Byubilo 26:18 - KNTP

¹⁸ Na kwibalabisha meso abo bavundamine ku mfishi balulukile ku kyeya kabiji bavundamine ku luusa lwa Satana balulukile kwi Lesa, batambule lulekelo lwa mambo, ne buswanyi mwi abo bazhijikwa na lwitabilo lwa mwi amiwa.”

Byubilo 26:18 Iomraidhean Croise

Mateo 4:10

Kumvwa Yesu wamwambijile amba, “Fumako, Satana! Mambo kyanembwa amba,” “Ukamupopwela Nkambo Lesa wobe ne kumwingijila aye yenka.”

Mateo 4:16

Bantu bekala mu mfishi bakamona kyeya kikatampe. Kabiji kwi aba baikala mu kyalo ne mu kimvule kya lufu, kyeya kikebasamina.”

Luka 1:77

Na kwibapa maana a lupulukilo bantu banji mu kwibalekela mambo a bubi bwabo.

Luka 1:79

mu kwibasaamina abo baikala mu mfishi ne mu kimvule kya lufu, ne kutangijila maulu etu mu jishinda ja mutende.”

Luka 2:32

Kyeya kya kwibamwesha Bangentila ne lukumo lwa bantu benu bena Isalela.”

Luka 24:45

Ponkapo wibashinkwile michima yabo amba bomvwishe binembelo,

Luka 24:47

kabiji amba lulapilo ne lulekelo lwa mambo byafwainwa kusapwilwa mu jizhina janji ku mikoka yonse ya bantu, kutatwila mu Yelusalema.

Luka 4:18

“Mupashi wa Nkambo uji pe amiwa, mambo wanshinga manyi amba usapwile Mambo Awama ku balanda. Wantuma kusapwila mambo a bupokolweshi ku bakaswa, ne kutambula meso bampofu, Ne kwibakasulula bamanyikwa,

Yoano 17:17

Mwibazhijike na bukine, byambo byenu bo bukine.

Yoano 3:19

Kabiji kuzhatwa ko ko kuno, amba kyeya kyaiya pano pantanda, kabiji bantu batemwako mfishi kechi batemwa kyeya ne, mambo byubilo byabo byatama.

Yoano 4:10

Kumvwa Yesu amba, “Umvwe wajikuyuka akya kipana Lesa, ne aye ubena kukulomba amba, mpepo mema ntome inge wajikumulomba aye, aye naye inge wajikukupa mema a bumi.”

Yoano 4:14

pakuba awa ukatoma mema o nkamupa amiwa, kechi ukomvwa kilaka myaka ne myaka ne. Mambo aa mema o nkamupa akaaluka munda mwanji ke nsulo ya mema, kasa atupauka ne ku bumi bwa myaka.”

Yoano 8:12

Ponkapo Yesu wibambijile jibiji, amba, “Amiwa ne kyeya kya pano pantanda, awa undondela amiwa kechi ukenda mu mfishi ne, ukekala na kyeya kya bumi.”

Yoano 9:39

Ne Yesu wa ambile amba, “Naishila kuchiba mambo pano pantanda, amba babula kumona, bamone, ne aba bamona, baluke ke bampofu.”

Yoano 9:5

Byonkiji pano pantanda amiwa, ne kyeya kya pano pantanda.”

Byubilo 10:43

I ye yebashimuna ku bangauzhi bonsetu amba, mu jizhina janji bonse bamwitabila, bakatambula lulekelo lwa mambo.”

Byubilo 13:47

Mambo mo moetukambizha Nkambo amba, “Nakutongola namba wikale ke kyeya kya Bangentila, amba ufikizhe lupulukilo konsetu ne kwapela ntanda.”

Byubilo 15:9

Kabiji kechi witupusenye atweba ne abo ne, pa kutokesha michima yabo ku lwitabilo.

Byubilo 2:38

Ne Petelo wibambijile amba, “Lapilai, ne kubatizhiwa bonse mu jizhina ja Yesu Kilishitu mu kulekelwa mambo enu, kabiji mukatambula Mupashi Wazhila wa bupetu.

Byubilo 20:21

Kasa nebabujisha Bayudea ne Bagiliki, lulapilo lwa kwalulukila kwi Lesa, ne lwitabilo lwa kumwitabila Nkambo yetu Yesu Kilishitu,

Byubilo 20:32

“Ne pano nemufikizha kwi Lesa, ne ku mambo a bupe bwanji, o ayuka kwimukomesha, ne kwimupa buswanyi mwi abo bonse bazhijikwa.

Byubilo 26:19

“Onkao mambo, anweba Mfumu Agilipa, kechi nalengulwile kimwesho kyafumine mwiulu ne.

Byubilo 26:23

Byo kyafwainwe aye Kilishitu kumanama, kabiji pa kwikala mutanshi kusanguka mu bafu ekale wa kusapwila mambo a kyeya ku bantu bena Isalela ne ku Bangentila.”

Byubilo 3:19

Byonkabyo lapilai, ne kwaluluka, mambo enu afuchiwe,

Byubilo 5:31

Aye uno yenka, Lesa wamutumbijikile ku kuboko kwanji kwa kilujo amba, ekale Ntangi ne Mupulushi, ebape bena Isalela lulapilo ne lulekelo lwa mambo.

Loma 8:17

Kabiji umvwe twi baana, byonkabyo kabiji twi banswanyi ba Lesa, ba kuswana pamo ne Kilishitu, umvwe twamanama nanji pamo, amba tukatumbijikwe nanji pamo.

1 Kolinda 1:2

Ku kipwilo kya Lesa kiji mu Kolinda, baitwa amba bekale bazhila mwi Kilishitu Yesu, ne ku bonse beta pa jizhina ja Nkambo Yesu Kilishitu konse konse, Nkambo yabo ne wetu pamo.

1 Kolinda 1:30

Mambo aye ye wimwikazha monka mwi Kilishitu Yesu, ye aalwile Lesa amba ekale ke maana etu, ne bololoke bwetu, ne kuzhijikwa kwetu, ne bukuuzhi bwetu.

2 kolinda 4:4

Mwi abo lesa wa pano pantanda wiipofula michima ya babula kwitabila kuchiina amba, bakamona kyeya kya Mambo Awama a lukumo lwa Kilishitu, aye kipasha kya Lesa.

2 kolinda 4:6

Mambo yenkaye Lesa wa ambile amba, “Kyeya kisamine mu mfishi!” Ye wasaamijile mu michima yetu, mu kupana kyeya kya maana a kuyuka lukumo lwa Lesa lwa mu kilungi kya Yesu Kilishitu.

2 kolinda 6:14

Kechi mwikase ku kikonkoji kimo na babula kwitabila ne, mambo bololoke ne bubi bwendang'ane pamo byepi? Nangwa kyeya ne mfishi byumvwang'ane pamo byepi?

Ngalatiya 2:20

kabiji amiwa kechi nakiikala na bumi ne, kana Kilishitu ye waikala na bumi mwi amiwa. Kabiji ne abwa bumi bonaikala naabo pano mu mubiji, naikala naabo monka mu lwitabilo lwa mu Mwana Lesa, yenkaye wantemenwe ne kwipana mwine na mambo a amiwa.

Ngalatiya 3:14

Amba kibusa kya Abulahama kibafikile Bangentila mwi Kilishitu Yesu. Amba tutambule mulaye, ye Mupashi monka mu lwitabilo.

Ngalatiya 3:2

Kyonka kino kyo kyo nasaka kumvwa kwi anweba namba, mwatambwile Mupashi mu mingilo ya Mizhilo nyi, Inyi mu kwitabila mambo?

Efisesa 1:11

Kabiji mwi Kilishitu mo etwalulwile ke buswanyi bwanji, byo twatongwejilwe jimo monka mwayila kufuukula kwanji, aye wingila byonse monka musakila muchima wanji,

Efisesa 1:14

Ye bukikizhi bwa buswanyi bwetu, mu kupembela kukuulwa kwa banji bo emwenejile jimo mwine, mukuleta lutootelo lwa kutota lukumo lwanji!

Efisesa 1:18

Meso a michima yenu alabe, muyuke mwayila luketekelo lwa lwito lwanji, ne mwayila bunonshi bwa lukumo lwa buswanyi bwanji bwa mu bazhijikwa.

Efisesa 1:7

Mwi Kilishitu mo muji bukuuzhi bwetu bwa mu mashi anji, lo lulekelo lwa mizhilulwila yetu, monka mwayila bunonshi bwa bupe bwanji,

Efisesa 2:8

Mambo ko ku bupe ko mwapulukila monka mu lwitabilo. Kabiji kechi kyo kintu kyafuma kwi anweba bene ne, kyokya kupanatu aye Lesa.

Efisesa 4:18

mambo maana abo a aluka ke a mfishi, kabiji bebabanya ku bumi bwa Lesa na bulubi bo baji naabo na mambo a kukosa kwa michima yabo.

Efisesa 5:11

Kabiji kechi mumvwang'ane nayo mingilo yatu ya mfishi ne, poso konka kwibilengulula.

Efisesa 5:14

mambo byonse bisololwa patoka bya aluka ke kyeya. Onkao mambo kyaambiwa amba: “Buuka, obewa walaala, ne kusanguka mu bafu, Kabiji Kilishitu ukakusamina.”

Efisesa 5:8

Mambo kala mwajinga mfishi, pakuba pano mwi kyeya mwi Nkambo. Endainga mwafwainwa baana ba kyeya,

Efisesa 6:12

Mambo kulwa kwetu kechi kwa kulwa na ba mibiji ya mashi ne, poso na bakatampe bene, ne ba luusa, ne bamfumu ba ino mfishi ya pano panshi, ne bapashi babiipa ba mwiulu.

2 Timoti 2:26

Kabiji amba balubuluke michima ne kufuma mu kakose ka Diabola, byo bakwatwa kwi aye mukuuba kyaswa muchima wanji.

Bahebelu 10:10

Ne mu kyonka kyaswa muchima wanji momo twazhijikilwa ponka pa kulambulwa kwa mubiji wa Yesu Kilishitu jimo jonka kikupu.

Bahebelu 10:14

Mambo na mulambo umo aye wibalumbulula kikupu aba bazhijikwa.

Bahebelu 11:6

Kabiji kwa kubula lwitabilo kechi kyakonsheka kumutokesha Lesa pa muchima ne, mambo awa wiya kwi Lesa kyamufwainwa aye kwitaba amba ko aji, kabiji amba ye ufweta boba bamukeba.

Bahebelu 9:15

Onkao mambo aye ye ng'ambi waleeta lulayang'ano lupya amba, abo baitwa batambule bonkabwa buswanyi bwa myaka bwalayilwe. Mambo lufu lwamweka lwa kwibakuula ku mizhilulwila yo bazhilulwile mu lulayang'ano lutanshi.

Yakoba 2:5

Umvwai balongo bami batemwe! Aye Lesa kechi wasalulwile abo bayanji ba pano pantanda ba lwitabilo amba bekale banswanyi ba bufumu boalayile kwi abo bamutemwa nenyi?

1 Petelo 1:4

ne na buswanyi bubula kubola, bubula kutamishiwa, bubula kwaluka, bo bemulamina mwiulu.

1 Petelo 2:25

Mambo anweba mwaendelenga kyendeende nobe mikooko yalubilamo, pakuba pano mwabwela kwi Kafunga ne Kalama wa michima yenu.

1 Petelo 2:9

Pakuba anweba mwi kisemi kyasalululwa, mwi ba bung'anga bwa bufumu, mwi mukoka wazhila, mwi bantu banonkwa kwi Lesa mwine amba, mulondolole byanji bya wamisha, yenka aye wimwichile kufuma mu mfishi kwiya mu kyeya kyanji kya ku kumya.

1 Yoano 1:9

Umvwe twisolola mambo etu, Aye ye wakishinka ne koloka mu kwitulekelako mambo etu ne kwitutokesha ku bumbulwa koloka bonse.

1 Yoano 2:12

Mbena kwimunembela anweba twana, mambo bemulekela mambo enu na mambo a jizhina janji.

1 Yoano 3:8

Awa utwajijila na kulenga mambo ye wa kwa Diabola, aye Diabola ye ndengamambo kufumatu ne ku ntendekelo. Onkao mambo Mwana Lesa kyokyo amwekejile amba onaune mingilo ya kwa Diabola.

1 Yoano 5:19

Twayuka namba twibakwa Lesa, nangwa ntanda yonse iji mu bulume bwa kwa aye mubi.

Yuda 1:1

Yuda, kalume wa Yesu Kilishitu, mulongo wanji Yakoba. Kwi abo baitwa, batemwe ba mwi Lesa Taata, balaminwa Yesu Kilishitu.

Lumwekesho 21:27

Bino kechi mukatwela nangwa pachechetu kintu kyatama, nangwa aye uba bya bunya ne kubepa bubela ne, poso bonka banembwa mu buku wa bumi wa Mwana Mukooko.