mambo a mashika.

Byubilo 28:2 Iomraidhean Croise

Mateo 10:42

Kabiji awa ukapana nangwa tumematu twa munyango, mu jizhina ja mwana wabwanga, ku kamo ka tuno twana tucheche, amba katome, kine nemwambila namba, kechi akabulwe kutambula mfweto yanji nangwa pachechetu ne.”

Yoano 18:18

Kabiji bakalume ne bakalama ba banzhile mujilo wa mashanga na mambo a mashika, ne kwimana baimene konka kasa bota mujilo, ne Petelo naye waimene naabo, kasa ota mujilo.

Byubilo 27:3

Byo bwakiile lukeelo twafikile pa Shidona. Ne Julyasi wamubijile lusa Paulo kabiji wamuswishishe kuya ku balunda nanji na kutambulako byo a kajilwe.

Byubilo 28:3

Pakuba Paulo byo aka bungulwile kikuta kya nsaala ne kwiibika pa mujilo, mwafumine mulolo na mambo a kyuya, wamusumine ne kumina pa kuboko kwanji.

Byubilo 28:4

Ponkapo abo bene bangikazhi bakokwa byo bamwene mulolo kasa apepeela ku kuboko kwa Paulo, ba ambile bene na bene amba, “Leka, uno muntu ye mbanzhi, nangwa wapuluka ku mema, lesa wa mukazhi wa bunchiba mambo kechi wa kumuleka amba ekale na bumi ne.”

Loma 1:14

Amiwa naswikwa na mwingilo ku bantu bonse, ku Bagiliki ne ku bantu bakwabo, kabiji ne ku bamaana ne ku babulao.

Loma 14:1

Kabiji awa wanekena mu lwitabilo mutambulai, kechi na mambo a kulengulula moalangulukila ne.

Loma 14:3

Aye uja, kechi amulengulule awa ubula kuja ne; kabiji ne aye ubula kuja naye kechi a muzhachishe awa uja ne; mambo Lesa wamutambula.

Loma 2:27

Kabiji abwa bumbulwa mukanda bwa kusemwa naabo umvwe bulama bulongo Mizhilo, kechi bukakuchibila mambo obewa nenyi, obewa uji na buku wa Mizhilo ne kisela kya mukanda, kasa uzhilula Mizhilo?

1 Kolinda 14:11

Pakuba umvwe nabula kuyuka moayila mulaka, nkekala ke ungitu kwi aye wamba, kabiji ne aye wamba naye ukekala ke ungitu kwi amiwa.

2 kolinda 11:27

Ne mu mingilo yakosa ne mu ya kumanama, ne mu kutong'ama kwavula, ne mu nzala ne mu kilaka, ne mu kuzhikilwa na nzala kwavula, ne mu mashika ne bwamba.

Kolose 3:11

Amo kechi muji mugiliki, nangwa muyudea, nangwa wa mukanda, nangwa wabulwa mukanda, nangwa mwenyi, nangwa mwina Sikitya nangwa muzha, nangwa mwana bene, pakuba Kilishitu ye byonse, kabiji uji mu byonse.

Bahebelu 13:2

Kechi muvulame kutambwila benyi ne. Mambo mo monka bantu bamo mo batambwijile bamalaika kwakubula kuyuka.