Byubilo 22:3 - KNTP

³ “Amiwa ne mu Yudea, nasemenwe mu Talasusa mu Kilikya, kabiji nakomejile mu ye uno muzhi, ku maulu a Ngamaliela. Nafunjishiwe monka mwayilatu musango wa Mizhilo ya bashakulu betu, kasa naikala na muchima wauba lupata mu bya Lesa, pamo byonka byo muji anweba leelo.

Byubilo 22:3 Iomraidhean Croise

Luka 10:39

Ne aye wajinga na mulongo wanji, jizhina janji Maliya, ye waikajile ku maulu a Nkambo na kumvwa byambo byanji,

Luka 2:46

Pakupita moba asatu bamutaine mu Nzubo ya Lesa, kasa aikala mukachi ka bafunjishi, na kwibomvwa ne kwibepuzha.

Luka 8:35

Ne bantu bavula bayile na kumona kyamwekele, ne kwiya baishile kwi Yesu ne kumumona awa muntu mwafumine bademona, kasa aikala ku maulu a Yesu, wavwala ne muchima wanji kasa alubuluka bulongo, kabiji abo baubile moyo.

Byubilo 11:25

Ponkapo Banabasa waimene lwendo kuya ku Talasusa na kukeba Saulo.

Byubilo 15:23

ne kwibatuma nayo ino nkalata amba; “Kufuma ku Batumwa ne bakulumpe balongo benu, ku balongo bamu Bangentila bamu Antioka wa mu Silya ne bamu Kilikya, mutende bonse.

Byubilo 15:41

Ne aye wapichile monse mu Silya ne mu Kilikya na kukosesha bipwilo.

Byubilo 21:20

Ne abo byo bebyumvwine, bamutumbijikile Mwine Lesa. Kabiji ba mwambijile amba, “Mulongo wetu, mwamona byo baji biumbi ne biumbi bya Bayudea baitabila, ne bonse batesha michima ku Mizhilo.

Byubilo 21:39

Kumvwa aye Paulo wamwambijile amba, “Amiwa ne mu Yudea, mwina Talasusa wa mu Kilikya, kechi muzhi wabula kunema ne. Nemusashijila namba bandeke, ng'ambe ku bantu.”

Byubilo 23:34

Byo apwishishe kutanga nkalata, waipwizhe ku kyalo koafumine. Kabiji byo a umvwine amba, ye mwina Kilikya,

Byubilo 23:6

Kabiji Paulo byo ayukile amba, bamo bo Basadusea ne bamo bo Bafaliseo, wabijikile mukije amba, “Anweba bakwetu, amiwa ne mufaliseo, mwana wa Bafaliseo. Ke na mambo a luketekelo lwa lusanguko lwa bafu o mbena kuchibilwa mambo kuno leelo!”

Byubilo 26:5

Kasa bayuka ne bwikalo bwami bwakala, kana baswa kushimuna, byo najinga Mufaliseo, kasa ndonda mwayila lwipatulo lwakila mu kulama mizhilo lwa mu kupandawila kwetu.

Byubilo 26:9

“Ne amiwa mwine nalangulukile namba kyamfwainwa amiwa kuuba byavula byakulengulula jizhina ja Yesu wa ku Nazala.

Byubilo 5:34

Pakuba umo Mufaliseo mukije jizhina janji Ngamaliela, mufunjishi wa Mizhilo kabiji washing'ama mu bantu bonse, wakambiizhe amba. Aki balupulaimo kakimye kacheche.

Byubilo 6:9

Kabiji kwaimene bamo bamu aya shinagoga yobatela amba, ya Baana ba bene (byobyo yatongwelwe), ne bamu ya bena Kilene, ne bamu ya bena Alekesandiliya, ne bamu ya bena Kilikya ne Asha, baimene ne kupachika na Setepena.

Byubilo 9:1

Bino Saulo, byo akipingilenga bipingo bya kwibepaya baana babwanga ba Nkambo, wayile kwi ng'anga mukatampe,

Byubilo 9:11

Ne Nkambo wamwambijile amba, “Imana, uyenga mu mukwakwa yebateela amba, waoloka, ukepuzhe ku nzubo yakwa Yudasa muntu jizhina janji Saulo, mwina Talasusa. Mambo tala, ubena kulomba,

Byubilo 9:30

Kabiji balongo pa kwikiyuka, bamutwajile ku Kesalea, ne kumwimanya amba, ayenga ku Talasusa.

Loma 11:1

Naipuzha namba, aye Lesa wibataya bantu banji nyi? Ine kabiji akyo ne! Mambo ne amiwa mwine ne mwina Isalela, wa munkunwa ya Abulahama, ne wa mu mukoka wa Benjamina.

2 kolinda 11:22

Umvwe bo ba Hebelu, ne amiwa pamo. Umvwe bo bena Isalela, ne amiwa pamo. Umvwe bo ba nkunwa ya Abulahama, ne amiwa pamo.

Ngalatiya 1:14

Kabiji mu kupandawila kwa Bayudea amiwa ne bakijile bakwetu bavula bona esakene naabo bamu mukoka wetu, byo naubishetu mukoyo wa ku bisela bya bashakulu betu.

Ngalatiya 1:21

Kabiji naishile mu byalo bya Silya ne Kilikya,