Byubilo 22:16 - KNTP

¹⁶ Kabiji pano ikika kyo upembela? Imana, ubatizhiwe, owe bubi bobe, pa kwita pa jizhina janji.”

Byubilo 22:16 Iomraidhean Croise

Yoano 13:8

Ne Petelo wamwambijile amba, “Kechi mungovwe maulu ami nangwa kacheche ne.” Kumvwa Yesu wamwambijile amba, “Inge kechi nemovwe ne, kechi muji ne amiwa nangwa pacheche ne.”

Byubilo 2:21

Kabiji bonse baketa pa jizhina ja Nkambo bakapuluka.’

Byubilo 2:38

Ne Petelo wibambijile amba, “Lapilai, ne kubatizhiwa bonse mu jizhina ja Yesu Kilishitu mu kulekelwa mambo enu, kabiji mukatambula Mupashi Wazhila wa bupetu.

Byubilo 7:59

Kabiji byo bamwashilenga mabwe Setepena wabijikile kwi Nkambo amba, “Nkambo Yesu, tambulai mupashi wami!”

Byubilo 9:14

Kabiji ne kuno nako uji na luusa loatambula ku bang'anga bakatampe lwa kukasa bonse batela jizhina jenu.”

Byubilo 9:18

Kabiji ponkapo pa meso anji paponene biji nobe mabamba, ne kumona kamone. Ponkapo waimene ne kubatizhiwa;

1 Kolinda 1:2

Ku kipwilo kya Lesa kiji mu Kolinda, baitwa amba bekale bazhila mwi Kilishitu Yesu, ne ku bonse beta pa jizhina ja Nkambo Yesu Kilishitu konse konse, Nkambo yabo ne wetu pamo.

1 Kolinda 12:13

Ne atweba bonse twabatizhilwe ku Mupashi umo mu mubiji umo, nangwa twi Bayudea, nangwa twi Bagiliki, nangwa twi bazha, nangwa twi baana ba bene, bonse twapewa kutoma ku yenka Mupashi umo.

1 Kolinda 6:11

Ne anweba bamo byobyo mwajinga, bino pano bemovwa, bemuzhijika ne kwimubingisha monka mu jizhina ja Nkambo Yesu Kilishitu, ne na Mupashi wa Lesa wetu.

Ngalatiya 3:27

Mambo anweba bonse monka mo mwavujila mwabatizhilwe mwi Kilishitu, mwavwala Kilishitu.

Efisesa 5:26

Amba ekizhijike, byo ekitokesha pa kwikyovwa na mema a mu byambo,

Titusa 3:5

aye witupulwishe. Kechi na mambo a mingilo ya bololoke yotwaubile atweba bene ne, poso monka mwayila lusa lwanji, monka mu kovwa kwa kusemwa jibiji, ne kusangulwa kupya kwa Mupashi Wazhila.

Bahebelu 10:22

Twayai tufwenye kwipi na muchima wa kine wayula lwitabilo lwa kubula kuzhinauka, na michima yetu kasa yatokeshiwa kala ku bubi bwituzhachisha ne mibiji yetu kasa ya ovwewa kala na mema atoka.

1 Petelo 3:21

o afwanyikizha lubatizhilo lwimupulusha ne anweba pano, kechi na kufumya biko pa mubiji ne, poso kusakisha kwi Lesa muchima wawama ubula kwizhachisha, monka mu lusanguko lwa Yesu Kilishitu.