Byubilo 21:8 - KNTP

⁸ Byo bwakiile lukeelo twafumineko ne kufika ku Kesalea. Kabiji twatwelele mu nzubo ya kwa Filipa musapwishi wa Mambo Awama, ye umo wa boba batanu na babiji, ne kwikala twaikele nanji.

Byubilo 21:8 Iomraidhean Croise

Byubilo 10:1

Kabiji mu Kesalea mwajinga muntu umo, jizhina janji Koneleusa, mukulumpe wa bashilikale wa mukipamo kyobatelele amba, “Kya ku Italya.”

Byubilo 16:10

Kabiji byo ekimwene kimwesho, ponkapo twasakile kuya ku Makedonya, mambo twalangulukile namba, Lesa witwita kokwa amba tukasapwile Mambo Awama.

Byubilo 16:13

Ne mu juba ja Sabado twayile pangye ya muzhi kunsa ya mukola, ko twalangulukile namba apo ko kuntu ko balombela, kabiji twaikele konka na kwisamba na banabakazhi bapwijile pamo.

Byubilo 16:16

Kabiji byotwayilenga ko balombela, twasambakene kamwale muzha, wajinga na mupashi wa kubuka wanonkeshanga ba nkambo yanji byavula na lubuko.

Byubilo 18:22

Kabiji byo afikile ku Kesalea, wayile na kwimuna kipwilo, kabiji ponkapo wakunkulukijile ku Antioka.

Byubilo 20:13

Bino atweba twatangijilepo mu bwato, ke tuye ja pa mema ku Asosa, ko twafwainwe kumusenda Paulo, mambo byo byo alayile mwine, byo asakile kupita ja kungye.

Byubilo 20:6

Kabiji moba a bashinkwa ba kubula mbizho pakupita, atweba twafumine ku Filipai na bwato, ne kufika ku Toloasa ko bajinga mu moba atanu, twaikajileko moba atanu na abiji.

Byubilo 21:16

Kabiji twayile na bamo baana babwanga ba ku Kesalea, bo betutwajile ku nzubo ya kwa Nasoni wa ku Kipilusa, mwana wabwanga mutanshi, amba tukafikile kwanji.

Byubilo 23:23

Ponkapo waichile bakulumpe babiji ba bashilikale ne kwibambila amba, “Nengezhezhai jimo bashilikale bitota bibiji, ne ba pa bambili makumi atanu na abiji ne ba mafumo bitota bibiji kuya ku Kesalea, bemane pa kimye kya busatu bufuku.

Byubilo 27:1

Kabiji byo kyafukwilwe amba, tuye mu bwato ku Italya, bapaine Paulo ne bamo bakwabo bakaili ku mukulumpe wa bashilikale, jizhina janji Julyasi, wa kipamo kya Augusatusa.

Byubilo 28:11

Pakupita bang'ondo basatu, ke kuya ja pa mema mu bwato bwa ku Alekesandiliya, bonka bwaikajile ku jikuji mu bang'ondo ba mashika, jizhina ja bwato, “Balesa mapasa.”

Byubilo 28:16

Kabiji byo twatwelele monka mu Loma Paulo bamuswishishe amba, ekale pa bunke bwanji, pamo na mushilikale wamulaminenga.

Byubilo 6:5

Ne akya kyo ba ambile kibatokeshe ku michima bonse bamu jibumba, kabiji basajile Setepena, muntu wayujile lwitabilo ne Mupashi Wazhila, ne Filipa, ne Polokolusa, ne Nikanola, ne Timona, ne Palamenasa, ne Nikolasa, ye wialwile ke mu Yudea, mwina Antioka.

Byubilo 9:30

Kabiji balongo pa kwikiyuka, bamutwajile ku Kesalea, ne kumwimanya amba, ayenga ku Talasusa.

Efisesa 4:11

Kabiji bamo wibapele butumwa, bamo bungauzhi, bakwabo busapwishi, kabiji bakwabo bu kafunga ne bufunjishi.

2 Timoti 4:5

Pakuba obewa wikale watekanya mu bintu byonse, kasa ukosa mu bya malwa, ne kwingila mwingilo wa busapwishi bwa Mambo Awama, ne kupwisha bulongo mingilo yobe.