Byubilo 22:1 - KNTP

¹ Anweba bakwetu ne bataata, ng'umvwai byo nsakwiambila ko muji.

Byubilo 22:1 Iomraidhean Croise

Luka 12:11

“Kabiji byo bakemuleeta mu mashinagoga, ne ku bandamakyalo, ne ku ba luusa, kechi mukakamwe amba, leelo tusakwibakumbula byepi, nangwa amba tusa kwamba ka, ine.

Luka 21:14

Byonkabyo pwishishai jimo mu michima yenu amba kechi tukalangulukile jimo mwa kulondolwela ne,

Byubilo 13:26

“Anweba bakwetu, baana ba ku kikota kya Abulahama, ne bo muji naabo bamwakamwa Lesa, kwi atweba bonse koatumwa ano mambo aluno lupulukilo!

Byubilo 19:33

Ponkapo bamufumishe Alekesanda mu jibumba, byo bamushinjikileko ku Bayudea. Ne aye Alekesanda wakebawile na kuboko kwanji amba, neambile ku bantu.

Byubilo 23:1

Kabiji Paulo watajile pajinga bena kije, wibambijile amba, “Anweba bakwetu, ku meso a Lesa konaikajilenga na muchima watoka wakubula kwizhachisha, kufika ne ku jino juba ja leelo.”

Byubilo 23:6

Kabiji Paulo byo ayukile amba, bamo bo Basadusea ne bamo bo Bafaliseo, wabijikile mukije amba, “Anweba bakwetu, amiwa ne mufaliseo, mwana wa Bafaliseo. Ke na mambo a luketekelo lwa lusanguko lwa bafu o mbena kuchibilwa mambo kuno leelo!”

Byubilo 24:10

Kabiji aye ndamakyalo byo a mulabwile amba ambe, Paulo wakumbwile amba. “Mwane, byo nayuka namba anweba mwaikala myaka yavula na kwibachibila mambo bamu uno mukoka, nasekela bingi pa kwiambila mambo ami kwi anweba.

Byubilo 25:16

Ne amiwa nebakumbwile amba kechi kisela kya bena Loma kupanatu muntu nangwa wa byepi poso washiinwa wamonang'ana naabo bamushiina kilungi ne kilungi ne kumona mwa kwiambila mambo anji o bamushinawina.

Byubilo 25:8

Bino Paulo wiambile aye mwine amba, “Amiwa nangwa ku mizhilo ya Bayudea, nangwa ku nzubo ya Lesa, nangwa kwi Kesala, kechi nalengapo mambo ne.”

Byubilo 26:24

Kabiji byo akyambilenga byonkabyo, Fesatusa wa ambile na jiwi jikatampe amba, “Obewa Paulo, wakonya! Kufunda kobe kukatampe kubena kukwalula ke mukonye!”

Byubilo 28:17

Pakupita moba asatu, aye waichile pamo bakulumpe ba Bayudea. Byo bapwijile, aye wibambijile amba, “Amiwa, bakwetu, nangwa kechi nalengele mambo ku bantu betu ne, nangwa ku bisela bya bashakulu betu ne, nafikizhiwe bukaili ku Yelusalema mu maboko a bena Loma.

Byubilo 7:2

Kumvwa aye amba, “Anweba bakwetu ne bashetu, ng'umvwai! Lesa wa lukumo wamwekele ku mushakulu wetu Abulahama, byo akijinga mu Mesopotamya, kasa akyangye kwikala mu Halani,

Loma 2:15

Mambo bamwesha byatongola Mizhilo byo byanembwa mu michima yabo kabiji ne jiwi ja mu michima yabo kasa jitaba, ne milanguluko yabo kasa ibazhachisha nangwa kwibabingisha.

1 Kolinda 9:3

Mo ndondolwela kwi abo bampima momo muno;

2 kolinda 12:19

Apo anweba kampe mubena kulanguluka amba, tubena kwamba bya kwiwamisha atweba bene kwi anweba ne mu kino kimye? Kabiji ko ku meso a Lesa ko twambila mwi Kilishitu. Pakuba anweba batemwe, bintu byonse byo bya kwimukomesha.

2 kolinda 7:11

Mambo talai buno bulanda bwa mwayila bwina Lesa bo bwimulengeshe kuteshakotu muchima, kine ne kusaka kwibingisha, kine ne kwibuzhingijila bubi, kine ne kwakamwa, kine ne kunsakisha, kine ne kuuba mukoyo, kine ne kukabisha bubi! Mu byonse mwilumbulula amba, mwabinga mu ano mambo.

Filipai 1:17

Bakwabo kechi basapwila Kilishitu na bukishinka ne, kana na muchima wa kwitemwa; abo balanguluka kumbikilapo bya malwa byonji mu mfungwa.

Filipai 1:7

Kyawama kwi mulanguluka byonka bino. Mambo nemulama mu muchima wami, anweba bonse mwaingijile pamo ne amiwa mu bupe, ne mu mfungwa yami, ne mu kwialwila Mambo Awama, ne mu kwiekajika.

2 Timoti 4:16

Mu kwiambila kwami kutanshi, kafwako nangwa umo wang'ambijilepo ne, pakuba bonse bandekele, nalomba namba kino kechi kibatelelwe bu mambo ne.

1 Petelo 3:15

Bino zhijikai Kilishitu mu michima yenu bu Nkambo. Moba onse ikajilai jimo na mwa kwibakumbwila bonse bemwipuzha mambo a luketekelo lomuji naalo,