Byubilo 26:5 - KNTP

⁵ Kasa bayuka ne bwikalo bwami bwakala, kana baswa kushimuna, byo najinga Mufaliseo, kasa ndonda mwayila lwipatulo lwakila mu kulama mizhilo lwa mu kupandawila kwetu.

Byubilo 26:5 Iomraidhean Croise

Byubilo 15:5

Bino kwaimene bamo baitabila ba mukipamo kya Bafaliseo amba, “Kyafwainwa kwibatwezha mu mukanda ne kwibakambizha Kulama Mizhilo ya kwa Mosesa.”

Byubilo 22:3

“Amiwa ne mu Yudea, nasemenwe mu Talasusa mu Kilikya, kabiji nakomejile mu ye uno muzhi, ku maulu a Ngamaliela. Nafunjishiwe monka mwayilatu musango wa Mizhilo ya bashakulu betu, kasa naikala na muchima wauba lupata mu bya Lesa, pamo byonka byo muji anweba leelo.

Byubilo 22:5

Abyo ne aye ng'anga mukatampe wakonsha kushimuna, ne bonse baji mukije kya bakulumpe nabo pamo. Kabiji kwi abo ko konatambwile ne makalata a kutwala ku balongo Bayudea, nayile namba nkakwate baji ku Damasakasa, ne kwibaleeta ku Yelusalema kasa bakaswa amba bebakabishe.”

Byubilo 23:6

Kabiji Paulo byo ayukile amba, bamo bo Basadusea ne bamo bo Bafaliseo, wabijikile mukije amba, “Anweba bakwetu, amiwa ne mufaliseo, mwana wa Bafaliseo. Ke na mambo a luketekelo lwa lusanguko lwa bafu o mbena kuchibilwa mambo kuno leelo!”

Byubilo 24:14

Pakuba kino nekitaba kwi anweba namba, mo jayila Jishinda jo bateela abo amba, lwipatulo lubi, mo mompopwela Lesa wa bashakulu betu, kasa naitaba byonse byayila mwayila Mizhilo, ne byanembwa mu mabuku a ba Ngauzhi.

Byubilo 24:5

Mambo uno muntu twamumona namba ye mulwanyi, ulengela bantu kusatuka mu Bayudea bonse pano pantanda ponse, kabiji ye mwine ntangi mukatampe mu lolwa lwipatulo lwa bena Nazala.