Byubilo 19:4 - KNTP

⁴ Ne Paulo wibambijile amba, “Yoano wabatizhilenga na lubatizhilo lwa lulapilo, kasa ebambila bantu amba, bamwitabile awa wamulondejile panyuma, aye Yesu.”

Byubilo 19:4 Iomraidhean Croise

Yoano 1:15

Yoano wamushimwine ne kusansula jiwi janji amba, “Uno i ye, ye na ambile namba, kunyuma yami kubena kwiya uji kulutwe kwami, mambo aye wajinga mutanshi.”

Yoano 1:26

Kepo Yoano wibakumbwile amba, “Amiwa mbatizha na mema, pakuba mukachi kenu mwaimana umo ye mwabula kuyuka anweba,

Yoano 1:27

ye yewa undondela panyuma, mikanda ya makwabilo anji kechi nafwainwa kwiikasulula ne.”

Yoano 1:7

Ye waishile na kushimuna, ne kupana bukamonyi na mambo a kyokya Kyeya, amba bonse betabile kupichila mwi aye.

Byubilo 1:5

Mambo Yoano kine wabatizhilenga na mema, pakuba anweba mukabatizhiwa na Mupashi Wazhila, bino kechi kwashala moba avula ne.”

Byubilo 11:16

Ne amiwa ponkapo navulukile byambo bya Nkambo, byo a ambile amba, ‘Yoano kine wabatizhilenga na mema, pakuba anweba mukabatizhiwa na Mupashi Wazhila.’