Byubilo 23:1 - KNTP

¹ Kabiji Paulo watajile pajinga bena kije, wibambijile amba, “Anweba bakwetu, ku meso a Lesa konaikajilenga na muchima watoka wakubula kwizhachisha, kufika ne ku jino juba ja leelo.”

Byubilo 23:1 Iomraidhean Croise

Mateo 5:22

Pakuba amiwa nemwambila namba, awa wamubukila bukaji mulongo wanji, aye naye wafwa nao a kuletwa mukije, kabiji awa wa mwambila mulongo wanji amba, wakosama, aye naye wafwa nao a kuletwa mukije kikatampe, pakuba awa wa amba bya kufing'ana wafwa nao a kutayiwa mu Ngehena ya mujilo.

Byubilo 22:1

Anweba bakwetu ne bataata, ng'umvwai byo nsakwiambila ko muji.

Byubilo 22:30

Pakuba byo bwakiile lukeelo, byo asakile kuyukisha kine kintu kyo ashiinwa na Bayudea, wamukasulwile, ne kukambizha bang'anga bakatampe ne bena kije bonse bapwijile pamo; ponkapo wamwikizhe Paulo ne kumubiika mu kyenyi kyabo.

Byubilo 22:5

Abyo ne aye ng'anga mukatampe wakonsha kushimuna, ne bonse baji mukije kya bakulumpe nabo pamo. Kabiji kwi abo ko konatambwile ne makalata a kutwala ku balongo Bayudea, nayile namba nkakwate baji ku Damasakasa, ne kwibaleeta ku Yelusalema kasa bakaswa amba bebakabishe.”

Byubilo 23:15

Pano byonkabyo anweba bena kije mutume jiwi ne kumwambila mukulumpe mwine wa bashilikale amba amulete Paulo ko muji, nobe musaka kuyukisha mambo anji bulongo. Ne atweba twinengezha kumwipaya kasa akyangye kufika kwipi.”

Byubilo 23:20

Kumvwa aye amba, “Bayudea baumvwang'ana kwimulomba anweba amba mukamulete Paulo keesha ku kije, nobe basaka kwipuzha bulongo mambo anji.

Byubilo 23:28

Kabiji amiwa byo nasakile kuyuka mambo o bamushinawijile, na mutwajile ku kije kyabo.

Byubilo 23:6

Kabiji Paulo byo ayukile amba, bamo bo Basadusea ne bamo bo Bafaliseo, wabijikile mukije amba, “Anweba bakwetu, amiwa ne mufaliseo, mwana wa Bafaliseo. Ke na mambo a luketekelo lwa lusanguko lwa bafu o mbena kuchibilwa mambo kuno leelo!”

Byubilo 24:16

Byonkabyo nateshako bingi muchima namba ngikale na muchima wabula mambo kwi Lesa ne ku bantu moba onse.

Byubilo 6:15

Ne bonse baikajile mukije pa kumutala, bamwene kilungi kyanji nobe kilungi kya malaika.

1 Kolinda 4:4

Amiwa kechi nayuka mambo o nji nao ne, nangwa byonkabyo kechi momo nabingila ne, mambo aye Nkambo ye umpima.

2 kolinda 1:12

Mambo kwitota kwetu ko ko kuno, ko kushimuna kwa jiwi ja mu michima yetu, amba mo mu buzhile ne mu bumuchima wa bukine bwa Lesa, momo twaikela pano pantanda, pakuba kwi anweba ko kwine, kechi mu maana a buntunshi ne, poso mu bupe bwa Lesa.

2 kolinda 4:2

Kabiji twakana bintu byafyamika bya bumvu, kechi twenda mu bujimuku ne, nangwa kukwata mambo a Lesa na bujimbijimbi ne. Kabiji pa kusolola bya bukine patoka, twilumbulula ku michima ya bantu bonse ku meso a Lesa.

2 Timoti 1:3

Namusanchila Lesa ye ng'ingijila na muchima watoka, byonka byaubilenga bashakulu bami. Byo mbena ku kuvuluka mu milombelo yami moba onse, bufuku ne mute.

Bahebelu 13:18

Tulombelelai, mambo twaketekela kine namba tuji na jiwi ja mu muchima jibula kwituzhachisha, kasa tusaka kuuba bulongotu mu bintu byonse.

1 Petelo 3:16

bino kasa muba na bukimote ne na mushingi, mwikale na michima yatoka, amba aba banena bwikalo bwenu bwawama bwa mwi Kilishitu, balengeshiwe bumvu.