Byubilo 26:16 - KNTP

¹⁶ Pano buukapo wimane. Mambo na kumwekela namba nkutongole wikale ke wamwingilo, ne kamonyi wa abya bintu byo wamona mwi amiwa, kabiji ne wabyobya byo nkakumwesha kulutwe.

Byubilo 26:16 Iomraidhean Croise

Luka 1:2

Monka mo betubujilebyo abo bebimwene na meso kabiji bamwingilo wa Mambo Awama kufuma ku ntendekelo.

Byubilo 1:17

Mambo wabajilwe pamo ne atweba, kabiji watambwile mwingilo wanji wa mu ino mingilo.”

Byubilo 1:25

wa kupingakena mu uno mwingilo, ne mu butumwa, moafumine Yudasa, ne kuya kwa mufwainwa mwine.”

Byubilo 20:24

Pakuba amiwa kechi nataako muchima ku mweo wami nobe kyo kintu kyanema kwi amiwa ne, poso mpwishe kikonkwanyi kyami, ne mwingilo ye natambwile kwi Nkambo Yesu, wa kusapwila Mambo Awama a bupe bwa Lesa.

Byubilo 21:19

Kabiji pa kupwisha kwibemuna, aye Paulo wibabujile bintu byonse byo aubile Lesa mu Bangentila na mingilo yanji.

Byubilo 22:10

Ne amiwa na ambile namba, pano ngube byepi, Nkambo? Kumvwa aye Nkambo wang'ambijile amba, ‘Imana, uyenga ku Damasakasa, koko bakakubula bintu byonse bya kutongwelwa kuuba obewa.’

Byubilo 23:11

Bonkabwa bufuku Nkambo waimene pajinga Paulo ne kumwambila amba, “Kuuba moyo ne, mambo byonka byo wanshimuna mu Yelusalema byobyo ukanshimuna ne mu Loma.”

Byubilo 26:15

Ne amiwa namba, yenu ba ng'anyi Nkambo? Kumvwa Nkambo amba, yami Yesu ye ubena kummanyika obewa.

Byubilo 6:4

Pakuba atweba tukaswezhatu mu milombelo, ne mu mwingilo wa kusapwila mambo.”

Loma 1:5

Kupichila mwi aye mo mo twatambwijile bupe ne butumwa, amba ba mu mikoka yonse ya bantu bakookele byambo bya lwitabilo na mambo a jizhina janji.

Loma 15:16

amba ngikale ke wamwingilo wa Kilishitu Yesu ku Bangentila, kasa ng'ingila mu Mambo Awama a Lesa, namba kulambulwa kwa Bangentila kwitabilwe, byo kwazhijikwa na Mupashi Wazhila.

2 kolinda 4:1

Onkao mambo byo tuji na ye uno mwingilo, monka mo twaubijilwe lusa, kechi tupungila ne.

2 kolinda 5:18

Kabiji bino byonse bifuma kwi Lesa, ye witupwainye ne aye mwine mwi Kilishitu, kabiji witupele mwingilo wa lupwaino.

Ngalatiya 1:12

Mambo kechi neatambwile ku muntu ne, nangwa kufunjishiwao ne, bino neatambwile mu lumwekesho lo a mmwesheshe Yesu Kilishitu.

Ngalatiya 2:2

Nayileko mambo Lesa mwine wansolwejilekyo. Kabiji ne babuujile bulongo ao mambo o nsapwila ku Bangentila, bino nalumbulwijile bantangi bonka kwa bunke, mambo a kuchiina amba, nangwa na kya byepi kwingila kwami kombena kwingila ne ko naingijilenga kwakekala ke kwatu.

Efisesa 3:3

byo bansolwejile ku lumwekesho akya kyafyamika monka mo nanembela kala mu byambo bicheche,

Kolose 1:23

Umvwe kine mukelwe mu lwitabilo, ne kwikajikwa pa kosa ne kushikamatu ponka, ne kubula kufumapo pa luketekelo lwa Mambo Awama o mwaumvwine. O asapwijilwe mu bantu bonse ba pano panshi. O naikajile ke wa kwiengijila amiwa Paulo.

Kolose 1:25

Kyo natongwejilwe amba, ngikale wa kwikingijila monka mwayila bukalama bwa Lesa bo bampele na mambo a anweba mu kwi mufikizhizha mambo a Lesa,

Kolose 1:7

Monka mo emufunjishishe Epafalasa, mukwetu mu mwingilo, ye wamwingilo wa Kilishitu wakishinka, wasunsakena mwi atweba.

Tesalonika 3:2

kabiji twatumine Timoti, mulongo wetu wa mwingilo wa Lesa mu Mambo Awama a Kilishitu, namba emukwashe ne kwimukosesha mu lwitabilo lwenu,

1 Timoti 1:12

Namusanchila, yenkaye Kilishitu Yesu Nkambo yetu, aye wankosesha mambo wandangulukile amba, ne wakishinka, ne kuntongwela uno mwingilo,

1 Timoti 4:6

Umvwe wafunjisha bino bintu ku baitabila, ukekala ke wa mwingilo walumbuluka wa kwa Kilishitu Yesu, wikomesha na byambo bya lwitabilo, ne na lufunjisho lwalumbuluka lo walondejilenga kufika ne leelo.

2 Timoti 4:5

Pakuba obewa wikale watekanya mu bintu byonse, kasa ukosa mu bya malwa, ne kwingila mwingilo wa busapwishi bwa Mambo Awama, ne kupwisha bulongo mingilo yobe.