Biblia Todo Logo
Bìoball air-loidhne

- Sanasan -




Byubilo 19:8 - KNTP

8 Kabiji aye Paulo watwelele mu shinagoga, kasa amba na kuchinchika pa bang'ondo basatu, kasa epuzhang'ana naabo ne kweseka kwibetabizha bya mu bufumu bwa Lesa.

Faic an caibideil Dèan lethbhreac




Byubilo 19:8
17 Iomraidhean Croise  

Boemweshesheko mumi pakupita kumanama kwanji mu biyukilo byavula, kasa amweka kwi abo moba makumi ana, kasa amba bya bufumu bwa Lesa.


Bino abo bafumine ku Pelega ne kuya ku Antioka mu ntanda ya Pisidya, ne mu juba ja Sabado batwelele mu shinagoga ne kwikala baikajile panshi.


Kabiji ba Paulo ne Banabasa ba ambilengatu na kuchinchika amba, “Kyaji kufwainwa mambo a Lesa asapwilwe kwi anweba patanshi. Pakuba byo mwiakana ne kwichibila mambo anweba bene amba, kechi mwafwainwa bumi bwa myaka ne, nanchi, pano twaalukila ku Bangentila.


Kabiji pamotu ne ku Ikonyuma abo batwelele mu shinagoga wa Bayudea ne kwamba kyakuuba ne jibumba jikatampe ja Bayudea ne Bagiliki baitabijile.


Aye kepo aipuzhang'enenga naba mu shinagoga ne Bayudea ne bapopwelanga Lesa, ne pa kisankanyi napo na bantu bo a sambakenenga pa juba pa juba.


Kabiji byo afikile ku Efisesa waabene naabo, bino aye mwine wakatwelele mu shinagoga ka aipuzhang'ane naabo Bayudea.


Watatwile kwamba na kuchinchika mu shinagoga. Kabiji byo bamumvwine ba Pilisila ne Akwila, bamutwajile kwabo, ne kumulumbulwila bulongo mwayila jishinda ja Lesa.


Kabiji waipuzhang'enenga na bantu mu shinagoga moba onse a Sabado, kasa eseka kwibetabizha Bayudea ne Bagiliki.


Kino kyaubilwenga byonkabyo myaka ibiji, onkao mambo bonse bajinga mu Asha ba umvwine mambo a Nkambo, ne Bayudea ne Bagiliki pamo.


Abo bonse bajinga banabalume kampe jikumi na babiji.


Pakuba bamo byo bakoseshe michima ne kulengulula, ne kwijinena bibi jino Jishinda ku meso a jibumba, aye wafumineko ko baji, wasendele baana babwanga, kaipuzhang'ane naabo mu sukuulu wa Tilanusa pa juba pa juba.


Onkao mambo jimukai, kasa muvuluka akya kimye kya myaka isatu, kyo nabujilenga kuzhikilwa kwimufunda anweba bonse, bufuku ne mute na mipolo.”


Byo bamutongwejile jimo juba, baishile bavula koafikijile. Kufuma lukeelo kufika ne mabanga wibalumbulwijile, kasa ebabujisha mambo a bufumu bwa Lesa, ne kweseka kwibetabizha mambo a aye Yesu, kufuma mu buku wa mizhilo wakwa Mosesa ne kufuma mu bangauzhi.


Anweba batemwe, nangwa natesheshekotu muchima kwimunembela na mambo a lupulukilo lwetu atweba bonse, nekimwene namba kyamfwainwa kwimunembela byambo bya kwimutundaika namba, mwibilwile na muchima yense abya byonse bya lwitabilo byo apaine Lesa ku bazhijikwa banji.


Lean sinn:

Sanasan


Sanasan