Byubilo 2:22 - KNTP

²² “Anweba bena Isalela, umvwai bino byambo! Yesu mwina Nazala, muntu waitabilwe kwi Lesa ku meso enu mu mingilo ya bulume ne mu bya kukumya ne mu biyukilo, byo aubile Lesa mwi aye mukachi kenu, monka mo mwayukila ne anweba bene;

Byubilo 2:22 Iomraidhean Croise

Mateo 12:28

Amiwa byo mpangamo bademona na Mupashi wa Lesa, nanchi pano bufumu bwa Lesa bwaiya pe anweba.

Mateo 2:23

kabiji pa kubwela, waikajile mu muzhi yebatela amba Nazala, kufikizha kya ambile bangauzhi amba, “Bakamutela amba mwina Nazala.”

Mateo 9:8

Pakuba mabumba pa kwikimona ke moyo, ke bamutumbijike Lesa yenka wapaine luno luusa ku bantu.

Luka 11:20

Amiwa byo mpangamo bademona ku bulume bwa Lesa, nanchi pano bufumu bwa Lesa bwaiya pe anweba.”

Luka 18:37

Ba mubujile amba, “Yesu mwina Nazala ubena kupita.”

Luka 24:18

Kumvwa umo jizhina janji Kileopasa amba, “Lelo anweba mwi mwenyi mu Yelusalema bunke bwenu byo mwabula kuyuka byalukutamo mu ano moba nyi?”

Yoano 1:45

Ne aye Filipa wataaine Natanela, wamwambijile amba, “Twamutaana, ye banembele kwi Mosesa mu buku wa mizhilo, ne ku bangauzhi, Yesu mwina Nazala, mwana Yosefwa.”

Yoano 10:37

Inge kechi nguba mingilo ya bataata ne, kechi mungitabile ne.

Yoano 11:47

Ponkapo bang'anga bakatampe ne Bafaliseo baikajile kije, ne kwamba amba, “Tube byepi? Mambo uno muntu ubena kuba biyukilo byavula!

Yoano 12:17

Ne aja jibumba jajinga nanji byo aichile Lazalasa kufuma mu kilende ne kumusangula mu bafu, ja shimwinenga.

Yoano 15:24

Inge kechi naubile mwi abo mingilo ibula kuubapo mukwabo ne, inge kechi baji na mambo ne, pakuba pano amiwa ne bataata betumona ne kwitushikwa.

Yoano 19:19

Pilato wanembele kiyukilo ne kwikibika pa musalabu. Kyanembelwe amba, “YESU MWINA NAZALA, MFUMU WA BAYUDEA.”

Yoano 3:2

Uno waishile kwi Yesu bufuku, ne kumwambila amba, “Laabi, twayuka naamba mwi mufunjishi wafuma kwi Lesa. Mambo kafwako wakonsha kuuba bino biyukilo byo muuba anweba ne, poso Lesa uji nanji.”

Yoano 4:48

Ne Yesu wamwambijile amba, “Anweba kechi mwitabila ne kanatu mwamona biyukilo ne bya kukumya.”

Yoano 5:36

Pakuba lushimuno lwami lonji nalo amiwa lwakila lwa kwa Yoano, mambo mingilo yo bampele Bataata amba wiipwishe, yonkaya mingilo yo mbena kuuba amiwa yo inshimuna amba, Shanji wamutuma.

Yoano 6:14

Ponkapo aba bantu byo bamwene kiyukilo kyo aubile ba ambilenga amba, “Kine uno ye yewa Ngauzhi wa Lesa ye twatengejilenga pano panshi.”

Yoano 6:27

Kechi mwingijile kajo konaika ne, pakuba ingijilai kajo kakelwa ne ku bumi bwa myaka ko akemupa Mwana Muntu. Mambo aye bamubikile kayukilo kwi Shanji, yenka Lesa.”

Yoano 7:31

Ne bavula bamu jibumba bamwitabijile, ba ambilenga amba, “Nanchi pa kukeya Kilishitu, ukoba biyukilo byakila mu kuvula kukila bino byo auba uno muntu nyi?”

Yoano 9:33

Inge awo muntu kechi wafuma kwi Lesa ne, kechi wakonsha kuuba kintu ne.”

Byubilo 13:16

Ponkapo Paulo waimene, ne pa kukebaula na kuboko kwanji wa ambile amba. “Anweba bena Isalela ne anweba baakamwa Lesa, umvwai.

Byubilo 14:27

Kabiji byo bafikile, bakonkenye pamo kipwilo, bebabujile byonsetu byaubile Lesa, ne byo a shinkwijile Bangentila kibelo kya lwitabilo.

Byubilo 2:19

Kabiji nkamwesha bya kukumya mwiulu, ne biyukilo pano panshi; Bya mashi, ne bya mujilo, ne bya mimbulungwa ya bwishi.

Byubilo 2:43

Ponkapo ne moyo wibakwachile bantu bonse, ne byavula bya kukumya ne biyukilo byaubilwe kupichila mu batumwa.

Byubilo 21:28

Kasa babijika amba, “Anweba bena Isalela! Tukwashaiko, uno i ye muntu ufunjisha bonse bantu konse kasa etuneena atweba Bayudea, ne Mizhilo nayo, ne pano pantu pamo, kabiji ne kikwabo waletele Bagiliki mu nzubo ya Lesa, ne kuzhilulula pano pantu pazhila.”

Byubilo 22:8

Kepo amiwa naipwizhe namba, nanchi anweba yenu bang'anyi, Nkambo? Ne aye wang'ambijile amba, ‘Amiwa ne Yesu wa ku Nazala, ye ubena kumanyika obewa.’

Byubilo 24:5

Mambo uno muntu twamumona namba ye mulwanyi, ulengela bantu kusatuka mu Bayudea bonse pano pantanda ponse, kabiji ye mwine ntangi mukatampe mu lolwa lwipatulo lwa bena Nazala.

Byubilo 26:26

Mambo aye mfumu, ye mbena kwambilapo wibiyuka bino bintu, kabiji nakonsha kwamba na kuchinchika mambo nayuka namba, kafwako kintu nangwa kimo kya mu bibye kyafyamika kwi aye ne, mambo kino kechi kyaubilwe kumbaji ne.

Byubilo 26:9

“Ne amiwa mwine nalangulukile namba kyamfwainwa amiwa kuuba byavula byakulengulula jizhina ja Yesu wa ku Nazala.

Byubilo 3:12

Petelo byo ekimwene, wa ambijile bantu amba, “Anweba bena Isalela, mambo ka kyomwakuminya kino kintu, kabiji mubena kwitutajiisha atweba, nobe atweba bene twamwendesha ku bulume bwetu nangwa na kunemeka Lesa kwetu?

Byubilo 3:6

Pakuba Petelo wa ambile amba, “Siliva ne a ngolode kechi nji nabyo ne, pakuba kyonji naakyo, nsakwimupa. Mu jizhina ja Yesu Kilishitu mwina Nazala, imanai mwende.”

Byubilo 4:10

yukai anweba bonse, ne ku bonse bena Isalela amba, uno muntu waimana ku meso enu ke mutuntulu mu jizhina ja Yesu Kilishitu mwina Nazala, ye mwaipayile pa musalabu anweba, ye asangwile Lesa mu bafu.”

Byubilo 5:35

Ne aye wibambijile amba. “Anweba bena Isalela, tekanyai nakyo musaka kwiboba bano bantu.

Byubilo 6:14

Mambo twamumvwine kasa amba amba. Aye Yesu mwina Nazala ukonauna pano pantu ne kwalulula bisela bitupele Mosesa.”

2 kolinda 12:12

Kine biyukilo bya mutumwa byaubilwe mwenu mu butekanye bonse, na biyukilo ne na bya kukumya ne na mingilo ya bulume.

Bahebelu 2:4

Lesa naye kasa ashimuna naabo na biyukilo ne bya kukumya ne bya bulume bya misango ne misango ne kupana bya bupe bya Mupashi wa Wazhila monka mwayila kyaswa muchima wanji mwine.