Byubilo 2:43 - KNTP

⁴³ Ponkapo ne moyo wibakwachile bantu bonse, ne byavula bya kukumya ne biyukilo byaubilwe kupichila mu batumwa.

Byubilo 2:43 Iomraidhean Croise

Mako 16:17

Ne bino biyukilo bikebalondelanga baitabila. Mu jizhina jami bakapangilangamo bademona, bakambanga na njimi ingi,

Luka 7:16

Moyo wibakwachile bonse, ne kumutumbijika Lesa, ne kwamba amba, “Ngauzhi mukatampe wamweka mukachi ketu!” Kabiji amba, “Lesa wibapempula bantu banji!”

Luka 8:37

Ponkapo bonse bantu bazhokolokele kyalo kya Ngalasene bamulombele amba afume mwabo, mambo bakwachilwe na moyo mukatampe. Onkao mambo watwelele mu bwato ne kuya.

Yoano 14:12

Kine, kine nemwambila namba, awa wangitabila amiwa, mingilo yo nguba amiwa naye ukeyuba, ne yakila ino ukeyuba, mambo mbena kuya kwi Bataata.

Byubilo 2:22

“Anweba bena Isalela, umvwai bino byambo! Yesu mwina Nazala, muntu waitabilwe kwi Lesa ku meso enu mu mingilo ya bulume ne mu bya kukumya ne mu biyukilo, byo aubile Lesa mwi aye mukachi kenu, monka mo mwayukila ne anweba bene;

Byubilo 4:33

Ne na bulume bukatampe batumwa bashimwinenga mambo a lusanguko lwa Nkambo Yesu, ne bupe bukatampe bwaikajile pe abo bonse.

Byubilo 5:5

Ponkapo Ananyasa pakumvwa byobyo byambo waponene panshi ne kufwa, ne moyo mukatampe wibakwachile bonsetu bekyumvwine.

Byubilo 9:34

Kepo Petelo a mwambijile amba, “Eneasa, Yesu Kilishitu wimubuka, imanai mwanshike mwanya wenu.” Kabiji ponkapotu waimene.

Byubilo 9:40

Ne aye Petelo wibalupwilemo bonse, ne pa kufukama panshi walombele; kabiji waalukijile ku mufu, ne kumwambila amba, “Tabita, buka!” Ponkapo walabile; ne pa kumona Petelo, wabuukile ne kwikala.