Byubilo 24:16 - KNTP

¹⁶ Byonkabyo nateshako bingi muchima namba ngikale na muchima wabula mambo kwi Lesa ne ku bantu moba onse.

Byubilo 24:16 Iomraidhean Croise

Byubilo 23:1

Kabiji Paulo watajile pajinga bena kije, wibambijile amba, “Anweba bakwetu, ku meso a Lesa konaikajilenga na muchima watoka wakubula kwizhachisha, kufika ne ku jino juba ja leelo.”

Loma 2:15

Mambo bamwesha byatongola Mizhilo byo byanembwa mu michima yabo kabiji ne jiwi ja mu michima yabo kasa jitaba, ne milanguluko yabo kasa ibazhachisha nangwa kwibabingisha.

Loma 9:1

Naamba kya kine mwi Kilishitu; kechi nabepa ne. Ne jiwi ja mu muchima wami jibena kungitabizha pamo ne aye Mupashi Wazhila,

1 Kolinda 10:32

Kabiji kechi mwikale ke ba kwituntulako Bayudea, nangwa Bagiliki, nangwa kipwilo kya Lesa ne.

1 Kolinda 4:4

Amiwa kechi nayuka mambo o nji nao ne, nangwa byonkabyo kechi momo nabingila ne, mambo aye Nkambo ye umpima.

2 kolinda 1:12

Mambo kwitota kwetu ko ko kuno, ko kushimuna kwa jiwi ja mu michima yetu, amba mo mu buzhile ne mu bumuchima wa bukine bwa Lesa, momo twaikela pano pantanda, pakuba kwi anweba ko kwine, kechi mu maana a buntunshi ne, poso mu bupe bwa Lesa.

2 kolinda 4:2

Kabiji twakana bintu byafyamika bya bumvu, kechi twenda mu bujimuku ne, nangwa kukwata mambo a Lesa na bujimbijimbi ne. Kabiji pa kusolola bya bukine patoka, twilumbulula ku michima ya bantu bonse ku meso a Lesa.

Tesalonika 2:10

Anweba mwi batumonyi betu, ne aye Lesa pamo, motwaikajiile ne anweba baitabila, mu buzhile ne mu bololoke ne mu kubulwa mambo.

1 Timoti 1:19

kasa ulama lwitabilo na muchima watoka. Mambo bamo, byo bamutaaya ao muchima ubula kwizhachisha balobesha lwitabilo lwabo nobe bwato.

1 Timoti 1:5

Uno mukambizho wayila mu butemwe bufuma mu muchima watoka, ne mu muchima ubula kwizhachisha, ne mu lwitabilo lwabula bujimbijimbi.

1 Timoti 3:9

Bafwainwa kulama byafyamika bya lwitabilo na muchima watoka.

2 Timoti 1:3

Namusanchila Lesa ye ng'ingijila na muchima watoka, byonka byaubilenga bashakulu bami. Byo mbena ku kuvuluka mu milombelo yami moba onse, bufuku ne mute.

Titusa 1:15

Ku bamichima yatoka bintu byonse byatoka; pakuba ku batamishiwa kala ne babula kwitabila, kafwako nangwa ka kintu kamo katoka ne, pakuba maana abo ne jiwi ja mu michima yabo byatamishiwa kala.

Bahebelu 10:22

Twayai tufwenye kwipi na muchima wa kine wayula lwitabilo lwa kubula kuzhinauka, na michima yetu kasa yatokeshiwa kala ku bubi bwituzhachisha ne mibiji yetu kasa ya ovwewa kala na mema atoka.

Bahebelu 13:18

Tulombelelai, mambo twaketekela kine namba tuji na jiwi ja mu muchima jibula kwituzhachisha, kasa tusaka kuuba bulongotu mu bintu byonse.

Bahebelu 9:14

Nanchi mashi a Kilishitu yenka wilambwile mwine kwi Lesa mu Mupashi wa myaka kasa abula bulema akakijishamo kwiitokesha michima yetu ku mingilo ifu amba tumwingijile Lesa mumi.

1 Petelo 2:19

Mambo kino kyo kyaitabilwa, umvwe muntu na mambo a kuta muchima wanji kwi Lesa, watekanya pa ku manyikwa pabula mambo.

1 Petelo 3:16

bino kasa muba na bukimote ne na mushingi, mwikale na michima yatoka, amba aba banena bwikalo bwenu bwawama bwa mwi Kilishitu, balengeshiwe bumvu.

1 Petelo 3:21

o afwanyikizha lubatizhilo lwimupulusha ne anweba pano, kechi na kufumya biko pa mubiji ne, poso kusakisha kwi Lesa muchima wawama ubula kwizhachisha, monka mu lusanguko lwa Yesu Kilishitu.