Byubilo 2:23 - KNTP

²³ aye uno Yesu, byo asolwelwe na mambo a kutongwela jimo ne kuyukila jimo kwanji aye Lesa, anweba yenu mwamupopele pa musalabu ne kumwipaya konka ku maboko a bampupabizhila.

Byubilo 2:23 Iomraidhean Croise

Mateo 20:19

ne kumupana ku Bangentila, kabiji ne abo nabo bakamuuba mwenga, ne kumututaula, ne kumupopa pa musalabu, kabiji mu juba ja busatu ukasangulwa.”

Mateo 26:24

Mwana Muntu uya monka mo kyamunembelwa. Bino malwa kwiyewa umusolola Mwana Muntu! Kyamuwamina awa muntu inge kechi wasemekelwe ne.”

Mateo 27:35

Kabiji bamupopele pa musalabu, kasa bataaya bubale bwa kwiabenya bivwalo byanji.

Mako 15:24

Kabiji bamupopele pa musalabu ne kwiabenya bivwalo byanji, kasa bataaya bubale pakuyuka byo basa kwibitambula, au kyanji au kyanji.

Luka 22:22

Mambo Mwana Muntu uya monka mo kyafukwilwa, bino malwa kwiyewa muntu ukamusolola!”

Luka 22:37

Mambo nemwambila namba, kino kyanembwa amba, ‘Ne aye bamubajile pamo na batupondo,’ kyafwainwa kimfikile amiwa. Mambo bintu byanembejilwe amiwa byafwainwa bifikizhiwe.”

Luka 23:33

Kabiji byo bafikile pantu patelwa amba, “Kiboyongolo,” bamupopele pa musalabu konkakwa ne batupondo, umo ku kilujo kyanji ne mukwabo ku kipiko kyanji.

Luka 24:20

Ne bang'anga bakatampe ne bandamakyalo bamuzhachishe amba, wafwainwa kufwa. Ne kupopa bamupopele pa musalabu.

Yoano 19:18

Ko bamupopele pa musalabu, ne bakwabo babiji pamo ne aye, umo ku lubaji lumo, mukwabo naye ku lubaji lukwabo, ne aye Yesu pakachi.

Yoano 19:24

Ponkapo abo ba ambang'ene bene na bene amba, “Kumutabula ne, kilekai, tutaye bubale, kana usakwikala wa kwa ng'anyi.” Amba, kinembelo kifike kyaamba amba, “Be abenya bene na bene bivwalo byami, kabiji batayile bubale pa mukangyo wami.” Bino bintu byo byo baubile bashilikale.

Byubilo 13:27

Mambo bekala mu Yelusalema ne bakulumpe babo kechi bamuyukile, nangwa kuyuka byambo bya bangauzhi byo batanga moba onse a Sabado ne. Nangwa byonkabyo balengejile byambo bya bangauzhi kufikizhiwa pa kumuzhachisha aye.

Byubilo 15:18

kufuma ne kukala.”

Byubilo 2:36

“Onkao mambo bonse ba munzubo ya Isalela bayukishetu amba, Lesa wamupa bu Nkambo ne bu Kilishitu, yenka uno Yesu ye mwaipayile pa musalabu.”

Byubilo 3:18

Pakuba abya bintu byo a ambijile jimo Lesa mu kanwa ka bangauzhi banji, amba, Kilishitu wami ukamanama, aye wibifikizha.

Byubilo 4:28

Kumuba byonse byo mwafukwijile jimo kuuba na bulume bwenu.

Byubilo 5:28

“Atweba twimukambiizhe bingi, namba kechi mufunjishenga mu jino jizhina ne. Ke ibyo nyi? Kabiji anweba mwakumbanya Yelusalema na mafunjisho enu, ne kusaka mwasaka kwitushinkamika mashi a ye uno muntu.”

Byubilo 5:30

Aye Lesa wa bashakulu betu wamusangwile Yesu, ye mwaipayile anweba, byo mwamukobekele ku kichi.

Byubilo 7:52

Ng'anyi ngauzhi ye babujile kupata bashakulu benu? Kabiji bebepayile ba ambilejilenga jimo na mambo a kwiya kwa aye Mololoke. Kabiji anweba pano yenu mwamusolola ne kumwipaya.

Loma 2:12

Mambo bonse mobavujila balenga mambo kwakubula Mizhilo bakonaika pamo kwakubula Mizhilo, kabiji bonse mobavujila balenga mambo mu Mizhilo bakachibilwa mambo monka mu Mizhilo.

Loma 4:17

monka mo kyanembelwa amba, “Nakutongola ke shanja mikoka yavula.” Ku meso a Lesa yeaitabile, upana bumi ku bafu ne kutela bintu byabulwapo amba bikalepo.

Tesalonika 2:15

ibo bamwipayile Nkambo Yesu ne bangauzhi, ne kwitumanyika ne atweba. Bobabula kutokesha Lesa pa muchima, kabiji beabanya na bantu bonse.

1 Petelo 1:2

Basalululwa monka mwayila maana akuyukila jimo kwa Lesa Taata, na kuzhijikwa kwa Mupashi, ne kutokeshiwa na mashi anji amba mukookelenga Yesu Kilishitu. Bupe ne mutende bimuvujile.

1 Petelo 1:20

Ye basalulwijile jimo pano pantanda kasa pakyangye kulengwa, pakuba wasololwa kuno kumpelo ya myaka na mambo a anweba.

1 Petelo 2:8

Kabiji kinembelo kikwabo kyaamba amba, “Jibwe ja kwituntulako ne mukunko wa kwibaponeshako.” Betuntula mambo a kulengulula mafunjisho byonka byo kibatongwejilwe.

Yuda 1:4

Mambo kobaji bantu bamo batwela mwi anweba bufyamfya, bonkaba bo banembejile jimo kala amba batongwelwa luno luzhachisho, babula kwakamwa Lesa, kasa baalula bupe bwa Lesa wetu ke mwakuubila bya bunya, ne kukana Mfumu wetu yenkawa umotu, aye Nkambo Yesu Kilishitu.

Lumwekesho 13:8

Ne bonse bekala pano pantanda bakamupopwela, bonse babulwa kunembwa mazhina abo, kufuma ku ntendekelo ya pano pantanda, mu buku wa bumi wa aye Mwana Mukooko, yenkaye waipayilwe.